Saturday, November 21, 2026||
MultiKhabarMultiKhabar

चलचित्र हल व्यवसायलाई राहत र प्रोत्साहन दिन बोर्ड अध्यक्ष पण्डितको आग्रह

Share:WhatsAppFacebookX (Twitter)Telegram
चलचित्र हल व्यवसायलाई राहत र प्रोत्साहन दिन बोर्ड अध्यक्ष पण्डितको आग्रह
Photo / Coverage: हिमालय टाइम्स

काठमाडौं । चलचित्र विकास बोर्डका अध्यक्ष मनिष पण्डितले नेपाली चलचित्र क्षेत्रको विकास, विस्तार र व्यावसायिक सुदृढीकरणका लागि चलचित्र हल व्यवसायीलाई सरकारले उचित सुविधा, प्रोत्साहन तथा राहतका कार्यक्रम उपलब्ध गराउनुपर्ने बताउनुभएको छ । नेपाल चलचित्र संघको ५२औं वार्षिक साधारणसभालाई सम्बोधन गर्दै अध्यक्ष पण्डितले नेपाली चलचित्रको विकासमा चलचित्र प्रदर्शकहरूको भूमिका महत्त्वपूर्ण रहेको उल्लेख गर्नुभयो । उहाँले चलचित्र संघलाई नेपाली चलचित्र क्षेत्रको अभिभावक संस्था भन्दै यस क्षेत्रको विकासका लागि संघसँग सहकार्य गर्दै अघि बढ्नुपर्ने धारणा राख्नुभयो । चलचित्र हल व्यवसायीहरूले लामो समयदेखि विभिन्न समस्या तथा चुनौती भोग्दै आएको उल्लेख गर्दै उहाँले हल व्यवसायको संरक्षण, आधुनिकीकरण र नयाँ लगानी आकर्षित गर्न सरकारले विशेष कार्यक्रम ल्याउनुपर्ने बताउनुभयो । यसका लागि चलचित्र विकास बोर्डले सम्बन्धित मन्त्रालय तथा सरकारी निकायसँग आवश्यक पहल गर्ने उहाँको भनाइ थियो । ‘नेपाली चलचित्र क्षेत्रको विकास र विस्तारमा चलचित्र प्रदर्शकहरूको भूमिका अत्यन्तै महत्त्वपूर्ण छ । हल व्यवसायीहरूले भोग्दै आएका समस्या तथा चुनौतीलाई सरकारले गम्भीरतापूर्वक सम्बोधन गर्नुपर्छ,’ उहाँले भन्नुभयो, ‘हल व्यवसायको संरक्षण, आधुनिकीकरण र नयाँ लगानी आकर्षित गर्न सरकारले उचित सुविधा, प्रोत्साहन तथा राहतका कार्यक्रम ल्याउन आवश्यक छ ।’ नेपाली चलचित्र निर्माण गरेर मात्र नहुने भन्दै अध्यक्ष पण्डितले त्यसलाई दर्शकमाझ पुर्‍याउने र दर्शकको माया दिलाउने महत्त्वपूर्ण जिम्मेवारी चलचित्र हलहरूको पनि रहेको बताउनुभयो । नेपाली चलचित्रलाई आफ्नो पर्दामा स्थान दिएर दर्शकको अनुभवलाई प्रभावकारी बनाउन योगदान पुर्‍याउने हल सञ्चालक तथा प्रदर्शक व्यवसायीप्रति उहाँले आभार व्यक्त गर्नुभयो । यसैबीच, नेपाली चलचित्रको प्रदर्शन र प्रवर्द्धनमा उल्लेखनीय योगदान पुर्‍याउने चलचित्र हलहरूलाई यस वर्षदेखि चलचित्र विकास बोर्डले विशेष सम्मान गर्ने भएको छ । नेपाली चलचित्रलाई प्राथमिकता दिने हलहरूलाई प्रोत्साहन गर्नुका साथै स्वस्थ प्रतिस्पर्धाको वातावरण निर्माण गर्ने उद्देश्यले यस्तो निर्णय गरिएको अध्यक्ष पण्डितले जानकारी दिनुभयो । उहाँले नेपाली चलचित्रको व्यावसायिक सफलतामा हल सञ्चालकहरूको योगदान महत्त्वपूर्ण रहेको उल्लेख गर्दै नेपाली चलचित्रको प्रदर्शन र प्रवर्द्धनमा सक्रिय भूमिका निर्वाह गर्ने हलहरूलाई सम्मान गरिने बताउनुभयो । चलचित्र क्षेत्रसँग सम्बन्धित कानुन निर्माणको प्रक्रियाबारे जानकारी दिँदै अध्यक्ष पण्डितले चलचित्र विधेयक आगामी ६० दिनभित्र पारित गर्ने लक्ष्यसहित काम अघि बढाइएको बताउनुभयो । मन्त्रालयलगायत सम्बन्धित निकायको सहयोग प्राप्त भएकाले निर्धारित समयभित्र विधेयक पारित गरी सकेसम्म चाँडो ऐनका रूपमा कार्यान्वयनमा ल्याउने प्रयास भइरहेको उहाँको भनाइ थियो । अध्यक्ष पण्डितले चलचित्र हल व्यवसायीहरूले उठाउँदै आएका जायज मागलाई नीतिगत तहसम्म पुर्‍याएर सम्बोधन गर्न बोर्डले भूमिका निर्वाह गर्ने प्रतिबद्धता पनि व्यक्त गर्नुभयो । चलचित्र संघसँग सहकार्य गर्दै हल व्यवसायको संरक्षण, प्रवर्द्धन र व्यावसायिक विकासका लागि आवश्यक पहल गरिने उहाँले स्पष्ट पार्नुभयो ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
विवाह : श्रीमान्-श्रीमतीको सम्बन्धमात्र होइन
Latest NewsJust now

विवाह : श्रीमान्-श्रीमतीको सम्बन्धमात्र होइन

विवाह एउटा केटा र केटीबीचको सम्बन्धमात्र होइन । विवाहपछि दुईजना मानिसमात्र जोडिँदैनन्, दुई परिवार पनि जोडिन्छन् । दुई फरक घर, फरक संस्कार, फरक सोच र फरक बानी भएका मानिसहरू एउटै सम्बन्धमा बाँधिन्छन् । त्यसैले विवाहलाई श्रीमान्–श्रीमतीको मायामा मात्र सीमित गरेर हेर्नु हुँदैन भन्ने मलाई लाग्छ । मेरो लागि बिहे भनेको श्रीमान्सँग मात्र जोडिनु होइन । बिहेपछि उहाँको परिवार, उहाँका आमाबुबा र ...

हिमालय टाइम्स
राजकीय भ्रमणका लागि आज भारत प्रस्थान गर्दै प्रधानमन्त्री शाह, यस्ता छन् २ दिनका कार्यक्रम
Latest NewsJust now

राजकीय भ्रमणका लागि आज भारत प्रस्थान गर्दै प्रधानमन्त्री शाह, यस्ता छन् २ दिनका कार्यक्रम

प्रधानमन्त्री वालेन्द्र शाह राजकीय भ्रमणका लागि आज मंसिर ६ गते भारत प्रस्थान गर्दै छन्। ३४ सदस्यीय भ्रमण टोलीको नेतृत्व गर्दै प्रधानमन्त्री शाह आज आइतबार दिउँसो १:४५ बजे काठमाडौँस्थित त्रिभुवन अन्तर्राष्ट्रिय विमानस्थलबाट नेपाल वायु सेवा निगमको विमान चढेर दिल्ली प्रस्थान गर्ने कार्यक्रम छ।  भारतका प्रधानमन्त्री नरेन्द्र मोदीको निमन्त्रणामा शाह २ दिनका लागि... ...

नेपालखबर
प्रधानमन्त्रीको भारत भ्रमण फलदायी बनोस्
Latest NewsJust now

प्रधानमन्त्रीको भारत भ्रमण फलदायी बनोस्

प्रधानमन्त्री बालेन साहले आजदेखि भारतको दुई दिने राजकीय भ्रमण गर्दै हुनुहुन्छ । अत्यन्त छोटो समयको बसाइ हुने यो भ्रमण उहाँ प्रधानमन्त्री बनेको आठ महिनापछि मिलेको संयोग हो । नेपालमा जो प्रधानमन्त्री बने पनि पहिलो विदेश भ्रमण भारतबाट सुरु हुने परम्परा रहिआएको थियो तर पछिल्लो समयमा केही प्रधानमन्त्रीहरूले उक्त परम्परालाई पालना नगरी अन्य मुलुकबाट विदेश भ्रमण थालनी गरेका हुँदा भारत रिसाएको ...

हिमालय टाइम्स
कविता : नखाएको बीष
Latest NewsJust now

कविता : नखाएको बीष

मानव जातिको उन्नत्तिमारमाउने मेरो चाहानाआज तुषारा पात भएछस्वरूप हेरेर आनन्दको अनुभूति संगाल्नेमेरा प्रिय जनको अनायासै कत्लेयाय भएछ । आफ्नै पसिनाद्वारा धर्तिमा उज्ज्यालो छर्नेअन्तरमनको उत्कट अभिलाषामाभोल्कानोजले क्षेदविछेद पार्दैछघमण्ड र उन्माद द्वारा उत्पन्न विषत्त कार्बनद्वारामेरो वास्तविक स्वरूपको क्षयीकरण भएछ । सुन्दैछु मेरो अन्तिम गन्तव्यमा पनिसुनामी र मरुभूमीकरण बन्दैछमानव जाति आफूले आफैंलाई विभाजन कर्म गरिरहेछ । चील गाडी युद्धले धर्ती रगताम्य भएको छप्राकृतिक सौन्दर्य क्रमशः जीर्ण ...

हिमालय टाइम्स
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play