एनभिडियाले मेटामा ३ अर्ब डलर लगानी गर्ने
एनभिडिया र मेटाले कृत्रिम बुद्धिमत्ता (एआई) सहायक तथा सम्बन्धित मोडलको विकासमा सहकार्य विस्तार गर्ने भएका छन्। मंगलबार दुवै कम्पनीले साझेदारी गहिरो बनाउने घोषणा गरेका हुन्। यसअन्तर्गत एनभिडियाले मेटाको सेयर निष्कासनमा ३ अर्ब डलर लगानी गर्नेछ। मेटाका ‘म्युज’ एआई मोडल तथा एजेन्टहरू एनभिडियाको पूर्वाधारमा सञ्चालन हुँदै आएका छन्। अब दुवै कम्पनीले ती मोडलको कार्यक्षमता बढाउन र सञ्चालन लागत घटाउन थप सहकार्य गर्नेछन्। मेटाका प्रमुख कार्यकारी अधिकृत मार्क जुकरबर्गले दैनिक रूपमा मेटाका सेवा प्रयोग गर्ने अर्बौं मानिसलाई ‘पर्सनल सुपरइन्टेलिजेन्स’ उपलब्ध गराउने योजनामा म्युजलाई महत्त्वपूर्ण हिस्सा बनाएका छन्। आन्तरिक रूपमा ‘ह्याच’ नामले चिनिने म्युज यही योजनाको केन्द्रमा रहेको छ। म्युज खुला स्रोतमा आधारित एआई एजेन्ट ओपनक्लको अवधारणामा आधारित छ। यसले प्रयोगकर्ताको अनुमति लिएर इमेल, क्यालेन्डर, भुक्तानी, स्वास्थ्य, किनमेल तथा स्मार्ट होमसम्बन्धी एप्लिकेसनमा पहुँच प्राप्त गर्न सक्छ। प्रयोगकर्ताले चाहेको समयमा उक्त पहुँच हटाउन सक्ने व्यवस्था पनि छ। यसैबीच, मेटाले एआई पूर्वाधार विस्तारका लागि आफ्नो इतिहासकै ठूलो पुँजी जुटाउने योजना अघि बढाएको छ। कम्पनीले सोमबार सार्वजनिक गरेको योजनाअनुसार सेयर निष्कासनमार्फत ९५ अर्ब डलरसम्म जुटाउने लक्ष्य राखिएको छ। दुवै कम्पनीले एनभिडियाको ‘ओपनशेल’ फ्रेमवर्कमा पनि सहकार्य विस्तार गर्ने सम्भावना खोजिरहेका छन्। यसमा एआई एजेन्टले सफ्टवेयर सुरक्षित रूपमा सञ्चालन गर्ने व्यवस्था र तिनको व्यवहार निगरानी गर्न ‘सेन्ट्री’ नामक उपकरण प्रयोग गर्ने विषय समावेश छ। एआई क्षेत्रमा लगानी बढिरहेका बेला चिप निर्माता एनभिडियाले आफ्नै प्रविधि प्रयोग गर्ने प्रमुख ग्राहक मेटामा पनि लगानी गर्न लागेको हो। यसले एआई मोडल विकास, कम्प्युटिङ पूर्वाधार र त्यसको सञ्चालनमा दुई कम्पनीबीचको सम्बन्ध थप गहिरो बनाउनेछ। The post एनभिडियाले मेटामा ३ अर्ब डलर लगानी गर्ने appeared first on Technology Khabar.
Read Complete Original Article
Published originally on टेक्नोलोजी खबर
Related News
चिनियाँ अटोमेकर एक्सपेङले ग्वाङझाउमा रोबोट्याक्सी परीक्षणको अनुमति पायो
एक्सपेङ्गको रोबोट्याक्सी व्यवसायले आफ्नो गृहनगर ग्वाङ्झाउमा लेभल ४ स्वायत्त ड्राइभिङ परीक्षण सञ्चालन गर्न स्वीकृति प्राप्त गरेको छ, जसले चिनियाँ ईभी निर्मातालाई आफ्नो स्वायत्त सवारी सेवाहरूको व्यावसायिकीकरण गर्न बाटो खोलेको छ। कम्पनीले सोमबार घोषणा गरेअनुसार, यसको रोबोट्याक्सी व्यवसाय, एक्सपेङ्ग योयो ले एल ४ स्वायत्त ड्राइभिङ परीक्षण सञ्चालनको लागि स्वीकृति प्राप्त गरेको हो। एक्सपेङ्गको रोबोट्याक्सी व्यवसायकी प्रमुख क्यान्डिस युआनले चिनियाँ सामाजिक सञ्जाल वेईबोमा भनिन् ...
एआईको बढ्दो माग सँगै दक्षिण कोरियाको आर्थिक वृद्धि अनुमानभन्दा बढी
कृत्रिम बुद्धिमत्ता (एआई) मा प्रयोग हुने चिपको माग बढेसँगै दक्षिण कोरियाको अर्थतन्त्रले जुलाईदेखि सेप्टेम्बरसम्मको त्रैमासिक अवधिमा अनुमानभन्दा निकै तीव्र वृद्धि गरेको छ। दक्षिण कोरियाको केन्द्रीय बैंक बैंक अफ कोरिया ले मंगलबार सार्वजनिक गरेको प्रारम्भिक अनुमानअनुसार, देशको कुल गार्हस्थ्य उत्पादन (जीडीपी) अघिल्लो त्रैमासिकको तुलनामा १ प्रतिशतले वृद्धि भएको छ। गत वर्षको सोही अवधिको तुलनामा भने अर्थतन्त्र ३.४ प्रतिशतले विस्तार भएको हो। टेलिग्राफका अनुसार, ...
एडिबिएल स्मार्ट प्लस एपबाट डिसहोमका सेवाहरू नवीकरण गर्न सकिने
कृषि विकास बैंकका ग्राहकहरूले अब बैंकको स्मार्ट प्लस मोबाइल एपमार्फत डिसहोमका विभिन्न सेवाहरू सजिलै नवीकरण गर्न पाउने भएका छन्। यस सुविधामार्फत ग्राहकहरूले डिसहोम इन्टरनेट तथा आईपीटिभीको संयुक्त प्याकेज, इन्टरनेट तथा डीटीएच टिभीको संयुक्त प्याकेज र डिसहोम डीटीएच टेलिभिजन सेवा घरमै बसी नवीकरण गर्न सक्नेछन्। यसले ग्राहकहरूलाई छिटो, सहज र झन्झटरहित रूपमा आफ्ना सेवाहरूको निरन्तरता कायम राख्न सहयोग पुग्नेछ। डिसहोमले आफ्ना ग्राहकहरूलाई सहज ...
केडीडीआईले जापानमा ड्रोन डेलिभरी सेवा सुरु गर्न अल्फाबेटको विङ्गसँग साझेदारी
केडीडीआईले सन् २०२७ मा ड्रोन डेलिभरी सेवा सुरु गर्न अल्फाबेटको विङ्गसँग साझेदारी गरेको छ। केडीडीआईको सहायक कम्पनी केडीडीआई स्मार्टड्रोन र अल्फाबेटको स्वामित्वमा रहेको विङ्ग एभिएसन (Wing Aviation) ले जापानमा व्यावसायिक ड्रोन डेलिभरी सेवा सुरु गर्न रणनीतिक साझेदारी गरेका छन्। यसअन्तर्गत सन् २०२७ मा केही छानिएका क्षेत्रहरूबाट सेवाको सुरुवात गर्ने लक्ष्य राखिएको छ। यी कम्पनीहरूले खाद्यान्न, दैनिक घरायसी सामान र अन्य साना खुद्रा सामग्रीहरू—जसमा ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
