Sunday, November 22, 2026||
MultiKhabarMultiKhabar

राजनीतिक दलकै कारण नेपाल धर्मनिरपेक्ष बन्यो : राजेन्द्र लिङ्देन

Share:WhatsAppFacebookX (Twitter)Telegram
राजनीतिक दलकै कारण नेपाल धर्मनिरपेक्ष बन्यो : राजेन्द्र लिङ्देन
Photo / Coverage: केन्द्रबिन्दु

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले राजनीतिक दलहरूकै भूमिकाका कारण नेपाल हिन्दुराष्ट्रबाट धर्मनिरपेक्ष राष्ट्र बनेको आरोप लगाएका छन्। उनले नेपाललाई पुनः सनातन हिन्दुराष्ट्र कायम गर्नुपर्ने आवश्यकता औँल्याउँदै धर्म र राजनीतिलाई अलग गरेर हेर्न नहुने बताएका छन्। आइतबार नेपाल सनातन धर्म संस्कृति संगठनको दोस्रो केन्द्रीय महाधिवेशन उद्घाटन गर्दै अध्यक्ष लिङ्देनले राजनीतिमा धर्मको महत्त्वपूर्ण भूमिका रहने बताए। धर्म र राजनीतिलाई एकअर्काबाट अलग गर्दा राजनीति गलत दिशातर्फ जान सक्ने उनको भनाइ थियो। धर्म र राजनीति एकअर्काका परिपूरक भएकाले दुवै सँगसँगै अघि बढ्नुपर्नेमा उनले जोड दिए। नेपालजस्तो धार्मिक, सांस्कृतिक र मौलिक पहिचान बोकेको मुलुकमा सनातन हिन्दुराष्ट्रको विशेष महत्त्व रहेको उल्लेख गर्दै लिङ्देनले नेपालको परम्परा, संस्कृति र सभ्यताको संरक्षणका लागि पनि हिन्दुराष्ट्र आवश्यक रहेको बताए। राजनीतिक दलहरूले विदेशी शक्तिको चाहना, दबाब र प्रलोभनमा परेर नेपाललाई धर्मनिरपेक्ष राष्ट्र बनाएको उनको आरोप थियो। नेपाली जनताको भावना र देशको मौलिक पहिचानलाई बेवास्ता गर्दै धर्मनिरपेक्षताको निर्णय गरिएको भन्दै उनले राष्ट्रिय पहिचान, धार्मिक स्वतन्त्रता र सनातन संस्कृतिको संरक्षणका लागि हिन्दुराष्ट्र पुनःस्थापनाको विषयलाई राजनीतिक तथा राष्ट्रिय बहसको केन्द्रमा ल्याउनुपर्ने बताए। कार्यक्रममा राप्रपा सांसद खुश्बु ओलीले पनि हिन्दुराष्ट्र स्थापनाका लागि सडक र सदन दुवैबाट सशक्त आवाज उठाउनुपर्ने बताइन्। उनले मठमन्दिरमा आउने सबै राजनीतिक दलका नेताहरूलाई हिन्दुराष्ट्र स्थापनाका लागि दबाब दिन धार्मिक गुरुहरूलाई आग्रह गरिन्। ओलीले हिन्दुराष्ट्र स्थापनाका लागि राप्रपाले संसद्मा आवाज उठाउने र संसद्बाहिर धार्मिक गुरुहरूले अभियानलाई सशक्त बनाउनुपर्नेमा जोड दिइन्।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →
Advertisement

Related News

🇳🇵 Nepal
संसदीय समितिमा सोमबार ‘चलचित्र विधेयक’ माथि छलफल, सुझाव समेट्न माग
Latest NewsJust now

संसदीय समितिमा सोमबार ‘चलचित्र विधेयक’ माथि छलफल, सुझाव समेट्न माग

काठमाडौँ । राष्ट्रिय सभाबाट पारित भई प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिमा आइपुगेको ‘चलचित्र विधेयक, २०८१’ माथि सोमबारदेखि छलफल सुरु हुँदैछ । तर, राष्ट्रिय सभाबाट पारित भएर आएको विधेयकले चलचित्र... ...

रातोपाटी
स्थानीय वनस्पतिबाट साबुन बनाउदै हलेसीका महिलाहरु
Latest NewsJust now

स्थानीय वनस्पतिबाट साबुन बनाउदै हलेसीका महिलाहरु

राजकुमार भट्टराईखोटाङ, मङ्सिर ६ गते । खोटाङको हलेसीका महिलाहरुले साबुन लगायत सरसफाइका सामाग्री बनाउन सुरु गरेका छन् । स्थानीय वनस्पतिको प्रयोग गरेर हलेसीका महिलाहरुले लुगा धुने र म... ...

गोरखापत्र
कीर्तिपुरमा सिरक–डसना उद्योगमा आगलागी, २५ लाखसम्मको क्षति
Latest NewsJust now

कीर्तिपुरमा सिरक–डसना उद्योगमा आगलागी, २५ लाखसम्मको क्षति

• काठमाडौंको कीर्तिपुर नगरपालिका–९ ढल्पामा सिरक–डसना उद्योगमा आगलागी हुँदा लाखौं रुपैयाँको क्षति भएको छ। • आगलागी विद्युत् सर्ट भएर भएको प्रारम्भिक जानकारी छ र उद्योगमा रहेका तीनवटा मेसिन र गोदाममा भण्डारण गरिएका सिरक–डसना प्रभावित भएका छन्। • उद्योग सञ्चालक विकास चौधरीका अनुसार आगलागीबाट करिब २० देखि २५ लाख रुपैयाँ बराबरको क्षति भएको अनुमान गरिएको छ। ...

नेपालबहस
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play
Advertisement