काठमाडौं । चितवनका दुग्ध किसानहरूले दुधको मूल्यवृद्धि गर्न माग गरेका छन् । चितवन जिल्ला दुग्ध उत्पादक सहकारी संघले सोमबार चितवनमा पत्रकार सम्मेलन गर्दै दुधको मूल्य बढाउन माग गरेको हो । चितवन जिल्ला दुग्ध उत्पादक सहकारी संघका अध्यक्ष किशोर बगालेले सरकारले दुधको मूल्य वृद्धि नगरे आन्दोलनमा उत्रने चेतावनी दिए । देशमा खाद्यान्न र पशु आहारको मनपरी मूल्य वृद्धिका कारण किसान मर्कामा परिरहेको उनले बताए । उनले प्रत्येक २ बर्षमा दुधको मूल्य पुनवरालोकन गर्ने व्यबस्था गरिएको भएपनि सो बिषयमा कुनै छलफल हुन नसकेको गुनासो गरे । पटकपटक कृषि मन्त्रालय लगाएत सरोकारवालाहरूमा ज्ञापन पत्र बुझाउदा समेत सरकारले चासो नदिएको उनको भनाइ छ । हाल ६५ रूपैयाँ प्रतिलिर बिक्री गर्दै आएको दुधको मूल्य ७५ रूपैयाँ हुनुपर्ने माग किसानहरूको छ । २०७६ सालमा दुधमा आत्मनिर्भर जिल्ला घोषणा भएको चितवनमा दैनिक ३ लाख ५५ हजार लिटर दुध उत्पादन हुँदै आएको छ भने करिब ४० किसानहरू यो पेशामा आवद्ध रहेको संघले जनाएको छ ।
दुधको मूल्यवृद्धि गर्न किसानहरूको माग

Read Complete Original Article
Published originally on केन्द्रबिन्दु





