Tuesday, November 17, 2026||
MultiKhabarMultiKhabar

सुरक्षित, सहज र तनावमुक्त स्मार्ट ड्राइभिङ अनुभव दिने लक्ष्यसहित चांगानले सार्वजनिक गर्‍यो ‘एसडीए पाइलट’

Share:WhatsAppFacebookX (Twitter)Telegram
सुरक्षित, सहज र तनावमुक्त स्मार्ट ड्राइभिङ अनुभव दिने लक्ष्यसहित चांगानले सार्वजनिक गर्‍यो ‘एसडीए पाइलट’
Photo / Coverage: केन्द्रबिन्दु

काठमाडौं । चिनियाँ अटोमोबाइल उत्पादक चांगान ग्रुपले आफ्नै इन्जिनियरिङ टोलीले विकास गरेको अत्याधुनिक ड्राइभर असिस्टेन्स सिस्टम (डीएएस) ‘एसडीए पाइलट’ सार्वजनिक गरेको छ । ड्राइभिङलाई थप सुरक्षित, सहज र तनावमुक्त बनाउने लक्ष्यसहित कम्पनीले उक्त प्रविधि सार्वजनिक गरेको हो । इन्टेलिजेन्ट ड्राइभिङ प्रविधिमा लामो समयदेखि गर्दै आएको अनुसन्धान तथा विकासको उपलब्धिका रूपमा चांगानले यसलाई प्रस्तुत गरेको छ । चांगान ग्रुपका अध्यक्ष झु हुआरोङका अनुसार कम्पनीको इन्टेलिजेन्ट ड्राइभिङ टोली अहिले ७ हजार ५०० भन्दा बढी विशेषज्ञसहितको समूह बनेको छ । यस क्षेत्रमा कम्पनीले हालसम्म ७.७ अर्ब युरोभन्दा बढी अनुसन्धान तथा विकासमा लगानी गरिसकेको छ । कम्पनीले सन् २०११ मै फर्वार्ड कोलिजन वार्निङ र लेन डिपार्चर वार्निङ प्रणालीका प्रारम्भिक नमुना विकास गरेको थियो । सन् २०१८ मा लेभल २ आईएसीसी (इन्टिग्रेटेड एडाप्टिभ क्रुज कन्ट्रोल) प्रणालीको व्यावसायिक उत्पादन सुरु गरेको थियो । त्यस्तै, सन् २०२५ डिसेम्बर २० मा चीनमा लेभल ३ कन्डिसनल अटोनोमस ड्राइभिङका लागि पहिलो आधिकारिक लाइसेन्स प्लेट प्राप्त गरेको कम्पनीको दाबी छ । चांगानका अनुसार एसडीए पाइलट प्रो, म्याक्स र अल्ट्रा गरी तीन संस्करणमा उपलब्ध छ । यीमध्ये अल्ट्रा संस्करणमा हाइवे एनसीए, अर्बन एनसीए, ४०० भन्दा बढी अवस्थाका लागि इन्टेलिजेन्ट पार्किङ असिस्ट र ३१ वटा सक्रिय सुरक्षा सुविधा समावेश छन् । ५६० टीओपीएस क्षमताको कम्प्युटिङ चिप र २५६ लाइनको लाइडार प्रविधिमा आधारित यस प्रणालीले मिलिसेकेन्डमै प्रतिक्रिया दिन सक्ने कम्पनीले जनाएको छ । एसडीए पाइलटले प्रतिकूल मौसम र कम दृश्यता भएका अवस्थामा समेत सम्भावित जोखिम पहिचान गर्न सहयोग गर्ने कम्पनीको दाबी छ । यसमा एक्टिभ लाइडार डिटेक्सन र १० हर्जको हाई फ्रिक्वेन्सी रिजनिङ प्रविधि प्रयोग गरिएको छ । यसले कम प्रकाश, तीव्र चमक, वर्षा र कुहिरोजस्ता अवस्थामा जोखिम पहिचान गर्न सहयोग गर्ने बताइएको छ । त्यस्तै, प्रणालीको एन्ड-टु-एन्ड लार्ज मोडललाई वास्तविक सडकमा संकलित दुई करोडभन्दा बढी उच्च गुणस्तरका ड्राइभिङ डेटा सेग्मेन्ट प्रयोग गरेर तालिम दिइएको कम्पनीले जनाएको छ । यसबाट मानवीय ड्राइभिङ शैलीसँग मिल्दोजुल्दो अनुभव प्रदान गर्ने उसको दाबी छ । एसडीए पाइलटमा भिजन र भ्वाइस प्रविधि एकीकृत गरिएको मल्टिमोडल लार्ज मोडलसमेत समावेश छ । यसले प्राकृतिक भाषामा दिइएका भ्वाइस कमान्ड बुझ्ने र चालकको ड्राइभिङ व्यवहार सम्झन सक्ने इन्टरएक्टिभ नेभिगेसन सुविधा प्रदान गर्ने कम्पनीले जनाएको छ । यसका लागि चांगानले एसडीए ल्याब स्थापना गरेको छ । उक्त प्रयोगशालामा २४ सै घण्टा परीक्षण तथा अनुसन्धान हुने कम्पनीको भनाइ छ । त्यहाँ चार लाखभन्दा बढी भर्चुअल सिमुलेसन अवस्था र विश्वका २२४ क्षेत्रका विभिन्न जलवायु अवस्थालाई समेटेर दैनिक ३३ लाख किलोमिटरबराबरको सिमुलेटेड ड्राइभिङ परीक्षण गरिने बताइएको छ । कार्यक्रमकै क्रममा एसडीए पाइलट अल्ट्रा प्रविधि जडान गरिएको पहिलो उत्पादन मोडल चांगान नेभो क्यू०६ को प्रि-अर्डरसमेत खुला गरिएको छ । नेपालमा चांगानको उपस्थिति डीपल, नेभो र अवत्र (एभाटार) ब्रान्डमार्फत रहेको छ । यी ब्रान्डअन्तर्गत कम्पनीले विभिन्न विद्युतीय तथा नयाँ ऊर्जा सवारीसाधन नेपाली बजारमा उपलब्ध गराउँदै आएको छ । डीपलअन्तर्गत एस०७, एस०७ एल, एस०७ आईसीए, एस०५, ई०७ र एल०७ मोडल उपलब्ध छन् । नेभोअन्तर्गत क्यू०५ तथा अवत्रअन्तर्गत अवत्र ११ र अवत्र ७ नेपाली बजारमा रहेका छन् । नेपालमा चांगानको आधिकारिक वितरक एमएडब्लू वृद्धि अटोकर्प हो । कम्पनीले चांगानका सवारीसाधनको बिक्रीसँगै डिलरशिप, सर्भिस तथा चार्जिङ नेटवर्क विस्तार गरिरहेको जनाएको छ । चांगान अटोमोबाइल चीनको राज्य स्वामित्वमा रहेको प्रमुख अटोमोबाइल उत्पादक कम्पनीमध्ये एक हो । कम्पनीले विश्वका १०० भन्दा बढी देशमा आफ्नो उपस्थिति रहेको र १८ हजारभन्दा बढी इन्जिनियर आबद्ध रहेको जनाएको छ ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
एनपीएलमा सट्टेबाजी गरेको आरोपमा एक जना पक्राउ, ८ लाखभन्दा बढीको कारोबार
Latest NewsJust now

एनपीएलमा सट्टेबाजी गरेको आरोपमा एक जना पक्राउ, ८ लाखभन्दा बढीको कारोबार

काठमाडौँ। नेपाल प्रिमियर लिग (एनपीएल) क्रिकेटमा अनलाइनमार्फत सट्टेबाजी गरेको आरोपमा एक भारतीय नागरिक पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले भारतको राजस्थान राज्यस्थित श्रीगंगानगरका ३५ वर्षीय रोहित पथरियालाई... ...

रातोपाटी
बहिरा फुटबल टोली दक्षिण कोरिया जाने
Latest NewsJust now

बहिरा फुटबल टोली दक्षिण कोरिया जाने

काठमाडौँ। पाँचाैँ एसिया–प्यासिफिक डेफ फुटबल च्याम्पियनसिपमा सहभागी हुन ३९ सदस्यीय नेपाली टोली बुधबार दक्षिण कोरियाको छाङवन प्रस्थान गर्ने भएको छ । नोभेम्बर २० देखि २९ तारिखसम्म हुने प्रतियोगितामा नेपालको पुरुष/महिला... ...

रातोपाटी
जलवायु परिवर्तनमा न्यून योगदान पुर्‍याएको मुलुकले सबैभन्दा गम्भीर परिणाम भोग्नुपरेको छ : मन्त्री चौधरी
Latest NewsJust now

जलवायु परिवर्तनमा न्यून योगदान पुर्‍याएको मुलुकले सबैभन्दा गम्भीर परिणाम भोग्नुपरेको छ : मन्त्री चौधरी

काठमाडौँ, मंसिर १ गते । संयुक्त राष्ट्रसङ्घीय विकास कार्यक्रम (युएनडिपी) द्वारा कोप–३१ अन्तर्गत आज यहाँ आयोजित नोक्सानी र क्षतिसम्बन्धी उच्चस्तरीय मन्त्रीस्तरीय संवादलाई सम्बोधन गर... ...

गोरखापत्र
घोप्टेभिरमा ढुङ्गा खसेर लाग्दा मोटरसाइकल चालकको मृत्यु
Latest NewsJust now

घोप्टेभिरमा ढुङ्गा खसेर लाग्दा मोटरसाइकल चालकको मृत्यु

काठमाडौं । पृथ्वी राजमार्गको इच्छाकामना गाउँपालिका–४ स्थित घोप्टेभिरमा माथिबाट खसेको ढुङ्गा लागेर मोटरसाइकल चालकको मृत्यु भएको छ । मृत्यु हुनेमा ललितपुर महानगरपालिका–२० निवासी ६१ वर्षीय गङ्गाराम महर्जन रहेका छन् । जिल्ला प्रहरी कार्यालयका प्रहरी नायब उपरीक्षक चन्द्रभूषण यादवका अनुसार आज दिउँसो काठमाडौंबाट मुग्लिनतर्फ जाँदै गरेको बा ८५ प ६०१ नम्बरको मोटरसाइकलमाथि सडकको माथिल्लो भागबाट एक्कासी […] ...

लोकपथ
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play