काठमाडौं । नेपाल प्रिमियर लिग (एनपीएल) मा पोखरा एभेन्जर्सले पहिलो जित निकालेको छ । क्यानेडियन ओपनर युवराज सामराको विस्फोटक शतक र कुशल भुर्तेलको अर्धशतकमा पोखराले सोमबार कर्णाली याक्सलाई ६३ रनले पराजित गरेको हो । जितका लागि पोखराले दिएको २१८ रनको लक्ष्य पछ्याएको कर्णाली ओभरमा विकेट गुमाउँदै त्यसअघि कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिले ब्याटिङ गरेको पोखराले निर्धारित २० ओभरमा ३ विकेट गुमाएर २१७ रन बनाएको थियो । पोखराका लागि विशाल योगफल तयार पार्ने क्रममा क्यानेडियन ओपनर युवराज सामराले आक्रामक शतकीय इनिङ्स खेले । उनले ४८ बलमा १ सय २ रन बनाए । सामराले कर्णाली याक्सविरुद्ध ४५ बलमा शतक पूरा गरेका हुन् । यस सिजनको एनपीएलमा बनेको यो पहिलो शतक हो । त्यस्तै, कुशल भुर्तेलले पनि अर्धशतकीय योगदान दिए । कुशलले ३९ बल खेलेर ७ छक्कासहित ६२ रन बनाए । सामरा र भुर्तेलको उत्कृष्ट ब्याटिङमा पोखराले जारी सिजन पहिलोपटक २ सय रनको आँकडा पार गरेको हो । कप्तान चामिका करुणारत्ने ११ बलमा ३ चौका र छक्का प्रहार गरी ३५ रनमा अविजित रहे । सन्नी विक ६ बलमा ३ रनमा अविजित रहे । महेदी हसन पाँच रनमा आउट भए । बलिङमा कर्णालीका सोमपाल कामीले ४ ओभरमा २४ रन खर्चेर २ विकेट लिए । मार्क वाटको नाममा १ विकेट रह्यो । The post पोखराको पहिलो जित, कर्णाली ६३ रनले पराजित appeared first on Corporate Khabar : Nepals First Corporate News Magazine and Portal.
पोखराको पहिलो जित, कर्णाली ६३ रनले पराजित
Read Complete Original Article
Published originally on कर्पोरट खबर
