काठमाडौं । मण्डला थियटरले नयाँ नाटक ‘निलो सिन्दूर’ मञ्चन गर्ने भएको छ । मैथिली नाटककार तथा निर्देशक महेन्द्र मलंगियाको चर्चित नाटक ‘देहपर कोठी खसा दिय’मा आधारित नाटकलाई धीरेन्द्र प्रेमर्षीले नेपालीमा अनुवाद गर्नुभएको हो । रंगसूत्र नेपाल र हिल्स होम थिएटरको संयुक्त प्रस्तुतिमा तयार भएको नाटक यही मंसिर ११ देखि २७ गतेसम्म मञ्चन हुनेछ । रामभजन कामत र पुष्पराज अवस्थीको संयुक्त निर्देशन रहेको नाटक यसअघि दिल्लीमा आयोजित मलंगिया महोत्सवमा समेत प्रदर्शन भइसकेको छ । गरिबी, बेरोजगारी, असहायता र स्वास्थ्य सेवाको अभावले निम्त्याउने मानवीय संकटलाई नाटकले उठान गरेको छ । यसमा प्रभाकर शर्मा, रामभजन कामत, पुष्पराज अवस्थी, रूपेश मण्डल, रिना रिमाल, वीरेन्द्रसिंह कुशवाहालगायत कलाकारको अभिनय रहनेछ ।
‘निलो सिन्दूर’ मञ्चन हुँदै

Read Complete Original Article
Published originally on हिमालय टाइम्स


.jpg)



