कैलालीमा बोक्सीको आरोपमा कुटपिट गर्ने चार जना पक्राउ

कैलाली । कैलालीको भजनी नगरपालिका–५, मिलनपुरमा बोक्सीको आरोप लगाएर एक महिला र उनकी नातिनीमाथि कुटपिट गरेको आरोपमा चार जना पक्राउ परेका छन् । प्रहरीका अनुसार कात्तिक १० गते राति ९ बजे आफ्नै घरमा बसिरहेकी ५६ वर्षीया हसना देवी डगौरा र उनकी नातिनीमाथि कुटपिट भएको थियो। कुटपिटमा संलग्न रहेको आरोपमा स्थानीय ५६ वर्षीय कृष्ण डगौरा, २९ वर्षीय राजु डगौरा, २२ वर्षीय राजन डगौरा र भजनी नगरपालिका–७ की ३५ वर्षीया उर्मिला डगौरालाई पक्राउ गरिएको हो । कुटपिटबाट पीडित महिला र उनकी नातिनीको अवस्था सामान्य रहेको प्रहरीले जनाएको छ । पीडितले कात्तिक ११ गते दिउँसो इलाका प्रहरी कार्यालय भजनीमा जाहेरी दिएपछि चारै जनालाई पक्राउ गरिएको हो। घटनाबारे थप अनुसन्धान भइरहेको प्रहरीले जनाएको छ। The post कैलालीमा बोक्सीको आरोपमा कुटपिट गर्ने चार जना पक्राउ appeared first on Corporate Khabar : Nepals First Corporate News Magazine and Portal.