Thursday, November 19, 2026||
MultiKhabarMultiKhabar

सरकारको ओतमा बसेर प्रतिपक्ष हुँ भन्न एमाले तयार छैन : ओली

Share:WhatsAppFacebookX (Twitter)Telegram
सरकारको ओतमा बसेर प्रतिपक्ष हुँ भन्न एमाले तयार छैन : ओली
Photo / Coverage: पर्दाफास

नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले सरकारको संरक्षणमा रहेर प्रतिपक्षको भूमिका निर्वाह गर्ने पक्षमा पार्टी नरहेको बताएका छन् । बिहीवार काठमाडौंमा जारी एमालेको राष्ट्रिय भेलाको दोस्रो दिन सम्बोधन गर्दै ओलीले एमाले देशको प्रमुख प्रतिपक्षी दल भएकाले सरकारका गलत कामकारबाहीको सशक्त प्रतिवाद गर्ने बताएका हुन् । उनले एमाले निर्वाचनमा पराजित हुनुको कारण जनताबाट टाढिनु मात्र नभएको जिकिर गरे । निर्वाचनअघि नै प्रतिकूल र असामान्य राजनीतिक वातावरण सिर्जना गरिएको तथा एमालेलाई राजनीतिक रूपमा एक्ल्याउने प्रयास भएको उनको आरोप थियो । ओलीले संसद्को असंवैधानिक विघटनलाई मान्यता दिइएको भन्दै न्यायालयको भूमिकामाथि समेत प्रश्न उठाए । संविधान र कानुनअनुसार न्यायिक निर्णय हुन नसकेको टिप्पणी गर्दै उनले त्यसबेला न्यायालयले न्याय दिन नसकेको बताए । निर्वाचनको वातावरण उपयुक्त नभएको भन्दै एमालेले सुरुदेखि नै आवाज उठाए पनि पार्टीले निर्वाचन बहिष्कार नगरेको उनले स्पष्ट पारे । प्रतिकूल परिस्थितिमा निर्वाचनमा सहभागी नभएको भए पार्टीमाथि थप गलत व्याख्या र प्रहार हुन सक्ने भएकाले चुनावमा गएको उनको भनाइ थियो । विभिन्न शक्ति लागेर एमालेलाई समाप्त पार्न खोजिएको आरोप लगाउँदै ओलीले पार्टी अझै बलियो अवस्थामा रहेको दाबी गरे । सम्बोधनका क्रममा उनले सरकारको अन्तर्राष्ट्रिय मञ्चमा प्रस्तुतिलाई लिएर पनि आलोचना गरे । टर्कीमा आयोजित जलवायु परिवर्तनसम्बन्धी कोप सम्मेलनमा नेपालको सहभागिता र प्रस्तुति कमजोर रहेको उनको टिप्पणी थियो । जलवायु परिवर्तनको विषय पर्यटनसँग मात्र सम्बन्धित नभई हिमाल, हिमनदी, पानीको पुनर्भरण प्रणाली र समग्र जनधनको सुरक्षासँग जोडिएको ओलीले बताए । ‘गएको निर्वाचनमा हाम्रो लज्जास्पद हार भयो । तर यसको कारण जनताबाट टाढिनु मात्र थिएन । निर्वाचनअघि नै भयावह र असामान्य राजनीतिक वातावरण सिर्जना गरिएको थियो,’ उनले भने । ओलीले संसद्को असंवैधानिक विघटन र त्यसबारे न्यायालयले खेलेको भूमिकाको गम्भीर समीक्षा हुनुपर्ने बताए । प्रतिकूल परिस्थितिका बाबजुद एमाले निर्वाचनमा सहभागी भएको उल्लेख गर्दै उनले पार्टी स्वतन्त्र प्रतिपक्षको भूमिकामा रहने स्पष्ट पारे । ‘हामी सरकारको ओत लागेर होइन, स्वतन्त्र प्रतिपक्षको भूमिकामा रहेर राष्ट्रिय स्वाधीनता, राष्ट्रिय हित र जनताको अधिकारको रक्षा गर्नेछौँ,’ उनले भने । हिमालको संरक्षण नेपालको मात्र नभई विश्वव्यापी सरोकारको विषय भएको उल्लेख गर्दै ओलीले जलवायु परिवर्तनका असर न्यूनीकरणका लागि अन्तर्राष्ट्रिय मञ्चमा नेपालको मुद्दा प्रभावकारी रूपमा उठाउनुपर्ने बताए । उनले हिमाल संरक्षणलाई पानीको पुनर्भरण प्रणाली, जनधनको सुरक्षा र मरुभूमीकरण रोक्ने अभियानसँग जोडेर हेर्नुपर्ने धारणा राखे ।

Share:WhatsAppFacebookX (Twitter)Telegram

Read Complete Original Article

Published originally on पर्दाफास

Visit Publisher Site →

Related News

🇳🇵 Nepal
बाबुको सुरक्षाका लागि इमरान खानका छोराको अपिल
OthersJust now

बाबुको सुरक्षाका लागि इमरान खानका छोराको अपिल

पाकिस्तानका पूर्वप्रधानमन्त्री इमरान खानका छोरा कासिम खानले आफ्ना बुबाको ज्यान जोखिममा रहेको भन्दै उनको सुरक्षाका लागि तत्काल हस्तक्षेप गर्न अन्तर्राष्ट्रिय समुदायसँग अपिल गरेका छन्। ...

अनलाइन खबर
मकवानपुरमा दुई छुट्टाछुट्टै सवारी दुर्घटनामा चार जनाको मृत्यु, सात घाइते
OthersJust now

मकवानपुरमा दुई छुट्टाछुट्टै सवारी दुर्घटनामा चार जनाको मृत्यु, सात घाइते

मकवानपुरमा बिहीवार भएका दुई छुट्टाछुट्टै सवारी दुर्घटनामा परी चार जनाको मृत्यु भएको छ भने सात जना घाइते भएका छन् । जिल्लाको भीमफेदी गाउँपालिका–१ भैँसेमा यात्रुवाहक सुमो दुर्घटना हुँदा तीन जनाको मृत्यु भएको छ । त्यस्तै, चुरियामाई र रातमाटेको बीच जंगल क्षेत्रमा ईभी गाडी र स्कुटर एकआपसमा ठोक्किँदा स्कुटर चालकको मृत्यु भएको प्रहरीले जनाएको छ । जिल्ला प्रहरी कार्यालय मकवानपुरका अनुसार बिहीवार बिहान ...

पर्दाफास
किन फेरि भाइरल भयो दानबहादुर कार्कीको गीत ‘आमा, म त फर्केर आएँ ’ ?
OthersJust now

किन फेरि भाइरल भयो दानबहादुर कार्कीको गीत ‘आमा, म त फर्केर आएँ ’ ?

सोसल मिडियाको जमाना छ । हाँस्नुपर्ने कुरालाई रुवाइदिन्छ । रोएको कुरालाई हँसाइदिन्छ । गम्भीर विषयलाई हल्काफुल्का बनाइदिन्छ । हल्का विषयलाई जटिल बनाइदिन्छ । यो सोसल मिडिया पनि जलप्राणी ‘अमिबा’ जस्तै छ, जसको आकार–प्रकार कस्तो हुन्छ भनी ठ्याक्कै अनुमान गर्न सकिँदैन । एकातिर बोलेको कुरा अर्कोतिर कसरी पुग्छ ? टुङ्गो हुँदैन । यस्तै भइदियो दानबहादुर कार्कीको… ...

अनलाइन खबर
चोटका कारण सोमपालले राइजिङ स्टार्स एसिया कप नखेल्ने
OthersJust now

चोटका कारण सोमपालले राइजिङ स्टार्स एसिया कप नखेल्ने

३ मंसिर, काठमाडौं । कतारमा जारी एसीसी पुरुष राइजिङ स्टार्स एसिया कप खेल्ने नेपाली टोलीबाट सोमपाल कामी बाहिरिएका छन्। नेपाल प्रिमियर लिग (एनपीएल) को तेस्रो संस्करण अन्तर्गत चितवन विरुद्ध भएको अन्तिम खेलमा घाइते भएपछि सोमपालले प्रतियोगिता गुमाउने भएका हुन्। नेपाल क्रिकेट संघ (क्यान) ले सोमपालको स्थानमा प्रतिश जीसीलाई टोलीमा छनोट गरेको जनाएको छ। यसअघि ट्राभलिङ… ...

अनलाइन खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play