Wednesday, November 18, 2026||
MultiKhabarMultiKhabar

जेनजी विद्रोहको बहाना बनाएर तालिमप्राप्त अपराधीलाई परिचालन गरियो : ओली

Share:WhatsAppFacebookX (Twitter)Telegram
जेनजी विद्रोहको बहाना बनाएर तालिमप्राप्त अपराधीलाई परिचालन गरियो : ओली
Photo / Coverage: केन्द्रबिन्दु

काठमाडौं । नेकपा (एमाले) का अध्यक्ष केपी शर्मा ओलीले प्रधानमन्त्री वालेन्द्र शाह (बालेन) ले जानीजानी नेपालले भारतको सीमा मिचेको अभिव्यक्ति दिएको आरोप लगाएका छन्। काठमाडौंमा आयोजित एमालेको राष्ट्रिय भेलालाई सम्बोधन गर्दै ओलीले प्रधानमन्त्रीले संसद्मा दिएको अभिव्यक्ति विवादित भएपछि पनि सच्याउन तयार नभएको बताएका हुन्। ‘संसद्मा एक त आउन आएपछि बोलेपछि प्रधानमन्त्रीले नेपालले भारतको सीमा मिचेको छ भन्ने अभिव्यक्ति दिए। अभिव्यक्ति विवाद भएपछि सच्याउन तयार भएनन्। जसले जानीजानी बोलेको हो भन्ने देखिन्छ,’ ओलीले भने। उनले उक्त अभिव्यक्ति संसद्को रेकर्डबाट नहटाइएको भन्दै सभामुखप्रति समेत प्रश्न उठाए। ‘सभामुखले पनि रेकर्डबाट हटाउन के–के गर्नुभयो ? केका लागि, कहिलेका लागि रेकर्ड राख्न खोजेको हो ?’ उनले प्रश्न गरे। ओलीले वर्तमान सरकारप्रति पनि चर्को आलोचना गर्दै देश राजनीतिक, आर्थिक तथा सामाजिक रूपमा अधोगतितर्फ गइरहेको टिप्पणी गरे। गत वर्ष भएको सत्ता परिवर्तनलाई उनले अनधिकृत, हिंसात्मक र अलोकतान्त्रिक गतिविधिबाट गरिएको सत्ता उलटफेरको संज्ञा दिए। गत वर्षको आगजनी, लुटपाट र तोडफोडबाट लोकतन्त्र तथा संविधानमाथि प्रहार भएको दाबी गर्दै उनले त्यसपछिका गतिविधिलाई वैधानिकता दिन फागुन २१ गते निर्वाचनको मञ्चन गरिएको आरोप लगाए। उनले अहिले देश भय र त्रासको वातावरणमा रहेको तथा असंवैधानिक र गैरकानुनी गतिविधि बढिरहेको बताए। सरकार स्वेच्छाचारी, दमनकारी र प्रतिशोधी बाटोमा अघि बढेको उनको आरोप थियो। ओलीले वर्तमान सरकारले जनताप्रति उत्तरदायी भएर काम गर्न नसकेको पनि बताए। सरकारसँग खर्बौं रुपैयाँ भए पनि पीडितले राहत पाउन नसकेको, शिक्षा र स्वास्थ्य क्षेत्रको अवस्था सुधार हुन नसकेको उनको भनाइ थियो। अस्पतालबाट सेवा नपाएर सडकमा सुत्केरी हुनुपर्ने अवस्था आउनु सरकारको कमजोरी भएको टिप्पणी गर्दै उनले जनताको समस्या समाधानमा सरकारले चासो नदिएको आरोप लगाए। पूर्वप्रधानमन्त्रीसमेत रहेका ओलीले संसद् विघटनसम्बन्धी मुद्दामा अदालतले समेत प्रभावकारी भूमिका निर्वाह गर्न नसकेको भन्दै असन्तुष्टि जनाए। राज्यका विभिन्न निकाय आफ्नो जिम्मेवारी पूरा गर्न सक्ने अवस्थामा नरहेको उनको दाबी थियो। उनले जेनजी विद्रोहको बहानामा तालिमप्राप्त अपराधी परिचालन गरी देशमा वितण्डा मच्चाइएको आरोपसमेत लगाए। देशको अस्मिता, स्वाधीनता, स्वाभिमान र सम्मानको रक्षा गर्न जनता अघि बढ्नुपर्ने अवस्था आएको ओलीको भनाइ थियो।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
टोपबहादुर रायमाझी पनि एमाले राष्ट्रिय भेलामा
Latest NewsJust now

टोपबहादुर रायमाझी पनि एमाले राष्ट्रिय भेलामा

भरखरै जेलमुक्त भएका पूर्वमन्त्री टोपबहादुर रायमाझी पनि नेकपा (एमाले)को राष्ट्रिय भेलामा सहभागी भएका छन्।  बुधबार काठमाडौंको बबरमहलस्थित कार्की बैंक्वेटमा एमालेको राष्ट्रिय भेला सुरु भएको छ। रायमाझी पनि भेलामा सहभागी भएका हुन्।  उनी गत कात्तिक २६ गते डिल्लीबजार कारागारबाट जेलमुक्त भएका थिए। ६५ वर्ष उमेर पूरा भएपछि ज्येष्ठ नागरिकले पाउने कैद छूट सुवि... ...

नेपालखबर
काठमाडौं महानगरको मेयरमा उम्मेदवारी दिने सुमना श्रेष्ठको घोषणा
Latest NewsJust now

काठमाडौं महानगरको मेयरमा उम्मेदवारी दिने सुमना श्रेष्ठको घोषणा

काठमाडौं । पूर्वशिक्षामन्त्री सुमना श्रेष्ठले आगामी स्थानीय निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गर्नुभएको छ । श्रेष्ठले सामाजिक सञ्जाल फेसबुकमार्फत आफ्नो उम्मेदवारी घोषणा गर्दै जीवन र कर्मबाट आर्जन गरेको ज्ञान, सीप, अनुभव र विज्ञता काठमाडौंको समृद्धि, सुशासन र रूपान्तरणका लागि समर्पित गर्ने बताउनु भएको छ । उहाँले लेख्नुभएको छ, ‘मैले जीवन र कर्मबाट आर्जन गरेको ज्ञान, सीप, अनुभव र विज्ञता ...

हिमालय टाइम्स
आमरण अनशनको दबाबमा झुक्यो कोशी सरकार
Latest NewsJust now

आमरण अनशनको दबाबमा झुक्यो कोशी सरकार

विराटनगर। अस्पताल बन्ने आशामा पुख्र्यौली उब्जाउ जमिन राज्यलाई निःशुल्क सुम्पेको ६ वर्ष बितिसक्दा पनि निर्माणको सुरसार नभएपछि विराटनगर आएर आमरण अनशन बसेका ओखलढुङ्गाको मानेभञ्ज्याङ गाउँपालिका–७ का स्थानीय जग्गादाता र कोशी प्रदेश सरकारबीच अन्ततः पाँचबुँदे लिखित सहमति भएको छ। मुख्यमन्त्री तथा मन्त्रिपरिषद्को कार्यालयअगाडि सोमबारदेखि सुरु भएको आमरण अनशन र दबाबपछि प्रदेश सरकारले मंगलबार दिउँसो २ बजे लिखित सम्झौता गरेको हो। सहमतिसँगै जग्गादाता र ...

नेपालन्युज
कलाकार सर्विन बोगटी पक्राउ
Latest NewsJust now

कलाकार सर्विन बोगटी पक्राउ

काठमाडौँ । कलाकार सर्विन (छत्र) बोगटी पक्राउ परेका छन् । भक्तपुरको सूर्यविनायकबाट उनलाई मंगलबार पक्राउ गरिएको हो । वैयक्तिक गोपनियता सम्बन्धि कसुरमा उनलाई पक्राउ गरिएको जिल्ला प्रहरी परिसर काठमाडौँका प्रहरी उपरीक्षक... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play