Wednesday, November 18, 2026||
MultiKhabarMultiKhabar

एमालेको राष्ट्रिय भेला संकल्प र प्रतिबद्धताको भेला हो : अध्यक्ष केपी ओली

Share:WhatsAppFacebookX (Twitter)Telegram
एमालेको राष्ट्रिय भेला संकल्प र प्रतिबद्धताको भेला हो : अध्यक्ष केपी ओली
Photo / Coverage: जनताटाइम्स

काठमाडौँ, मंसिर २ । नेकपा एमालेका अध्यक्ष केपी शर्मा ओलीले पार्टीको राष्ट्रिय भेला संकल्प र प्रतिबद्धताको भेला भएको बताउनुभएको छ। आज (बुधबार) देखि काठमाडौँमा सुरु भएको पार्टीको राष्ट्रिय भेलालाई सम्बोधन गर्दै अध्यक्ष ओलीले ‘समृद्ध नेपाल, सुखी नेपाली’ को राष्ट्रिय आकांक्षा एमालेले नत्यागेको स्पष्ट पार्नुभयो। उहाँले सबै नेपाली सुखी हुनुपर्ने र नेपाल समृद्ध बन्नुपर्ने बताउँदै अहिले रोकिएको समृद्धिको यात्रालाई पुनः अगाडि बढाउनुपर्ने धारणा राख्नुभयो। अध्यक्ष ओलीले मुलुकमा अहिले आतंकको अवस्था सिर्जना गरिएको आरोप लगाउँदै प्रहरी नेतृत्व र सरकारका जिम्मेवार व्यक्तिहरूबाट आफूहरूलाई थुनिदिने जस्ता अभिव्यक्ति आइरहेको भन्दै आपत्ति जनाउनुभयो। प्रहरी महानिरीक्षकले आफूलाई र नेपाली कांग्रेसका सभापति शेरबहादुर देउवालाई थुनिदिने अभिव्यक्ति दिएको प्रसंग उल्लेख गर्दै उहाँले यस्ता अभिव्यक्तिले राजनीतिक नेतृत्व र लोकतान्त्रिक अभ्यासको अपमान गरेको टिप्पणी गर्नुभयो। ‘हामी जेलनेल भोगेर आएका हौँ। यिनीहरू जन्मनुभन्दा अघिदेखि संघर्ष गरेर आएका हौँ। छ महिनाका लागि जागिर खाने एउटा सिपाहीँले हामीमाथि मजाक गर्ने ?’ उहाँले प्रश्न गर्नुभयो। गृहमन्त्रीले फाइल खोल्दै गरेको र थुनिदिने अभिव्यक्ति दिएको प्रसंगमा अध्यक्ष ओलीले चुनौतीपूर्ण शैलीमा भन्नुभयो, ‘हुति भए थुन्नु नि, गल्ती गरेको भए ऊ पनि थुनिएला नि।’ उहाँले यस्ता अभिव्यक्ति र गतिविधिबाट नेकपा एमाले नडराउने स्पष्ट पार्दै पार्टीलाई कमजोर बनाउने प्रयास सफल नहुने दाबी गर्नुभयो। अध्यक्ष ओलीले सामाजिक सञ्जालमा आफूहरूमाथि टिप्पणी र मजाक गर्नेहरूलाई केही दिनमै एमालेको राजनीतिक सामर्थ्य देखिने बताउनुभयो। ‘नेकपा एमाले यो देशको भविष्य हो। यो देशको विकास गर्ने नेकपा एमाले हो,’ उहाँले भन्नुभयो। एमालेविनाको देश बनाउने र केपी ओलीविनाको एमाले निर्माण गर्ने सपना केहीले देखेको उल्लेख गर्दै उहाँले त्यस्ता प्रयास सफल नहुने जिकिर गर्नुभयो। पार्टीभित्र छलफल, बहस र सामूहिक निर्णयमार्फत एकताबद्ध भएर अगाडि बढ्ने उहाँको भनाइ थियो। राष्ट्रिय भेलाको उद्देश्य पार्टीलाई थप एकताबद्ध बनाउँदै आगामी राजनीतिक तथा निर्वाचनका चुनौती सामना गर्ने रहेको अध्यक्ष ओलीले बताउनुभयो। उहाँले आगामी निर्वाचनहरूको महत्व पार्टीले बुझेको उल्लेख गर्दै यो भेला अठोट र संकल्पको भेला भएको दोहोर्‍याउनुभयो। आगामी स्थानीय तहको निर्वाचनमा एमालेले जित हासिल गर्ने दाबी गर्दै अध्यक्ष ओलीले सशक्त संगठनसहित निर्वाचनमा सहभागी हुने बताउनुभयो। अन्य राजनीतिक शक्तिहरूको संगठनात्मक अवस्थामाथि टिप्पणी गर्दै उहाँले एमालेसँग प्रतिस्पर्धा गर्न आउनेहरू क्लब बनाएर चुनावमा आउन लागेको टिप्पणीसमेत गर्नुभयो। पार्टीको राष्ट्रिय भेलाले आगामी राजनीतिक कार्यदिशा, संगठनात्मक एकता र निर्वाचनको तयारीलाई केन्द्रमा राखेर छलफल गर्ने अपेक्षा गरिएको छ।

Share:WhatsAppFacebookX (Twitter)Telegram

Read Complete Original Article

Published originally on जनताटाइम्स

Visit Publisher Site →

Related News

🇳🇵 Nepal
महासचिव पोखरेलले औंल्याए एमालेभित्रका १४ गम्भीर समस्या : जनतासँग कमजोर सम्बन्धदेखि गुटबन्दीसम्म चुनौती
PoliticsJust now

महासचिव पोखरेलले औंल्याए एमालेभित्रका १४ गम्भीर समस्या : जनतासँग कमजोर सम्बन्धदेखि गुटबन्दीसम्म चुनौती

काठमाडौं, मंसिर २ । नेकपा (एमाले) का महासचिव शंकर पोखरेलले पार्टीको संगठनात्मक जीवनमा देखिएका १४ वटा गम्भीर समस्या औंल्याउँदै तिनको समाधानका लागि सुझावसहितको कार्यपत्र प्रस्तुत गर्नुभएको छ। एमालेको राष्ट्रिय भेलाको बन्दसत्रमा आज प्रस्तुत कार्यपत्रमा पार्टीको संगठनात्मक संरचना, नेतृत्व प्रणाली, कार्यकर्ता व्यवस्थापन, युवा पुस्तासँगको सम्बन्ध, आन्तरिक लोकतन्त्र, गुटबन्दी, अनुशासन र जनतासँगको सम्बन्धलगायत विषयमा गम्भीर समीक्षा गरिएको छ। महासचिव पोखरेलले पार्टीको संगठनात्मक संरचना व्यापक ...

जनताटाइम्स
द्रुतमार्ग सडक आयोजना अन्तरगत महादेबटार सुरुङको ब्रेक-थ्रू
PoliticsJust now

द्रुतमार्ग सडक आयोजना अन्तरगत महादेबटार सुरुङको ब्रेक-थ्रू

नेपाली सेनाको व्यवस्थापनमा निर्माणाधीन राष्ट्रिय गौरवको काठमाडौं-तराई/मधेस द्रुतमार्ग सडक आयोजना अन्तर्गत रहेको मकवानपुरको भीमफेदी र बकैया गाउँपालिकामा निर्माणाधीन महादेवटार सुरुङको जोडी सुरुङ (Twin Tube Tunnel) मध्ये सबैभन्दा लामो ३ हजार ४२२ मिटर लम्बाइ रहेको निजगढबाट काठमाडौंतर्फ आउने सुरुङ बुधबार राष्ट्रपति रामचन्द्र पौडेलको पस्थितिमा ब्रेक थ्रू गरिएको छ ।  कार्यक्रममा भौतिक पूर्वाधार मन्त्री सुनिल लम्साल, प्रधान सेनापति अशोक राज सिग्देल, रक्षा सचिवलगायत ...

फरकधार
ओली कार्यशैलीप्रति महासचिव पोखरेलको गम्भीर असन्तुष्टि, शक्ति केन्द्रीकरणको कडा आलोचना
PoliticsJust now

ओली कार्यशैलीप्रति महासचिव पोखरेलको गम्भीर असन्तुष्टि, शक्ति केन्द्रीकरणको कडा आलोचना

काठमाण्डु- नेकपा (एमाले) का महासचिव शंकर पोखरेलले पार्टीभित्र नेतृत्वको कार्यशैली, शक्ति केन्द्रीकरण, अवसर वितरण र आन्तरिक लोकतन्त्रको अवस्थामाथि गम्भीर प्रश्न उठाएका छन् । पार्टीको बुधबारदेखि काठमाण्डुमा सुरू राष्ट्रिय भेलामा प्रस्तुत गरेको ‘शुद्धीकरण, सुदृढीकरण र स्थानीय निर्वाचनको तयारी’सम्बन्धी राजनीतिक तथा संगठनात्मक दस्तावेजमा पोखरेलले पार्टीभित्र मौलाउँदै गएको नेतृत्वकेन्द्रित प्रवृत्ति, सामूहिक निर्णय प्रक्रियाको कमजोरी र आलोचना गर्न नसक्ने […] ...

काठमाण्डुपाटी
ओली भन्छन्- हामीलाई थुन्ने धम्की दिनु गैरजिम्मेवारपूर्ण, चुनाव लड्ने क्लब बनाएर पार्टी बन्दैन
PoliticsJust now

ओली भन्छन्- हामीलाई थुन्ने धम्की दिनु गैरजिम्मेवारपूर्ण, चुनाव लड्ने क्लब बनाएर पार्टी बन्दैन

प्रहरी प्रशासन र गृहमन्त्रीबाट आफूहरूलाई पक्राउ गर्ने धम्कीपूर्ण अभिव्यक्ति आएको भन्दै तीव्र आक्रोश व्यक्त गरेका छन्। ...

हाम्राकुरा
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play