Monday, November 16, 2026||
MultiKhabarMultiKhabar

जय शाह आईसीसी अध्यक्षमा दोस्रो कार्यकालका लागि पुनः नियुक्त

Share:WhatsAppFacebookX (Twitter)Telegram
जय शाह आईसीसी अध्यक्षमा दोस्रो कार्यकालका लागि पुनः नियुक्त
Photo / Coverage: केन्द्रबिन्दु

काठमाडौं । अन्तर्राष्ट्रिय क्रिकेट परिषद् (आईसीसी) को अध्यक्षमा जय शाह दोस्रो कार्यकालका लागि निर्विरोध पुनः नियुक्त भएका छन् । आईसीसी बोर्डले बालीमा बसेको बोर्ड तथा समितिको बैठकमा निर्देशकहरूले गरेको प्रस्तावपछि शाहलाई दोस्रो कार्यकालका लागि निरन्तरता दिने निर्णय गरेको हो । आईसीसीले विश्वव्यापी रूपमा क्रिकेटको विस्तार, समर्थकको सहभागिता वृद्धि र व्यावसायिक विकासलाई प्राथमिकतामा राखिरहेका बेला शाहको पुनर्नियुक्तिलाई नेतृत्वप्रतिको विश्वास र निरन्तरताका रूपमा हेरिएको छ । पुनः नियुक्तिपछि शाहले आईसीसी बोर्डले आफूलाई देखाएको विश्वासप्रति आभार व्यक्त गरेका छन् । आईसीसी अध्यक्षका रूपमा काम गर्नु आफ्नो लागि सम्मान र जिम्मेवारी दुवै भएको उल्लेख गर्दै उनले विश्वभर क्रिकेटको हितमा सदस्य राष्ट्रहरूसँग मिलेर काम गर्ने प्रतिबद्धता जनाएका छन् । क्रिकेट इतिहासकै महत्त्वपूर्ण र रोमाञ्चक समय सुरु हुन लागेको बताउँदै शाहले सन् २०२८ मा लस एन्जलसमा हुने ओलम्पिक खेलकुदमा क्रिकेटको पुनरागमनलाई नयाँ दर्शक र खेलाडीमाझ खेल विस्तार गर्ने ठूलो अवसरका रूपमा व्याख्या गरेका छन् । उनले प्रतियोगिता सफलतापूर्वक आयोजना गर्नुका साथै खेलाडी, समर्थक, व्यावसायिक साझेदार र अन्य सरोकारवालाको हितमा क्रिकेटको दिगो भविष्य निर्माण गर्नुपर्नेमा जोड दिएका छन् । शाहले सन् २०२४ मा पहिलोपटक आईसीसी अध्यक्षमा निर्विरोध निर्वाचित भएका थिए । त्यसअघि अध्यक्ष रहेका ग्रेग बार्कलेले तेस्रो कार्यकालका लागि उम्मेदवारी नदिने निर्णय गरेपछि शाहले नेतृत्व सम्हालेका थिए । उनी आईसीसीको इतिहासमा सबैभन्दा कम उमेरमा अध्यक्ष बन्ने व्यक्ति हुन् । ३८ वर्षीय शाह आईसीसीको नेतृत्व गर्ने पाँचौँ भारतीय पनि हुन् । उनीभन्दा अघि जगमोहन डालमिया, शरद पवार, एन श्रीनिवासन र शशांक मनोहरले उक्त जिम्मेवारी सम्हालिसकेका छन् । शाहले भारतीय क्रिकेट नियन्त्रण बोर्ड (बीसीसीआई) को मानार्थ सचिव तथा एसियाली क्रिकेट परिषद् (एसीसी) को अध्यक्षका रूपमा पनि काम गरिसकेका छन् । सन् २०१९ मा उनी बीसीसीआईको सबैभन्दा कम उमेरका मानार्थ सचिव निर्वाचित भएका थिए । उनको कार्यकालमा भारतीय क्रिकेटमा इन्डियन प्रिमियर लिग (आईपीएल) को कीर्तिमानी मिडिया अधिकार सम्झौता, महिला प्रिमियर लिग (डब्ल्यूपीएल) को सुरुवात, अत्याधुनिक सेन्टर अफ एक्सिलेन्सको स्थापना र टेस्ट क्रिकेट प्रोत्साहन योजना लागू गर्नेजस्ता महत्त्वपूर्ण काम भएका थिए । क्रिकेट प्रशासनमा उनको यात्रा सन् २००९ मा जिल्ला तथा राज्यस्तरबाट सुरु भएको थियो । त्यसपछि उनी गुजरात क्रिकेट एसोसिएसन हुँदै क्रिकेट प्रशासनको उच्च तहमा पुगेका हुन् ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
अमेरिका–इरान तनाव घटाउन पाकिस्तानको पहल
Latest NewsJust now

अमेरिका–इरान तनाव घटाउन पाकिस्तानको पहल

इस्लामाबाद।पाकिस्तानले अमेरिका र इरानबीचको तनाव कम गर्न क्षेत्रीय मुलुकको समर्थनसहित कूटनीतिक प्रयास जारी राख्ने प्रतिबद्धता जनाएको छ। विदेशमन्त्री इशाक दारले सोमबार इस्लामाबादमा आयोजित क्षेत्रीय आर्थिक सहयोग संगठन (इको) को बैठकमा शान्ति र स्थिरता बिना आर्थिक विकास तथा व्यापार विस्तार सम्भव नहुने बताए। १० सदस्यीय इको बैठकमा इरानी विदेशमन्त्री अब्बास अराघचीसहित विभिन्न देशका कूटनीतिज्ञ सहभागी थिए। अराघचीले अन्तर्राष्ट्रिय कानून र शान्तिपूर्ण समाधानको पक्षमा ...

नेपालन्युज
कोप-३१ सम्मेलनमा नेपालको सहभागिता र उपलब्धि कस्तो छ ?
Latest NewsJust now

कोप-३१ सम्मेलनमा नेपालको सहभागिता र उपलब्धि कस्तो छ ?

कृषि, वन तथा पर्यावरणमन्त्री गीता चौधरीले नेपालको मुख्य मुद्दा जलवायु न्याय, वित्त र पर्वतीय विषय भएको  बताएकी छन् । नेपालले टर्किएको अन्ताल्यामा जारी जलवायु परिवर्तनसम्बन्धी संयुक्त राष्ट्रसङ्घीय सम्मेलन (कोप–३१)  मा  उक्त बिषय प्रमुख मुद्दाका रुपमा उठाएको छ ।       सम्मेलनमा नेपालको नेतृत्व गरेका परराष्ट्रमन्त्री शिशिर खनाल स्वदेश फर्किएपछि यही नोभेम्बर १४ देखि नेपाली प्रतिनिधिमण्डलको नेतृत्व कृषिमन्त्री गीता चौधरीले गरेकीछन् ।  उनले पर्वतीय ...

फरकधार
अस्ट्रेलियाली नागरिकमा एआईप्रति बढ्दो चिन्ता, दुई तिहाइले जोखिम फाइदाभन्दा बढी देखे
Latest NewsJust now

अस्ट्रेलियाली नागरिकमा एआईप्रति बढ्दो चिन्ता, दुई तिहाइले जोखिम फाइदाभन्दा बढी देखे

मेलबर्न । कृत्रिम बुद्धिमत्ता (एआई) प्रविधिको तीव्र विकासले विश्वभर नयाँ सम्भावना र अवसर सिर्जना गरिरहेको भए पनि अस्ट्रेलियाली नागरिकमा यसप्रति चिन्ता बढ्दै गएको एक सर्वेक्षणले देखाएको छ । अधिकांश अस्ट्रेलियाली... ...

रातोपाटी
नेपालको सडक कहिले हुन्छ सुरक्षित ?
Latest NewsJust now

नेपालको सडक कहिले हुन्छ सुरक्षित ?

नेपालमा सडक दुर्घटना अब केवल यातायात व्यवस्थापनको प्राविधिक विषय रहेन । यो सार्वजनिक स्वास्थ्य, सामाजिक सुरक्षा, आर्थिक उत्पादकत्व, सुशासन र राज्यको उत्तरदायित्वसँग प्रत्यक्ष जोडिएको राष्ट्रिय चुनौती बनेको छ । हरेक वर्ष हजारौँ नागरिक सडक दुर्घटनामा ज्यान गुमाउँछन् वा घाइते हुन्छन् । कतिपय परिवारको आर्थिक आधार भत्किन्छ, बालबालिकाको भविष्य प्रभावित हुन्छ र दुर्घटनाबाट बाँचेका मानिसले लामो […] ...

लोकपथ
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play