काठमाडौं । सिद्धार्थ बैंक नेपाल प्रिमियर लिग (एनपीएल) अन्तर्गत आजको पहिलो खेलमा पोखरा एभेन्जर्सले विराटनगर किङ्सविरुद्ध टस जितेर पहिले ब्याटिङ गर्ने निर्णय गरेको छ। कीर्तिपुरस्थित त्रिवि क्रिकेट मैदानमा हुने खेलमा दुवै टोली जितको लक्ष्यसहित मैदान उत्रिएका छन्। पाँच खेलबाट दुई अंक जोडेको पोखरा एभेन्जर्स अंकतालिकाको पुछारमा छ। आजको खेल जित्दै प्रतियोगितामा पुनरागमन गर्ने पोखराको लक्ष्य छ। यता पाँच खेलबाट चार अंक जोडेको विराटनगर किङ्स छैटौँ स्थानमा छ। विराटनगर पनि पोखरालाई हराउँदै अंकतालिकामा आफ्नो स्थान सुधार गर्न चाहन्छ। भाइटीकाका कारण बुधबारका खेल स्थगित भएपछि आजदेखि एनपीएल पुनः सञ्चालन भएको हो।
विराटनगरविरुद्ध पोखराले टस जित्यो, पहिले ब्याटिङ गर्ने
Read Complete Original Article
Published originally on केन्द्रबिन्दु
