बर्लिन । पूर्वी जर्मनीका एक बाल रोग विशेषज्ञमाथि एक दशकभन्दा बढी समयदेखि ७० भन्दा बढी बालबालिकामाथि यौन दुर्व्यवहार गरेको आरोपमा सोमबार मुद्दा चलाइएको छ । सन् २०१३ देखि सन् २०२५ सम्म पूर्वी जर्मनीका नौएन र राथेनो शहरका क्लिनिकहरूमा काम गर्दा बालबालिकामाथि दुर्व्यवहार गरेको आरोपमा ४६ वर्षीय उक्त चिकित्सकमाथि १३० भन्दा बढी आपराधिक मुद्दा दर्ता गरिएको छ । करिब एक वर्षअघि एक बालककी आमाले शंकास्पद दुर्व्यवहारको रिपोर्ट दिएपछि ती चिकित्सकलाई पक्राउ गरिएको थियो । अभियोजकहरूका अनुसार चिकित्सकका इलेक्ट्रोनिक उपकरणहरूको खोजी गर्दा थप अपराधका दृश्य प्रमाण भेटिएका थिए । पक्राउ भएदेखि ती चिकित्सकलाई पूर्व–परीक्षण हिरासतमा लिइएको छ ।बर्लिन नजिकै पूर्वी जर्मनीको पोट्सडाम शहरमा चलाइएको यो मुद्दा डिसेम्बरसम्म चल्ने अपेक्षा गरिएको छ । रासस/एएफपी
जर्मनीमा ७० बढी बालबालिकाको यौन दुर्व्यवहारको आरोपमा चिकित्सकविरूद्ध मुद्दा
Read Complete Original Article
Published originally on केन्द्रबिन्दु
![तिहारका लागि काठमाडौं महानगरले कहाँकहाँ तोक्यो फूलमाला बिक्री गर्ने स्थान ? [सूचीसहित]](https://assets-cdn.ekantipur.com/uploads/source/news/kantipur/2026/third-party/sayapatri-03112026055359-watermarked.jpg)
