Friday, November 20, 2026||
MultiKhabarMultiKhabar

वैदेशिक रोजगारीका नाममा हुने ठगी तथा श्रम शोषण नियन्त्रण गर्न गृह मन्त्रालयद्वारा विशेष कार्यदल गठन

Share:WhatsAppFacebookX (Twitter)Telegram
वैदेशिक रोजगारीका नाममा हुने ठगी तथा श्रम शोषण नियन्त्रण गर्न गृह मन्त्रालयद्वारा विशेष कार्यदल गठन
Photo / Coverage: कर्पोरट खबर

काठमाडौं । वैदेशिक रोजगारी तथा कन्सल्टेन्सीमार्फत विदेश पठाउने क्रममा नेपाली नागरिकमाथि भइरहेको ठगी र श्रम शोषण निर्मूल पार्न तथा त्यस्ता गैरकानुनी गतिविधिमा संलग्न व्यक्ति वा समूहमाथि सघन अनुगमन र कारबाही गर्न गृह मन्त्रालयले सरोकारवाला निकाय सम्मिलित विशेष कार्यदल गठन गरेको छ। वैदेशिक रोजगारीका क्रममा एउटा काम देखाएर अर्को काममा लगाउने, करार सम्झौतामा तोकिएबमोजिमको तलब तथा सेवा–सुविधा नदिने, भिजिट भिसामार्फत रोजगारीमा पठाइदिने प्रलोभन देखाई ठगी गर्ने तथा विभिन्न कन्सल्टेन्सीहरूले विदेश पठाउने बहानामा गर्ने ठगीजस्ता गम्भीर समस्याहरूलाई पूर्ण रूपमा नियन्त्रण गर्ने उद्देश्यले मन्त्रालयले यो कदम चालेको हो । दुबईमा आयोजित “विश्व प्रहरी शिखर सम्मेलन २०२६” मा सहभागी हुन नोभेम्बर १३ मा संयुक्त अरब इमिरेट्स (यूएई) पुगेका गृहमन्त्री गुरुङले अबुधाबीस्थित नेपाली राजदूतावास तथा दुबईस्थित महावाणिज्य दुतावासमा स्थानीय नेपाली समुदायसँग छलफल गरे । नियोग, नेपाली समुदाय तथा विभिन्न सरोकारवालाहरूसँगको उक्त अन्तरक्रियामा वैदेशिक रोजगारीका नाममा नेपाली नागरिकहरू ठगिने र श्रम शोषणमा पर्ने गरेको विषय गम्भीर रूपमा उठेको थियो। जवाफमा गृहमन्त्री गुरुङले अन्तरक्रियामा उठेका समस्याहरू समाधान गर्न तत्कालै ठोस कदम (एक्सन) चाल्ने प्रतिबद्धता व्यक्त गर्दै वैदेशिक रोजगारीका नाममा हुने ठगी र अपराधमा संलग्न जोसुकैलाई पनि उन्मुक्ति नदिइने र देशमा विधिको शासन स्थापित गर्न सरकार प्रतिबद्ध रहेको स्पष्ट पारे । सोही प्रतिबद्धताको कार्यान्वयन तथा पीडितहरूको गुनासोलाई उच्च प्राथमिकता दिँदै बिहीबार मात्र नेपाल आएका गृह मन्त्रीगुरुगंले समस्याको तत्काल समाधान खोज्ने उद्देश्यले शुक्रबारनै गृह मन्त्रालयमा उच्चस्तरीय बैठक आयोजना गरे । गृहमन्त्रीको अध्यक्षतामा बसेको उक्त बैठकमा श्रम, रोजगार तथा सामाजिक सुरक्षा मन्त्री रामजी यादव सहित गृह मन्त्रालय, श्रम, रोजगार तथा सामाजिक सुरक्षा मन्त्रालय, संस्कृति, पर्यटन तथा नागरिक उड्डयन मन्त्रालय र शिक्षा, विज्ञान तथा प्रविधि मन्त्रालयका सचिवलगायतका उच्च अधिकारीहरू, नेपाल प्रहरीका महानिरीक्षक, केन्द्रीय अनुसन्धान ब्यूरो (सीआईबी) का प्रमुख, नेपाल नागरिक उड्डयन प्राधिकरण (क्यान) का पदाधिकारीहरू तथा अन्य सम्बद्ध सरोकारवाला निकायका प्रतिनिधिहरूको सहभागिता रहेको थियो । बैठकमा वैदेशिक रोजगारीको आवरणमा हुने आर्थिक ठगी, सम्झौता विपरीतको श्रम शोषण, कन्सल्टेन्सीमार्फत हुने ठगी तथा भिजिट भिसाको दुरुपयोग गरी विदेश पुर्‍याउने प्रवृत्तिलाई तत्काल निरुत्साहित एवं निर्मूल पार्नुपर्ने विषयमा विस्तृत छलफल भएको छ। छलफलपश्चात् बैठकले विभिन्न सम्बद्ध निकायहरूको प्रतिनिधित्व रहने गरी एक संयुक्त कार्यदल गठन गर्ने र उक्त कार्यदलले आजैदेखि आफ्नो कार्य प्रारम्भ गर्ने निर्णय गरेको छ। कार्यदललाई वैदेशिक रोजगारीका नाममा हुने ठगी, करार सम्झौताको उल्लङ्घन, कन्सल्टेन्सीहरूबाट हुने ठगी, भिजिट भिसाको आवरणमा हुने मानव तस्करी तथा श्रम शोषणसम्बन्धी गतिविधिहरूको सूक्ष्म एवं सघन अनुगमन गर्ने, ठगीमा संलग्न गिरोह तथा व्यक्तिहरूको पहिचान गर्ने र प्रचलित कानुनबमोजिम कडा कारबाहीको दायरामा ल्याउने कार्यादेश दिइएको छ। गृह मन्त्रालयले वैदेशिक रोजगारी तथा विदेश पठाउने नाममा हुने यस्ता ठगी र शोषणका घटनाप्रति शून्य सहनशीलताको नीति अपनाउँदै सरोकारवाला निकायहरूबीचको समन्वयलाई थप प्रभावकारी बनाउने स्पष्ट पारेको छ। साथै, विदेश जाँदा कुनै पनि प्रलोभनमा नपर्न र आधिकारिक प्रक्रिया, करारका सर्त तथा गन्तव्य मुलुकको कानुनी अवस्थाबारे राम्ररी बुझेर मात्र यात्रा गर्न सर्वसाधारणमा समेत अनुरोध गरिएको छ। The post वैदेशिक रोजगारीका नाममा हुने ठगी तथा श्रम शोषण नियन्त्रण गर्न गृह मन्त्रालयद्वारा विशेष कार्यदल गठन appeared first on Corporate Khabar : Nepals First Corporate News Magazine and Portal.

Share:WhatsAppFacebookX (Twitter)Telegram

Read Complete Original Article

Published originally on कर्पोरट खबर

Visit Publisher Site →

Related News

🇳🇵 Nepal
१२ बजे १२ समाचार : मलेसियामा पैसा पठाउन अनुमति दिने मन्त्रीस्तरीय फाइल गायब, बालेनको भारत भ्रमण कति फरक ?
Latest NewsJust now

१२ बजे १२ समाचार : मलेसियामा पैसा पठाउन अनुमति दिने मन्त्रीस्तरीय फाइल गायब, बालेनको भारत भ्रमण कति फरक ?

काठमाडौँ । आज दिनभरका मुख्यमुख्य घटनाक्रमसहित रातोपाटीको रात्रिकालीन प्रस्तुति रातोपाटी ब्रिफिङमा १२ बजे १२ समाचार लिएर हाजिर भएका छौँ- १. दलहरुसँग आयोगको छलफल निर्वाचन आयोगले आगामी वैशाखमा स्थानीय तह र मंसिरमा प्रदेश... ...

रातोपाटी
बुढानीलकण्ठमा दर्शनार्थीको घुइँचो
Latest NewsJust now

बुढानीलकण्ठमा दर्शनार्थीको घुइँचो

काठमाडौँ । हरि बोधिनी एकादशीका अवसरमा बुढानीलकण्ठ मन्दिरमा दर्शनार्थीको शुत्रबार घुइँचो लागेको छ । प्रत्येक वर्ष कात्तिक शुक्ल एकादशीदेखि कात्तिक शुक्ल पूर्णिमासम्म पाँच दिन बुढानीलकण्ठ मन्दिरमा भक्तजन पूजा, आराधना एवं... ...

रातोपाटी
इँटा उद्योग रूपान्तरण गर्न ६ करोड डलरको कार्बन वित्त जुटाइँदै
Latest NewsJust now

इँटा उद्योग रूपान्तरण गर्न ६ करोड डलरको कार्बन वित्त जुटाइँदै

काठमाडौं – नेपालको परम्परागत इँटा उद्योगलाई आधुनिक तथा वातावरणमैत्री बनाउने उद्देश्यले छ करोड अमेरिकी डलर (करिब रु नौ अर्ब) बराबरको कार्बन वित्त परिचालन गर्ने योजना अघि बढाइएको छ। दिवाकर गोल्छा अर्गनाइजेसनअन्तर्गतको हुलास इको ब्रिक्स र जलवायु प्रविधि विकास गर्ने कम्पनी इनोसिएसआरको सहकार्यमा यो कार्यक्रम अघि बढाउन लागिएको हो। दिवाकर गोल्छा अर्गनाइजेसनका निर्देशक हितेश गोल्छाका अनुसार यस योजनाअन्तर्गत आगामी तीन वर्षभित्र मुलुकभरका ३०० ...

नेपालन्युज
बत्तीस जना सहसचिवको सरुवा
Latest NewsJust now

बत्तीस जना सहसचिवको सरुवा

नगेन्द्र सापकोटाकाठमाडौँ, मङ्सिर ४ गते । सरकारले राजपत्राङक्ति प्रथम श्रेणीका सहसचिवहरुको सरुवा गरेको छ । शुुक्रबार बसेको मन्त्रीपरिषद्को बैठकले विभिन्न सेवा र समूूहमा कार्यारत ३२... ...

गोरखापत्र
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play