काठमाडौं । राजनीतिक बहसका क्रममा दुई अतिथि विश्लेषकबीच भनाभन हुँदै हात हालाहाल भएको भिडियो आर्मेनियाको सार्वजनिक टेलिभिजनले जस्ताको तस्तै प्रसारण गरेपछि विवाद निम्त्याएको छ । नोभेम्बर १३ मा आर्मेनियाको सार्वजनिक टेलिभिजन च्यानल १ टिभीको ‘द ग्रेट डिबेट’ कार्यक्रम रेकर्ड गर्ने क्रममा राजनीतिक विश्लेषक हरुत्युन मक्र्तच्यान र पत्रकार बोरिस मुराजीबीच विवाद सुरु भएको थियो । कार्यक्रममा विपक्षी दलहरूको राजनीतिक गतिविधि र गठबन्धनबारे छलफल भइरहँदा दुवैले एकअर्कामाथि व्यक्तिगत आरोप र अपशब्द प्रयोग गरेका थिए । विवाद बढ्दै जाँदा मुराजीले टेबलबाट उठेर मक्र्तच्यानमाथि प्रहार गरेपछि दुवैबीच मुक्का हानाहान र हात हालाहाल भएको थियो । प्रस्तोतासहित कार्यक्रमका अन्य सहभागीले उनीहरूलाई छुट्याउने प्रयास गरेका थिए । नोभेम्बर १५ मा प्रसारण गरिएको उक्त कार्यक्रममा टेलिभिजनले गालीगलौज र कुटाकुटको दृश्यसमेत हटाएन । प्रस्तोता तातेभ डानिल्यानले घटनालाई एकअर्काप्रति मात्र नभई दर्शकप्रतिको अपमानको संज्ञा दिइन् । तर, आर्मेनियाको टेलिभिजन तथा रेडियो आयोगले हिंसा र अपशब्दलाई सम्पादन नगरी प्रसारण गर्ने निर्णयको आलोचना गरेको छ ।
टेलिभिजन बहसमै पत्रकार र राजनीतिक विश्लेषकबीच कुटाकुट

Read Complete Original Article
Published originally on केन्द्रबिन्दु






