काठमाडौं । गायनबाट अभिनयमा प्रवेश गर्नुभएका सोनम तोप्देन अभिनीत तेस्रो चलचित्र ‘जलाकी’ यही मंसिर ४ गते (नोभेम्बर २०) देखि प्रदर्शनमा आउँदैछ । ‘सम्हालिन्छ कहिले मन’बाट चलचित्रमा डेब्यू गर्नुभएका सोनमले दोस्रो चलचित्र ‘शाम्बाला’बाट अन्तर्राष्ट्रिय स्तरमा चर्चा बटुल्नुभएको थियो । ‘जलाकी’मा सुरुमा मुख्य भूमिकाका लागि अनुबन्धित हुनुभएका सोनम सन् २०२५ जुनमा चलचित्र ‘ऐरी’को छायांकनका क्रममा देब्रे खुट्टा भाँचिएपछि फिल्मबाट बाहिरिनुभएको थियो । उहाँको स्थानमा धीरज मगर अनुबन्धित हुनुभएको थियो । स्वास्थ्यमा सुधार आएपछि निर्देशक अशोक थापामगरले उहाँलाई सहायक भूमिकाको प्रस्ताव गर्नुभएको थियो । तर, छायांकन सुरु हुनुअघि नै धीरजले अर्को चलचित्रका कारण ‘जलाकी’ छाडेपछि सोनम पुनः मुख्य भूमिकामा फर्किनुभएको हो । सोनमले चलचित्रबाट अलग हुनुपर्दा दुःखट लागेको भए पनि पुनः मुख्य भूमिकामा फर्किन पाउनुलाई भाग्यसँग जोडनुहुन्छ । उहाँका अनुसार ‘शाम्बाला’मा अभिनय मन पराइएकै कारण निर्देशकले उहाँलाई ‘जलाकी’मा प्रस्ताव गर्नुभएको थियो । मगर समुदायको संस्कृति, परम्परा र परिवेशमा आधारित ‘जलाकी’लाई सोनमले आफ्नो पहिचान नेपाली समाजसँग अझ नजिक बनाउने अवसरका रूपमा लिनुभएको छ । चलचित्रले दर्शकको मनमा गहिरो छाप छोड्ने विश्वास पनि उहाँले व्यक्त गर्नुभएको छ ।
‘जलाकी’मा मुख्य भूमिकामा सोनम

Read Complete Original Article
Published originally on हिमालय टाइम्स


.jpg)



