Sunday, November 22, 2026||
MultiKhabarMultiKhabar

सन्दीप र कुशलको घातक बलिङ, यूएई १२१ रनमै अलआउट

Share:WhatsAppFacebookX (Twitter)Telegram
सन्दीप र कुशलको घातक बलिङ, यूएई १२१ रनमै अलआउट
Photo / Coverage: हिमालय टाइम्स

काठमाडौं । एसीसी राइजिङ स्टार्स कपअन्तर्गत आफ्नो दोस्रो खेलमा नेपालले यूएईलाई १२१ रनमै समेटेको छ । टस हारेर पहिले ब्याटिङ गरेको यूएई नेपाली बलरको धारिलो प्रदर्शनसामु टिक्न सकेन । नेपालका लागि कप्तान सन्दीप लामिछाने र कुशल भुर्तेलले उत्कृष्ट बलिङ गर्दै समान तीन–तीन विकेट लिनुभयो । सन्दीपले १० ओभर बलिङ गर्दा मात्र ११ रन खर्चिनुभयो । खराब सुरुवात गरेको यूएईले ११ रन जोड्दा दुई विकेट गुमाएको थियो । एकदिवसीय अन्तर्राष्ट्रिय क्रिकेटमा डेब्यु गरेका रसिद खानले आर्यान्स शर्मालाई आठ रनमा आउट गर्नुभयो । अंश टन्डन पनि एक रनमा रनआउट हुनुभयो । त्यसपछि हर्प्रित सिंह र मुहम्मद सेहदादले तेस्रो विकेटका लागि ६३ रनको साझेदारी गर्दै यूएईको इनिङ्स सम्हाल्ने प्रयास गर्नुभयो । तर, सन्दीपले उक्त साझेदारी तोडेपछि यूएईको ब्याटिङ क्रम धराशयी बन्यो । यूएईका आठ जना ब्याटरले दोहोरो अंकमा रन बनाउन सकेनन् । उसका लागि मुहम्मद सेहदादले सर्वाधिक ४० र हर्प्रित सिंहले ३२ रन बनाउनुभयो । नेपाली बलरको प्रभावकारी प्रदर्शनका कारण यूएई ३९.५ ओभरमा १२१ रनमै अलआउट भयो । यस खेलमा कप्तान सन्दीपले स्पिन बलिङलाई प्राथमिकता दिँदै पाँच जना स्पिनर प्रयोग गर्नुभएको थियो ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
भ्रष्टाचार अन्त्य गर्न सबैको सहकार्य आवश्यक छ: सभामुख अर्याल
Latest NewsJust now

भ्रष्टाचार अन्त्य गर्न सबैको सहकार्य आवश्यक छ: सभामुख अर्याल

प्रतिनिधि सभाका सभामुख डोलप्रसाद अर्यालले भ्रष्टाचार र अनियमितताको अन्त्य गर्दै सुशासन स्थापित गर्न सबैको सहकार्य आवश्यक भएको बताएका छन्।  आईतबार काठमाडौंमा बाह्रखरी मिडियाको आठौँ संस्करणको कथा प्रतियोगिताका विजयीलाई पुरस्कार प्रदान गर्दै सभामुख अर्यालले जनताको अपेक्षा र विश्वासअनुसार सरकारले इमानदारी, प्रतिबद्धता र जवाफदेहिताका साथ काम गर्नुपर्ने बताए। ‘सु... ...

नेपालखबर
लक्ष्मी सनराइज बैंक गल्फको उपाधि दीपक कार्कीलाई
Latest NewsJust now

लक्ष्मी सनराइज बैंक गल्फको उपाधि दीपक कार्कीलाई

काठमाडौँ । गोकर्ण गल्फ क्लबमा शनिबार सम्पन्न लक्ष्मी सनराइज बैंक इन्भिटेसनल गल्फ प्रतियोगिताको उपाधि दीपक कुमार कार्कीले जितेका छन् । १४ ह्यान्डिक्यापमा खेलेका कार्कीले ४१ स्टेबलफोर्ड अंक जोड्दै उपाधि जितेका हुन्... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play