काठमाडौं। तीन देशका लागि नवनियुक्त राजदूतहरूले पद तथा गोपनीयताको शपथ लिएका छन्। सोमवार राष्ट्रपति भवन शीतल निवासमा आयोजित कार्यक्रममा राष्ट्रपति रामचन्द्र पौडेलसमक्ष भारतका लागि राजदूत डा. निश्चलराज पाण्डे, चीनका लागि राजदूत डा. कल्याणराज शर्मा र इजरायलका लागि राजदूत सुरेश कर्णले शपथ लिएका हुन्। मन्त्रिपरिषद्को सिफारिसमा संसदीय सुनुवाइ समितिले नाम अनुमोदन गरेपछि राष्ट्रपति पौडेलले उनीहरूलाई राजदूत पदमा नियुक्त गरेका थिए। मन्त्रिपरिषद्ले १३ जना राजदूतको नाम सिफारिस गरेकोमा संसदीय सुनुवाइ समितिले १० जनाको नाम मात्र अनुमोदन गरेको थियो। समितिबाट नाम अनुमोदन भएपछि सरकारले सम्बन्धित देशमा राजदूतहरूको नाम अग्रिमोका लागि पठाएको थियो। अग्रिमो प्राप्त भएका तीन जना राजदूतले मात्र सोमवार पद तथा गोपनीयताको शपथ लिएका हुन्। – न्युज एजेन्सी नेपाल
तीन देशका राजदूतले लिए राष्ट्रपतिसमक्ष शपथ

Read Complete Original Article
Published originally on लुम्बिनी सञ्चार





