काठमाडौं । स्कटल्यान्डका आक्रामक ओपनर जर्ज मुन्से नेपाल प्रिमियर लिग (एनपीएल) को तेस्रो संस्करणमा सुदूरपश्चिम रोयल्सबाट खेल्ने भएका छन् । सुदूरपश्चिमले उनलाई एनपीएलका बाँकी खेलका लागि टोलीमा अनुबन्ध गरेको हाे । मुन्सेले यसअघि एनपीएलको दोस्रो संस्करण विराटनगर किङ्सबाट खेलेका थिए । सुदूरपश्चिमका अर्का स्कटिस खेलाडी ब्रान्डन म्याकमुलेन भने स्वदेश फर्किसकेका छन् । लिग चरणमा सातमध्ये पाँच खेल जित्दै १० अंक जोडेको सुदूरपश्चिम दोस्रो स्थानमा रहँदै प्लेअफमा पुगेको छ । लगातार तीन संस्करण प्लेअफमा पुग्ने पहिलो टोली बनेको सुदूरपश्चिमले यसअघि दुई संस्करणमा फाइनल खेले पनि उपाधि जित्न सकेको छैन । यसपटक मुन्सेको आगमनसँगै टोली उपाधि जित्ने लक्ष्यमा हुनेछ । आक्रामक ब्याटिङका लागि परिचित मुन्सेले स्कटल्यान्डका लागि ७९ एकदिवसीय र ८८ टी–२० अन्तर्राष्ट्रिय खेलेका छन् । एकदिवसीयमा तीन शतकसहित २ हजार ७ सय ७७ तथा टी–२० अन्तर्राष्ट्रियमा तीन शतकसहित २ हजार ५ सय ९८ रन बनाएका छन् । समग्र टी–२० करिअरमा १३३ खेल खेलेका उनले ३ हजार ६ सय ९८ रन बनाएका छन् ।
जर्ज मुन्से सुदूरपश्चिम रोयल्सबाट प्लेअफका खेल खेल्ने

Read Complete Original Article
Published originally on केन्द्रबिन्दु



_jngkj3r13m_7PHWnhfPpk.jpg)


