Tuesday, November 17, 2026||
MultiKhabarMultiKhabar

९०औँ वार्षिकोत्सवमा नेपाल बैंकले ल्यायो फोन लोन र बीएनपीएल क्रेडिट कार्ड

Share:WhatsAppFacebookX (Twitter)Telegram
९०औँ वार्षिकोत्सवमा नेपाल बैंकले ल्यायो फोन लोन र बीएनपीएल क्रेडिट कार्ड
Photo / Coverage: केन्द्रबिन्दु

काठमाडौं । नेपालको पहिलो बैंक नेपाल बैंक लिमिटेडले आफ्नो ९०औँ वार्षिकोत्सव भव्य रूपमा मनाएको छ । बैंकको प्रधान कार्यालय धर्मपथमा सोमबार आयोजित समारोहमा अर्थमन्त्री डा. स्वर्णिम वाग्लेको प्रमुख आतिथ्य तथा नेपाल राष्ट्र बैंकका डेपुटी गभर्नर दीर्घबहादुर रावलको विशेष आतिथ्य रहेको थियो । वि.सं. १९९४ कात्तिक ३० गते स्थापना भएको नेपाल बैंकले ८९ वर्ष पूरा गरी ९०औँ वर्षमा प्रवेश गरेको अवसरमा वार्षिकोत्सव समारोह आयोजना गरेको हो । बैंक सञ्चालक समितिका सदस्य बद्री खनालको अध्यक्षतामा सम्पन्न कार्यक्रममा बैंकका प्रमुख कार्यकारी अधिकृत तिलकराज पाण्डेयले उपस्थित अतिथिहरूलाई स्वागत गरेका थिए । वार्षिकोत्सवको अवसरमा अर्थमन्त्री वाग्लेले बैंकका तीन नयाँ डिजिटल सेवा शुभारम्भ गरेका छन् । उनले डिजिटल कर्जा सेवा ‘फोन लोन’, ‘बाइ नाउ पे लेटर’ (बीएनपीएल) क्रेडिट कार्ड तथा अनलाइन लोन एप्लिकेसन पोर्टल सार्वजनिक गरेका हुन् । सो अवसरमा अर्थमन्त्री वाग्लेले कृषि, जलविद्युत्, पर्यटन, सूचना प्रविधि, निर्यातमूलक उद्योग तथा साना र मझौला उद्योगमा कर्जा लगानी विस्तार गर्न बैंकलाई आग्रह गरे । उत्पादन र उद्यमशीलता प्रवर्द्धनमा नेतृत्वदायी भूमिका निर्वाह गर्नुपर्नेमा जोड दिँदै उनले संस्थागत सुशासन, वित्तीय अनुशासन र व्यावसायिक कार्यसम्पादनमा उच्च मापदण्ड कायम गर्न निर्देशन दिए । त्यस्तै, डिजिटल रूपान्तरण र वित्तीय समावेशीकरणलाई प्राथमिकता दिन, डिजिटल बैंकिङ, साइबर सुरक्षा तथा तथ्यांक संरक्षणमा विशेष ध्यान दिन उनले सुझाव दिए । ग्रामीण तथा दुर्गम क्षेत्रका नागरिक, महिला उद्यमी, साना व्यवसायी र वैदेशिक रोजगारीमा रहेका नेपालीलाई औपचारिक वित्तीय प्रणालीमा जोड्न पनि बैंकले थप पहल गर्नुपर्ने उनको भनाइ थियो । बैंकका अनुसार हाल देशभर २३० शाखा, २५० एटीएम र ५७ एक्सटेन्सन काउन्टरमार्फत २९ लाखभन्दा बढी ग्राहकलाई वित्तीय सेवा प्रदान गरिरहेको छ । बैंकका करिब १६ लाख ग्राहक डिजिटल बैंकिङ सेवाबाट लाभान्वित भएका छन् । प्रविधिमैत्री बैंकिङ सेवाको विस्तारसँगै छिटोछरितो, गुणस्तरीय र प्रभावकारी ग्राहक सेवा प्रदान गर्दै आएको बैंकले युवा तथा दक्ष जनशक्तिमार्फत सेवा प्रवाहलाई थप व्यवस्थित बनाउने लक्ष्य राखेको जनाएको छ । वार्षिकोत्सवका अवसरमा बैंकमा २५ वर्ष निरन्तर सेवा गरेका तीन जना र २० वर्ष सेवा गरेका १० जना कर्मचारीलाई दीर्घसेवा पदक तथा प्रशंसापत्र प्रदान गरिएको थियो । त्यस्तै, प्रादेशिक तथा भौगोलिक वर्गीकरणका आधारमा उत्कृष्ट उपलब्धि हासिल गर्ने १२ शाखालाई पुरस्कृत गरिएको थियो । प्राकृतिक विपत्तिका प्रतिकूल अवस्थामा समेत बैंकिङ सेवा निरन्तर सञ्चालन गरेका त्रिशूली र धुन्चे शाखालाई सम्मान गरिएको थियो । यसैगरी, स्याफ्रुबेंसी एक्सटेन्सन काउन्टर (धुन्चे शाखा) मा कठिन परिस्थितिमा समेत बैंकको सम्पत्ति साहसपूर्वक संरक्षण गर्ने कर्मचारी तथा सुरक्षाकर्मीलाई कदरपत्र प्रदान गरिएको बैंकले जनाएको छ । कार्यक्रमको समापन गर्दै अध्यक्ष बद्री खनालले कर्मचारीलाई आगामी दिनमा उच्च मनोबल, जिम्मेवारी र इमानदारीका साथ कार्यक्षेत्रमा खटिन प्रेरित गरेका थिए ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
एनभिडियाका सीईओको राजीनामाले चिनियाँ प्रविधि कम्पनीको व्यवसायमा असर नपरेको दाबी
Latest NewsJust now

एनभिडियाका सीईओको राजीनामाले चिनियाँ प्रविधि कम्पनीको व्यवसायमा असर नपरेको दाबी

काठमाडौँ । चिनियाँ प्रविधि कम्पनीहरूले अमेरिकी चिप निर्माता एनभिडियाका प्रमुख कार्यकारी अधिकृत (सीईओ) जेन्सेन ह्वाङको राजीनामाले आफ्नो व्यवसायमा कुनै असर नपारेको बताएका छन् । उनीहरूले नियमित अर्डर, स्थापित खरिद प्रक्रिया र... ...

रातोपाटी
अर्घाखाँचीमा पहिलोपटक देखियो नेपालमा मात्र पाइने दुर्लभ चरा ‘काँडे भ्याकुर’
Latest NewsJust now

अर्घाखाँचीमा पहिलोपटक देखियो नेपालमा मात्र पाइने दुर्लभ चरा ‘काँडे भ्याकुर’

अर्घाखाँची, मङ्सिर १ गते । नेपालमा मात्र पाइने दुर्लभ चरा ‘काँडे भ्याकुर’ अर्घाखाँचीको शितगङ्गा नगरपालिकास्थित ठाडादह क्षेत्रमा पहिलोपटक अभिलेख गरिएको छ । जिल्लाको दक्षिणी क्षेत्रम... ...

गोरखापत्र
अमेरिकी चिप प्रतिबन्धको सामना गर्न चीनले आफ्नै प्रविधि विकास गर्दै
Latest NewsJust now

अमेरिकी चिप प्रतिबन्धको सामना गर्न चीनले आफ्नै प्रविधि विकास गर्दै

बेइजिङ । चीनले अमेरिकी एआई कम्पनीका अत्याधुनिक मोडलबाट प्राप्त जवाफ र तथ्याङ्क प्रयोग गरेर आफ्नै प्रतिस्पर्धी एआई प्रणाली विकास गर्ने प्रक्रिया अघि बढाएको छ । अमेरिकी चिप निर्यात प्रतिबन्धका कारण अत्याधुनिक... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play