Wednesday, November 18, 2026||
MultiKhabarMultiKhabar

ट्रम्प, सी र पुटिनबीच बिहीबार त्रिपक्षीय बैठक हुने

Share:WhatsAppFacebookX (Twitter)Telegram
ट्रम्प, सी र पुटिनबीच बिहीबार त्रिपक्षीय बैठक हुने
Photo / Coverage: नेपालन्युज

काठमाडौं। अमेरिकी राष्ट्रपति डोनाल्ड ट्रम्प, चिनियाँ राष्ट्रपति सी चिनफिङ र रुसी राष्ट्रपति भ्लादिमिर पुटिनबीच बिहीबार एपेक शिखर सम्मेलनको क्रममा ऐतिहासिक त्रिपक्षीय भेटवार्ता हुने भएको छ। ह्वाइट हाउस र क्रेमलिनको घोषणापछि चिनियाँ विदेश मन्त्रालयले सोमबार उक्त बैठकको औपचारिक पुष्टि गरेको हो। विश्वका तीन शक्तिशाली राष्ट्रप्रमुखहरू एकै ठाउँमा जुट्न लागेको यो पहिलो पटक हो। द वाल स्ट्रिट जर्नलका अनुसार रुस-युक्रेन युद्ध अन्त्य गर्ने प्रयास स्वरूप राष्ट्रपति पुटिनले नै यस त्रिपक्षीय वार्ताको प्रस्ताव गरेका थिए। राष्ट्रपति ट्रम्पले यसअघि अक्टोबरमा आणविक निशस्त्रीकरण सम्बन्धी त्रिपक्षीय छलफललाई स्वागत गर्ने बताएका थिए। यस महिनाको सुरुमा ट्रम्पले पत्रकारहरूसँग कुरा गर्दै भनेका थिए, ‘हामी धेरै विषयमा कुरा गर्नेछौं, हामी इरानको युद्ध अन्त्य गर्ने प्रयास गरिरहेका छौं।’ यद्यपि, चिनियाँ विदेश मन्त्रालयले बैठकको एजेन्डाबारे विस्तृत विवरण दिएको छैन। चीन प्रस्थान गर्नुअघि राष्ट्रपति ट्रम्प फिलिपिन्सको मनिला पुगेका छन्। त्यहाँ उनले अमेरिका, अष्ट्रेलिया, जापान र भारत सम्मिलित ‘क्वाड’ सदस्यहरूसँग भेटवार्ता गरेका छन्। साथै, उनले थाइल्याण्डसँग व्यापार सम्झौता हुने घोषणा गरेपनि त्यसले अन्तिम रूप पाउन बाँकी छ। यसैबीच, चिनियाँ सरकारी सञ्चारमाध्यमका अनुसार रुसी राष्ट्रपति पुटिन मंगलबार राति करिब २ बजे सेन्जेन सहर पुगेका छन्। उनलाई चिनियाँ कम्युनिष्ट पार्टीका वरिष्ठ नेता काइ चीले विमानस्थलमा स्वागत गरेका थिए। पुटिनको स्वागतमा चिनियाँ सैनिक र नृत्यकारहरूले विशेष कार्यक्रम प्रस्तुत गरेका थिए।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
यस्तो छ आज तरकारी र फलफूलको थोक मूल्य
Latest NewsJust now

यस्तो छ आज तरकारी र फलफूलको थोक मूल्य

काठमाडौँ । कालीमाटी फलफूल तथा तरकारी बजार विकास समितिले आजका लागि कृषि उपजको थोक मूल्य सार्वजनिक गरेको छ । समितिले सार्वजनिक गरेको मूल्यसूचीअनुसार गोलभेँडा ठूलो (नेपाली) प्रतिकिलो रु ७०, गोलभेँडा ठूलो... ...

रातोपाटी
सिरहामा ट्याक्टरका ब्याट्री चोरी गर्ने दुई जना पक्राउ
Latest NewsJust now

सिरहामा ट्याक्टरका ब्याट्री चोरी गर्ने दुई जना पक्राउ

जनकपुरधाम । सिरहाको भगवानपुर गाउँपालिकाका विभिन्न स्थानबाट ट्याक्टरका ब्याट्री चोरी गरेको आरोपमा प्रहरीले दुई जनालाई पक्राउ गरेको छ । पक्राउ पर्नेमा सप्तरीको बलान बिहुल गाउँपालिका–२ डिगिया टोलका २५ वर्षीय दिपेश कुमार... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play