Sunday, November 22, 2026||
MultiKhabarMultiKhabar

कर्णालीमा केएमसीको निःशुल्क स्वास्थ्य शिविर, रिफर भएका बिरामीको शल्यक्रिया पनि निःशुल्क

Share:WhatsAppFacebookX (Twitter)Telegram
कर्णालीमा केएमसीको निःशुल्क स्वास्थ्य शिविर, रिफर भएका बिरामीको शल्यक्रिया पनि निःशुल्क
Photo / Coverage: केन्द्रबिन्दु

काठमाडौं । जीपी कोइराला फाउन्डेसनको आयोजना तथा काठमाडौं मेडिकल कलेज (केएमसी) को सहयोगमा कर्णाली प्रदेशका विभिन्न स्थानमा निःशुल्क स्वास्थ्य शिविर सञ्चालन हुने भएको छ । शिविरमा रोग पहिचान भई थप उपचारका लागि केएमसीमा रिफर गरिएका बिरामीको प्रत्यारोपण र ओपन हार्ट सर्जरीबाहेकका सबै प्रकारका शल्यक्रिया निःशुल्क गरिने छ । मंसिर ९ गते जाजरकोटको भेरी नगरपालिका–खलङ्गा बजार, मंसिर ११ गते डोल्पाको दुनै, मंसिर १३ गते रुकुम पश्चिमको आठबिसकोट नगरपालिका–राडी बजार र मंसिर १५ गते सल्यानको बागचौर नगरपालिकामा शिविर सञ्चालन हुनेछ। शिविरमा बिरामीको स्वास्थ्य परीक्षण, रोग पहिचान तथा चिकित्सकीय परामर्श प्रदान गरिनेछ। थप उपचार आवश्यक देखिएका बिरामीलाई काठमाडौं मेडिकल कलेजमा रिफर गरिनेछ। त्यहाँ प्रत्यारोपण तथा ओपन हार्ट सर्जरीबाहेकका सबै प्रकारका शल्यक्रिया निःशुल्क गरिने केएमसीले जनाएको छ। थप उपचार तथा शल्यक्रिया निःशुल्क भए पनि औषधिको खर्च भने बिरामी स्वयंले व्यहोर्नुपर्नेछ। स्वास्थ्य शिविरले दुर्गम क्षेत्रका नागरिकलाई विशेषज्ञ चिकित्सकबाट स्वास्थ्य परीक्षण गराउने र आवश्यक उपचार सेवा प्राप्त गर्ने अवसर प्रदान गर्नेछ। यसबाट जटिल रोग लागेका बिरामीले आर्थिक अभावकै कारण उपचारबाट वञ्चित हुनुपर्ने अवस्थासमेत कम हुनेछ। स्वास्थ्य सेवासँगै चिकित्सा शिक्षाको विस्तारमा डा. सुनील शर्माको योगदान रहँदै आएको छ। उनको स्वामित्वमा रहेका काठमाडौं मेडिकल कलेज र नोबेल मेडिकल कलेजमार्फत असहाय, आदिवासी, दलित तथा विपन्न परिवारका एक हजारभन्दा बढी विद्यार्थीले छात्रवृत्तिमा अध्ययन गर्ने अवसर पाएका छन्। छात्रवृत्तिमा अध्ययन गरेका विद्यार्थीमध्ये कतिपय चिकित्सक, ल्याब टेक्निसियन, रेडियोग्राफर तथा नर्स बनेर स्वास्थ्य क्षेत्रमा कार्यरत छन्। सीमान्तकृत सन्थाल समुदायका चिकित्सक दिनेश हास्दा र दलित समुदायका ओमप्रकाश विश्वकर्मा यसका उदाहरण हुन्। चिकित्सा शिक्षाको अवसर विस्तार गर्नुका साथै सर्वसाधारणको स्वास्थ्य सेवामा पहुँच बढाउन डा. शर्मा सक्रिय रहँदै आएका छन् । केएमसीले विभिन्न जिल्लामा सञ्चालन गर्दै आएका निःशुल्क स्वास्थ्य शिविर तथा आर्थिक रूपमा कमजोर बिरामीको थप उपचार र शल्यक्रियामा गर्दै आएको सहयोगले स्वास्थ्य सेवालाई गाउँबस्तीसम्म पुर्‍याउन योगदान दिँदै आएको छ। कर्णालीमा सञ्चालन हुन लागेको शिविर पनि यसैको निरन्तरता हो।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
टीभीएसको नयाँ अपाचे आरटीआर २००४भी यूएसडी नेपाली बजारमा सार्वजनिक
Latest NewsJust now

टीभीएसको नयाँ अपाचे आरटीआर २००४भी यूएसडी नेपाली बजारमा सार्वजनिक

काठमाडौं । टीभीएस मोटर कम्पनीको नेपालस्थित आधिकारिक साझेदार जगदम्बा मोटर्स प्रालिले नयाँ अपाचे आरटीआर २०० ४भी यूएसडी मोटरसाइकल नेपाली बजारमा सार्वजनिक गरेको छ। कम्पनीले शनिबार आयोजित ‘अपाचे ट्र्याक एक्सपेरियन्स’ (एटीई) कार्यक्रममार्फत नयाँ मोटरसाइकल सार्वजनिक गरेको हो। टीभीएस मोटर कम्पनीका एसिया क्षेत्रीय व्यवसाय योजनाकार सुगन्धा सिंह र जगदम्बा मोटर्सका प्रमुख सञ्चालन अधिकृत (सीओओ) दीपेन्द्र मिश्रले संयुक्त रूपमा मोटरसाइकलको अनावरण गरेका हुन्। नयाँ मोटरसाइकलमा ...

कर्पोरट खबर
नेपालका कवाड सामग्री भारतमा खपत, वर्षेनी करोडौंको निर्यात
Latest NewsJust now

नेपालका कवाड सामग्री भारतमा खपत, वर्षेनी करोडौंको निर्यात

काठमाडौं । नेपालमा प्रयोग भएर फालिएका तथा पुनः प्रयोग गर्न सकिने कवाड सामग्री भारतका लागि भने आम्दानीको स्रोत बन्दै गएको छ । नेपालबाट वर्षेनी करोडौं रुपैयाँ बराबरका कवाड सामग्री भारत निर्यात हुने गरेको भन्सार विभागको तथ्यांकले देखाएको छ । नेपालमा खेर गएका जस्ता, विभिन्न धातुजन्य फोहोर तथा टुक्राटाक्री भारतमा निर्यात हुँदै आएका छन् । प्रयोगपछि बेकार ठानिएका यस्ता सामग्री संकलन गरी ...

केन्द्रबिन्दु
दशौँ राष्ट्रिय खेलकुदको अन्तिम खेल तालिका र स्थान टुङ्गो लाग्यो
Latest NewsJust now

दशौँ राष्ट्रिय खेलकुदको अन्तिम खेल तालिका र स्थान टुङ्गो लाग्यो

काठमाडौँ । दशौँ राष्ट्रिय खेलकुद प्रतियोगिता २०८३ को अन्तिम खेल तालिका र आयोजना स्थल टुङ्गो लागेको छ । सार्वजनिक तालिकाअनुसार प्रतियोगिताको औपचारिक उद्घाटन यही मङ्सिर १६ गते हुने भए पनि... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play