काठमाडौं । नेपाल प्रिमियर लिग (एनपीएल) अन्तर्गतको आजको दोस्रो खेलमा सुदूरपश्चिम रोयल्सले चितवन राइनोजलाई ५ विकेटले पराजित गरेको छ । चितवनले दिएको १३० रनको लक्ष्य पछाएको सुदूरपश्चिमले १६.४ ओभरमा ५ विकेट गुमाउदै लक्ष्य पुरा गरेको थियो । सुदूरपश्चिमका लागि ब्राण्डन म्याकुलनले सर्बाधिक ४३ रन बनाए भने इशान पाण्डेले २५, शेरफान रुदरफोर्डले अविजित २१ र आरिफ सेखले २० रन बनाएका थिए । त्यस्तै चितवनका बलर रञ्जित कुमारले ३ विकेट लिए भने रिजन ढकाल र मौसम ढकालले एक एक विकेट लिएका थिए । यसअघि टस हारेर पहिला ब्याटिंग गरेको चितवनले २० ओभरमा ६ विकेट गुमाउदै १२९ रन बनाएको थियो । चितवनका लागि रवि भोपाराले सर्बाधिक ४९ रन बनाएका थिए । त्यस्तै डेविड मलानले १६, अर्जुन साउद र सिकन्दर राजाले १५-१५ रन तथा विवेक यादवले १७ रन बनाएका थिए । त्यसैगरी सुदूरपश्चिमका बलर स्कट कुगालानले २ विकेट लिए भने हेमन्त धामी, दिपेन्द्र सिंह ऐरी र अनिल खरेलले एक एक विकेट लिएका थिए । यो जितपछि सुदूरपश्चिमको ४ खेलमा ४ अंक भएको छ भने चितवनको ३ खेलमा ३ अंक रहेको छ । The post चितवन राइनोजमाथि सुदूरपश्चिम ५ विकेटले विजयी appeared first on Corporate Khabar : Nepals First Corporate News Magazine and Portal.
चितवन राइनोजमाथि सुदूरपश्चिम ५ विकेटले विजयी
Read Complete Original Article
Published originally on कर्पोरट खबर
