काठमाडौं । नेपाल प्रिमियर लिग (एनपीएल) सिजन–३ अन्तर्गत आज हुने क्वालिफायर–२ खेलमा चितवन राइनोजले टस जितेर पहिले ब्याटिङ गर्ने निर्णय गरेको छ । फाइनल प्रवेशका लागि चितवनले सुदूरपश्चिम रोयल्ससँग प्रतिस्पर्धा गर्दैछ । खेलका लागि सुदूरपश्चिमले टोलीमा दुई परिवर्तन गरेको छ । अविनाश बोहराको स्थानमा दीपक बोहरा र थनुका दबारेको स्थानमा फेबियन एलेनलाई टोलीमा समावेश गरिएको छ । चितवनले भने अघिल्लो खेलकै टोलीलाई निरन्तरता दिएको छ । आजको खेल जित्ने टोली फाइनलमा प्रवेश गर्नेछ । सुदूरपश्चिम पहिलो क्वालिफायरमा लुम्बिनी लायन्ससँग पराजित भएको थियो भने चितवनले बुधबार भएको खेलमा काठमाडौं गोर्खाजलाई पराजित गर्दै क्वालिफायर–२ मा स्थान बनाएको थियो । आजको खेल दोस्रो नम्बरको पिचमा खेलाइँदैछ । यही पिचमा यसअघि पोखरा एभेन्जर्सले २०० रनभन्दा बढीको योगफल बनाएको थियो ।
टस जितेर सुदुरपश्चिम रोयल्स विरुद्ध पहिले ब्याटिङ गर्दै चितवन राइनोज

Read Complete Original Article
Published originally on हिमालय टाइम्स






