Thursday, November 19, 2026||
MultiKhabarMultiKhabar

तीन महिनामा मूल्यवृद्धि ६.३७ प्रतिशत, विदेशी मुद्रा सञ्चिति ४१ खर्ब नाघ्यो

Share:WhatsAppFacebookX (Twitter)Telegram
तीन महिनामा मूल्यवृद्धि ६.३७ प्रतिशत, विदेशी मुद्रा सञ्चिति ४१ खर्ब नाघ्यो
Photo / Coverage: नेपालन्युज

काठमाडौं । चालु आर्थिक वर्ष २०८३/८४ को पहिलो तीन महिनामा नेपालको वार्षिक विन्दुगत उपभोक्ता मूल्यवृद्धि ६.३७ प्रतिशत पुगेको छ । नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थितिसम्बन्धी प्रतिवेदनले यस्तो देखाएको हो । राष्ट्र बैंकका अनुसार असोज मसान्तसम्म नेपालको कुल विदेशी विनिमय सञ्चिति ४१ खर्ब ६१ अर्ब १४ करोड रुपैयाँ पुगेको छ । अमेरिकी डलरमा यो सञ्चिति २७ अर्ब ३२ करोड रहेको छ । हाल कायम सञ्चितिले १७.२ महिनासम्मको वस्तु तथा सेवा आयात धान्न पर्याप्त हुने राष्ट्र बैंकले जनाएको छ । समीक्षा अवधिमा विप्रेषण आप्रवाहमा पनि उल्लेख्य वृद्धि भएको छ । गत वर्षको तुलनामा नेपाली रुपैयाँमा विप्रेषण आप्रवाह २७.२ प्रतिशत र अमेरिकी डलरमा १६.७ प्रतिशतले बढेको छ । असोज मसान्तसम्म २ खर्ब ६७ अर्ब ३४ करोड रुपैयाँ रेमिट्यान्स भित्रिएको छ । यस अवधिमा नेपालको वैदेशिक व्यापारमा निर्यात ५७ प्रतिशतले बढेको छ भने आयातमा ३६.२ प्रतिशतको वृद्धि देखिएको छ । त्यस्तै, चालु खाता २ खर्ब ७९ अर्ब ११ करोड रुपैयाँ बचतमा रहेको छ । शोधनान्तर स्थिति पनि ३ खर्ब ३ अर्ब ६९ करोड रुपैयाँ बचतमा पुगेको छ । सरकारी वित्ततर्फ समीक्षा अवधिमा सरकारले ३ खर्ब ९६ अर्ब २७ करोड रुपैयाँ खर्च गरेको छ । यसैगरी, सरकारको राजस्व परिचालन २ खर्ब २९ अर्ब ६१ करोड रुपैयाँ रहेको छ । राष्ट्र बैंकका अनुसार पहिलो तीन महिनामा विस्तृत मुद्राप्रदाय ४.४ प्रतिशतले विस्तार भएको छ । बैंक तथा वित्तीय संस्थामा रहेको निक्षेप २.५ प्रतिशतले बढेको छ भने निजी क्षेत्रमा प्रवाहित कर्जा ३.१ प्रतिशतले वृद्धि भएको छ । वित्तीय बजारमा बैंक तथा वित्तीय संस्थाबीचको औसत अन्तरबैंक ब्याजदर २.७५ प्रतिशत कायम भएको छ । ९१ दिने ट्रेजरी बिलको औसत ब्याजदर १.०१ प्रतिशत रहेको छ । त्यस्तै, वाणिज्य बैंकहरूको निक्षेपको भारित औसत ब्याजदर ३.०७ प्रतिशत र कर्जाको भारित औसत ब्याजदर ६.३१ प्रतिशत रहेको राष्ट्र बैंकको प्रतिवेदनमा उल्लेख छ ।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
भारतमा 'अक्वान' आँधीको आतंक, ओडिसामा धमाधम सुरक्षित स्थानमा सारिँदै मानिस
Latest NewsJust now

भारतमा 'अक्वान' आँधीको आतंक, ओडिसामा धमाधम सुरक्षित स्थानमा सारिँदै मानिस

बंगालको खाडीमा बनेको चक्रवात 'अक्वान' लगातार उत्तरपश्चिमतिर अघि बढिरहेको छ। भारतको मौसम विभागले 'अक्वान' चक्रवात तीव्र आँधीमा परिणत भएको बताएको छ। भारतीय मौसम विभागका अनुसार चक्रवाती आँधी 'अक्वान' पछिल्लो ६ घण्टामा १३ किलोमिटर प्रतिघण्टाको गतिमा उत्तरतिर अघि बढिरहेको छ। शुक्रबार दिउँसोसम्ममा यसले गोपालपुरनजिक... ...

नेपालखबर
दिल्लीमा पर्यटन प्रवर्द्धन गर्न ‘नेपाल कलिङ’ कार्यक्रम
Latest NewsJust now

दिल्लीमा पर्यटन प्रवर्द्धन गर्न ‘नेपाल कलिङ’ कार्यक्रम

नयाँ दिल्लीमा बुधबार आयोजित कार्यक्रममा नेपालका संस्कृति, पर्यटन तथा नागरिक उड्डयनमन्त्री खड्गराज पौडेल, भारतका पर्यटन तथा संस्कृतिमन्त्री गजेन्द्रसिंह शेखावत र उत्तराखण्डका संस्कृति तथा पर्यटनमन्त्री सत्पाल महाराजलगायतको उपस्थिति रहेको थियो। ...

कान्तिपुर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play