काठमाडौं । सिद्धार्थ बैंक नेपाल प्रिमियर लिग (एनपीएल) अन्तर्गत चितवन राइनोजले दिएको २०५ रनको विशाल लक्ष्य पछ्याइरहेको काठमाण्डु गोर्खाजले ६.४ ओभरको समाप्तिमा २ विकेट गुमाएर ४३ रन बनाएको छ। काठमाण्डुलाई जितका लागि अब बाँकी ८० बलमा १६२ रनको आवश्यकता छ। हाल क्रिजमा विलियम बोसिस्टो १६ बलमा २ चौका र २ छक्कासहित २४ रन बनाएर तथा राशिद खान ८ बलमा १ चौकासहित ६ रन बनाएर अविजित खेलिरहेका छन्। ओपनर साहिल पटेल ६ बलमा २ रन र साम हेजलेट १० बलमा ३ रन बनाएर आउट भए। दुवै विकेट चितवनका बलर रिजन ढकालले लिएका हुन्। रिजनले २ ओभर बलिङ गर्दै मात्र ६ रन खर्चेर २ विकेट हात पारेका छन्। यसअघि पहिले ब्याटिङ गरेको चितवन राइनोजले निर्धारित २० ओभरमा २०४ रन बनाउँदै काठमाण्डुलाई २०५ रनको लक्ष्य दिएको थियो। चितवनका लागि कामिल मिश्राले ५३ बलमा ४ चौका र ८ छक्काको मद्दतले शानदार शतक प्रहार गरे भने रवि बोपाराले ४१ बलमा ३ चौका र २ छक्कासहित अर्धशतक पूरा गरे।
४३ रन बनाउँदा काठमाडौंको २ विकेट पतन

Read Complete Original Article
Published originally on केन्द्रबिन्दु






