रौतहट । रौतहटमा स्कुटर अनियन्त्रित भएर पुलमा ठोक्किँदा दुई किशोरको मृत्यु भएको छ भने अन्य दुई जना घाइते भएका छन्। राजदेवी नगरपालिका–१ मोतिपुरस्थित झुनखुनवाबाट मोतिपुरतर्फ जाँदै गरेको मधेश प्रदेश ०३–०४२ प १४२९ नम्बरको स्कुटर आज दिउँसो करिब ४ बजे दुर्घटनामा परेको हो। तीव्र गतिमा रहेको स्कुटर अनियन्त्रित भई पुलमा ठोक्किएको प्रहरीले जनाएको छ। दुर्घटनामा यमुनामाई नगरपालिका–५ जमुआ टोलका १८ वर्षीय अनिकेत पासवान र १६ वर्षीय प्रिन्स पासवानको मृत्यु भएको छ। दुर्घटनालगत्तै उपचारका लागि प्रादेशिक अस्पताल गौर पुर्याइएका उनीहरूलाई चिकित्सकले अपराह्न साढे ४ बजे मृत घोषणा गरेका थिए। दुर्घटनामा यमुनामाई नगरपालिका–५ झुनखुनवाका १५ वर्षीय आकाश पासवान र भारतको सीतामढी जिल्ला भकुरहर ग्रामका १७ वर्षीय सुनिल पासवान घाइते भएका छन्। आकाशको प्रादेशिक अस्पताल गौरमा उपचार भइरहेको छ भने टाउकोमा चोट लागेका सुनिललाई प्रारम्भिक उपचारपछि थप उपचारका लागि वीरगञ्ज पठाइएको छ। प्रहरीका अनुसार दुवै घाइतेको अवस्था मध्यम छ। दुर्घटनाबारे थप अनुसन्धान भइरहेको छ।
रौतहटमा स्कुटर पुलमा ठोक्किँदा दुई किशोरको मृत्यु

Read Complete Original Article
Published originally on केन्द्रबिन्दु




.jpeg)

