काठमाडौं । नेपाल प्रिमियर लिग (एनपीएल) को तेस्रो संस्करणको निर्णायक चरणका लागि सुदूरपश्चिम रोयल्सले स्कटल्यान्डका आक्रामक ब्याटर जर्ज मुन्सीलाई टोलीमा भित्र्याएको छ । सुदूरपश्चिमले प्रतियोगिताको बाँकी खेलका लागि मुन्सीलाई अनुबन्ध गरेको जानकारी दिएको हो । ३३ वर्षीय मुन्सी बायाँहाते ओपनिङ ब्याटर हुन् । आक्रामक ब्याटिङका लागि परिचित उनले पावरप्लेमा तीव्र गतिमा रन बनाउन सक्छन् । उनले स्कटल्यान्डका लागि एकदिवसीय अन्तर्राष्ट्रियमा ७९ खेलमा २ हजार ७७७ रन र टी–२० अन्तर्राष्ट्रियमा ८८ खेलमा २ हजार ५९८ रन बनाएका छन्। दुवै प्रारूपमा उनले तीन–तीन शतक बनाएका छन् । टी–२० अन्तर्राष्ट्रियमा उनको उच्चतम स्कोर १३२ रन हो । मुन्सीले सन् २०२५ को एनपीएलमा विराटनगर किङ्सबाट खेलेका थिए । सुदूरपश्चिमले मंगलबार हुने पहिलो क्वालिफायरमा लुम्बिनी लायन्ससँग प्रतिस्पर्धा गर्दैछ । उक्त खेल जित्ने टोली सिधै फाइनलमा पुग्नेछ । The post स्कटल्यान्डका जर्ज मुन्सी सुदूरपश्चिम रोयल्सबाट एनपीएलको प्लेअफ खेल्ने appeared first on Corporate Khabar : Nepals First Corporate News Magazine and Portal.
स्कटल्यान्डका जर्ज मुन्सी सुदूरपश्चिम रोयल्सबाट एनपीएलको प्लेअफ खेल्ने

Read Complete Original Article
Published originally on कर्पोरट खबर






