काठमाडौं । नेपाल प्रिमियर लिग (एनपीएल) क्रिकेटको तेस्रो संस्करणमा फाइनल प्रवेशका लागि आज लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ । कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने पहिलो क्वालिफायर खेल दिउँसो साढे ४ बजे सुरु हुनेछ । दुवै टोली जित निकाल्दै फाइनलमा स्थान सुरक्षित गर्ने लक्ष्यसहित मैदान उत्रनेछन् । लिग चरणमा उत्कृष्ट प्रदर्शन गर्दै शीर्ष दुई स्थानमा रहेका यी टोलीका लागि आजको खेल फाइनल पुग्ने पहिलो अवसर हो । पहिलो क्वालिफायरको विजेता टोलीले सिधै फाइनलमा स्थान बनाउनेछ । पराजित हुने टोलीले भने फाइनल प्रवेशका लागि दोस्रो क्वालिफायर खेल्ने अर्को अवसर पाउनेछ । लिग चरणको प्रदर्शनलाई हेर्दा लुम्बिनी लायन्स र सुदूरपश्चिम रोयल्सबीच कडा प्रतिस्पर्धा हुने देखिन्छ । दुवै टोलीले समान पाँच खेलमा जित निकालेका छन् । तर, सुदूरपश्चिमले लिग चरणमा दुई खेलमा हार बेहोरेको थियो । लुम्बिनीले लिग चरणमा आफ्नो प्रदर्शनलाई निरन्तरता दिँदै शीर्ष स्थान हासिल गरेको हो । अर्कोतर्फ सुदूरपश्चिम पनि बलियो टोलीका रूपमा देखिएको छ । आजको खेलमा जित निकाल्ने टोलीले उपाधिका लागि हुने फाइनलमा स्थान सुरक्षित गर्नेछ । त्यसैले दुवै टोलीका लागि यो खेल फाइनल पुग्ने मात्र नभई उपाधि यात्रामा एक कदम अघि बढ्ने अवसरसमेत हुनेछ ।
एनपीएलकाे फाइनल प्रवेशका लागि लुम्बिनी र सुदूरपश्चिम भिड्दै

Read Complete Original Article
Published originally on हिमालय टाइम्स






