Thursday, November 19, 2026||
MultiKhabarMultiKhabar

दल त्यागेको भन्दै जिसस प्रमुखसहित आठ जनप्रतिनिधि पदमुक्त

Share:WhatsAppFacebookX (Twitter)Telegram
दल त्यागेको भन्दै जिसस प्रमुखसहित आठ जनप्रतिनिधि पदमुक्त
Photo / Coverage: केन्द्रबिन्दु

खोटाङ । राजनीतिक दल त्याग गरेको भन्दै निर्वाचन आयोगले जिल्ला समन्वय समिति (जिसस) खोटाङका प्रमुख सनबहादुर राईसहित जिल्लाका आठ जना जनप्रतिनिधिको पद रिक्त गराएको छ । जनता समाजवादी पार्टी (जसपा) नेपालको केन्द्रीय समितिले दल त्याग गरेको जानकारी गराएपछि आयोगले मङ्सिर २ गते उनीहरूलाई पदमुक्त गर्ने निर्णय गरेको हो । आयोगले मङ्सिर ३ गते प्रकाशित गरेको सूचनामार्फत पदमुक्त भएको जानकारी गराएको छ । पदमुक्त हुनेमा जिसस प्रमुख राई, केपिलासगढी गाउँपालिकाका उपाध्यक्ष गुरुराज राई, दिक्तेल रुपाकोट मझुवागढी नगरपालिका–१० पाथेकाका वडाध्यक्ष मुगाधन राई, वडासदस्य कल्पना राई, दलित महिला सदस्य गीता विश्वकर्मा, वडासदस्य रामधन राई र सहरमणि राई तथा नगर कार्यपालिका सदस्य वीरेन्द्रकुमार दर्नाल छन् । पदमुक्त भएका जिसस प्रमुख सनबहादुर राई हाल नेपाली कम्युनिस्ट पार्टीका केन्द्रीय सदस्य छन् । गाउँपालिका उपाध्यक्ष गुरुराज र वडाध्यक्ष मुगाधन श्रम संस्कृति पार्टीमा प्रवेश गरेका छन् भने नगर कार्यपालिका सदस्य दर्नाल अशोक राई नेतृत्वको जनता समाजवादी पार्टीमा आबद्ध भएका छन् । पाथेकाका वडासदस्य सहरमणि र कल्पना तत्कालीन नेकपा (माओवादी केन्द्र) तथा रामधन नेकपा (एकीकृत समाजवादी)बाट निर्वाचित भएका थिए । स्थानीय तह निर्वाचनमा दलहरूबीच भएको चुनावी तालमेलका क्रममा उनीहरूले जसपा नेपालको चुनाव चिह्नबाट उम्मेदवारी दिएकाले पद गुमाउनुपरेको जनाइएको छ । वडाका सबै जनप्रतिनिधि पदमुक्त भएपछि पाथेका जनप्रतिनिधिविहीन बनेको छ । उपनिर्वाचनको सम्भावना नरहेको अवस्थामा कर्मचारीमार्फत नै वडाको कामकाज सञ्चालन गरिने जिल्ला निर्वाचन कार्यालय खोटाङका प्रमुख रवीन मगरले जानकारी दिए । यसअघि जिल्लाका अन्य स्थानीय तहका पाँच जना जनप्रतिनिधि पनि दल त्यागकै कारण पदमुक्त भइसकेका छन् । पदमुक्त हुनेमा बराहपोखरी गाउँपालिकाका उपाध्यक्ष भूबलराज राई, दिक्तेल रुपाकोट मझुवागढी नगरपालिका–१४ बुइपाका वडाध्यक्ष दिनेश राई, केपिलासगढी गाउँपालिका–३ बास्पानीका वडाध्यक्ष तुलाराज राई, खोटेहाङ गाउँपालिका–३ सावाकटहरेका वडाध्यक्ष जेफर राई र खोटेहाङ गाउँपालिका–४ बड्कादियालेका वडा सदस्य प्रदीप आचार्य छन् । भूबलराज, तुलाराज, दिनेश र जेफर श्रम संस्कृति पार्टीमा प्रवेश गरेका थिए । उनीहरू क्रमशः नेकपा (एकीकृत समाजवादी), नेकपा (एकीकृत समाजवादी), नेकपा (एमाले) र नेपाली कांग्रेसबाट निर्वाचित भएका थिए । राष्ट्रिय स्वतन्त्र पार्टीमा प्रवेश गरेका प्रदीप आचार्य एमालेबाट निर्वाचित भएका थिए । पदमुक्त भएका वडाध्यक्षहरूको स्थानमा सम्बन्धित वडाका ज्येष्ठ सदस्यलाई कार्यवाहक अध्यक्षको जिम्मेवारी दिइएको सम्बन्धित राजनीतिक दलले जनाएका छन् । पछिल्लो निर्णयसँगै २०७९ को स्थानीय तह निर्वाचनबाट निर्वाचित भएर खोटाङमा पदमुक्त हुने जनप्रतिनिधिको सङ्ख्या १३ पुगेको छ । राजनीतिक दलसम्बन्धी ऐन, २०७३ को दफा ३२ को उपदफा (१) र राजनीतिक दलसम्बन्धी नियमावली, २०७४ को नियम २२ मा दल त्याग गरेको ठहर भएमा निर्वाचन आयोगले जनप्रतिनिधिको पद रिक्त गराउन सक्ने व्यवस्था छ । सम्बन्धित दलले आफ्ना नीति, सिद्धान्त र निर्णयविपरीत दल त्याग गरेको भन्दै आयोगमा सिफारिस गरेपछि पदमुक्तिको निर्णय भएको हो ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
असोजमा भित्रियो २ खर्ब ६७ अर्ब रेमिट्यान्स, बन्यो नयाँ रेकर्ड
Latest NewsJust now

असोजमा भित्रियो २ खर्ब ६७ अर्ब रेमिट्यान्स, बन्यो नयाँ रेकर्ड

काठमाडौं । चालु आर्थिक वर्ष २०८३/८४ को असोज महिनामा नेपालमा २ खर्ब ६७ अर्ब ३४ करोड रुपैयाँ रेमिट्यान्स भित्रिएको छ । यो एक महिनामा भित्रिएको हालसम्मकै सबैभन्दा ठूलो रेमिट्यान्स रकम हो । यसअघि गत वैशाखमा २ खर्ब ५७ अर्ब रुपैयाँ रेमिट्यान्स भित्रिएको थियो । असोजमा चाडपर्वका कारण विदेशमा रहेका नेपालीले स्वदेशमा बढी रकम पठाएको र रसुवामा आएको बाढीले समेत रेमिट्यान्स आप्रवाह ...

केन्द्रबिन्दु
ओली, देउवा र दाहालभन्दा कति फरक छ बालेनको भारत भ्रमण ?
Latest NewsJust now

ओली, देउवा र दाहालभन्दा कति फरक छ बालेनको भारत भ्रमण ?

काठमाडौँ । प्रधानमन्त्री बालेन्द्र शाह ‘बालेन’ यही मंसिर ६ र ७ गते भारत भ्रमणमा जाँदैछन् । समकक्षी नरेन्द्र मोदीको निमन्त्रणामा छिमेकी मुलकको राजकीय भ्रमण गर्न लागेका प्रधानमन्त्री शाहको भ्रमण योभन्दा... ...

रातोपाटी
मधेसलाई प्राथमिकतामा राखेर विकास निर्माणका काम अघि बढाएका छौँ : मन्त्री लम्साल
Latest NewsJust now

मधेसलाई प्राथमिकतामा राखेर विकास निर्माणका काम अघि बढाएका छौँ : मन्त्री लम्साल

जनकपुरधाम । भौतिक पूर्वाधार विकासमन्त्री सुनिल लम्सालले वर्तमान सरकारले मधेस प्रदेशलाई विशेष प्राथमिकतामा राखेर विकास निर्माणका कार्यक्रम अघि बढाएको बताएका छन् । राष्ट्रिय स्वतन्त्र पार्टी (रास्वपा) ले जनकपुरधाममा आयोजना गरेको भेटघाट तथा अन्तरक्रिया कार्यक्रममा बोल्दै उनले सडक, खानेपानी, ढल निकास तथा ग्रामीण सडक पूर्वाधार निर्माणका लागि अन्य प्रदेशको तुलनामा मधेसमा बढी बजेट विनियोजन गरिएको जानकारी […] ...

लोकपथ
केरुङ नाका पुनः सञ्चालन गर्ने चीन लागिरहेको छ : अध्यक्ष याङ्ग वानमिङ्ग
Latest NewsJust now

केरुङ नाका पुनः सञ्चालन गर्ने चीन लागिरहेको छ : अध्यक्ष याङ्ग वानमिङ्ग

भक्तपुर । छिमेकी मित्रराष्ट्र चीनको चिनियाँ वैदेशिकमैत्री सङ्घका अध्यक्ष याङ्ग वानमिङ्गले रसुवा भोटेकोशी बाढीपीडित जनतालाई राहत उपलब्ध गराउने, पुनर्निर्माणका कार्य अघि बढाउने तथा केरुङ नाका पुनः सञ्चालन गर्ने चीन लागिरहेको... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play