सातै प्रदेशमा त्रिविको दीक्षान्त : बागमतीमा सबैभन्दा बढी आवेदन, कर्णाली र सुदूरपश्चिममा न्यून

काठमाडौँ । त्रिभुवन विश्वविद्यालय (त्रिवि) ले पहिलो पटक सातै प्रदेशमा आयोजना गर्न लागेको दीक्षान्त समारोहमा सहभागी हुन विद्यार्थीको आवेदन बागमती प्रदेशमा बढी केन्द्रित देखिएको छ। कर्णाली र सुदूरपश्चिम प्रदेशबाट भने तुलनात्मक रूपमा निकै कम आवेदन परेको छ। विश्वविद्यालयका अनुसार यस वर्ष दीक्षान्तका लागि ९५ हजार ५४० विद्यार्थी योग्य छन्। तीमध्ये समारोहमा प्रत्यक्ष सहभागी हुन २१ हजार २७४ जनाले आवेदन दिएको विवरण प्राप्त भएको छ। यद्यपि, उपलब्ध प्रदेशगत तथ्यांकको योगफलसँग कुल आवेदन सङ्ख्यामा केही भिन्नता देखिएको छ। प्रदेशगत विवरणअनुसार सबैभन्दा बढी बागमती प्रदेशबाट १४ हजार ६८१ विद्यार्थीले आवेदन दिएका छन्। त्यसपछि गण्डकी प्रदेशबाट दुई हजार २१५ र कोशी प्रदेशबाट दुई हजार १० जनाको आवेदन परेको छ। लुम्बिनी प्रदेशबाट एक हजार ५५४ र मधेश प्रदेशबाट ३६४ विद्यार्थीले समारोहमा सहभागी हुन आवेदन दिएका छन्। सबैभन्दा कम आवेदन कर्णाली प्रदेशबाट १५९ र सुदूरपश्चिम प्रदेशबाट २८१ जनाको परेको छ। The post सातै प्रदेशमा त्रिविको दीक्षान्त : बागमतीमा सबैभन्दा बढी आवेदन, कर्णाली र सुदूरपश्चिममा न्यून appeared first on Corporate Khabar : Nepals First Corporate News Magazine and Portal.