काठमाडौं । मुगुमा जिप दुर्घटनामा परी घाइते भएका दुई जनालाई थप उपचारका लागि सुर्खेत पठाइएको छ। काठमाडौंबाट रारा तालतर्फ जाँदै गरेको बागमती प्रदेश ०१–००४ च १८६४ नम्बरको जिप आइतबार छायाँनाथ रारा नगरपालिका–७ टोप्लास्थित भीरबाट करिब ६०० मिटर तल खसेको थियो। दुर्घटनामा घाइते भएका चालक ललितपुरका कञ्चन थापा र अन्जु थापालाई नेपाली सेनाको हेलिकप्टरमार्फत सुर्खेत पठाइएको प्रहरी नायब उपरीक्षक रविराज थपलियाले जानकारी दिएका छन्। जिपमा पाँच जना सवार थिए। दुर्घटनामा परी काठमाडौं कलंकीका विजय बस्नेत, रमेश पिडारी र पूर्णकुमार थापाको मृत्यु भएको थियो। मृतक तीनै जनाको शव जिल्ला अस्पतालमा पोस्टमार्टम गरेपछि आफन्तलाई बुझाइने प्रहरी नायब उपरीक्षक थपलियाले बताएका छन्।
मुगु जिप दुर्घटनाका दुई घाइतेलाई हेलिकप्टरबाट सुर्खेत लगियो

Read Complete Original Article
Published originally on केन्द्रबिन्दु






