Thursday, November 19, 2026||
MultiKhabarMultiKhabar

स्थानीय तहको निर्वाचन गैरदलीय बनाउन माग गर्दै निर्वाचन आयोगमा ज्ञापनपत्र

Share:WhatsAppFacebookX (Twitter)Telegram
स्थानीय तहको निर्वाचन गैरदलीय बनाउन माग गर्दै निर्वाचन आयोगमा ज्ञापनपत्र
Photo / Coverage: हिमालय टाइम्स

काठमाडौं । गैरदलीय स्थानीय सरकार निर्माण अभियानले आगामी स्थानीय तहको निर्वाचन दलीय आधारमा नभई गैरदलीय र स्वतन्त्र रूपमा गराउन माग गर्दै निर्वाचन आयोगमा ज्ञापनपत्र बुझाएको छ । अभियानका प्रतिनिधिहरूले बिहीबार प्रमुख निर्वाचन आयुक्त मानबहादुर कार्कीसमक्ष ज्ञापनपत्र बुझाउँदै स्थानीय तहको निर्वाचन स्वतन्त्र र गैरदलीय प्रणालीबाट हुनुपर्ने माग गरेका हुन् । ज्ञापनपत्र बुझ्दै प्रमुख निर्वाचन आयुक्त कार्कीले अभियानले संविधान, कानुन, निर्वाचन प्रणाली र अभ्यासलाई आधार बनाएर विषय उठाएको भन्दै यसबारे आयोगले अध्ययन तथा छलफल गर्ने बताउनुभयो । उहाँले अभियानले उठाएका विषयमा आयोगले आवश्यक अध्ययन गर्ने र उपयुक्त निष्कर्षमा पुग्न छलफल अघि बढाउने बताउनुभयो । ‘तपाईंहरूले संविधान, कानुन, हाम्रो व्यवस्था र अभ्यास सबै हेरेर यहाँ विषय उठाउनुभएको छ । हामी पनि हेर्छौं, बुझ्छौं र अध्ययन गर्छौं,’ उहाँले भन्नुभयो, ‘विषय उठान भएपछि के गर्दा उपयुक्त हुन्छ भन्नेबारे अघि बढ्नुपर्छ । हामीलाई बल्ल यस विषयमा जानकारी भएको छ । आगामी दिनमा छलफल गर्छौं । आवश्यक परे तपाईंहरूलाई फेरि बोलाउँछौं ।’ गैरदलीय स्थानीय सरकार निर्माण अभियानका संयोजक दिनेश सुवेदीले नेपालको संविधानले स्थानीय तहको निर्वाचन दलीय आधारमा हुनुपर्ने परिकल्पना नगरेको दाबी गर्नुभयो । उहाँले केही ऐन तथा कानुनी व्यवस्थाका कारण स्थानीय तहको निर्वाचन दलीय आधारमा हुँदै आएको उल्लेख गर्दै ती कानुन संशोधन गरेर गैरदलीय निर्वाचन प्रणाली लागू गर्नुपर्ने बताउनुभयो । संविधानको मर्म र मान्यताअनुसार स्थानीय तहको निर्वाचन स्वतन्त्र तथा गैरदलीय हुनुपर्ने अभियानको माग रहेको उहाँले स्पष्ट पार्नुभयो । ‘गैरदलीय स्थानीय सरकार नेपाली जनताको अधिकारसँग जोडिएको विषय हो । हामीसँग यस अभियानमा थुप्रै साथीहरू पनि हुनुहुन्छ । देशमा छिट्टै स्थानीय निर्वाचन हुँदैछ । स्थानीय चुनाव गैरदलीय र स्वतन्त्र हुनुपर्छ भन्ने मान्यता अधिकांश नेपाली जनताको माग हो,’ उहाँले भन्नुभयो । उहाँले संविधानले स्थानीय तहको निर्वाचन दलीय आधारमा गर्ने व्यवस्था नगरेको दाबी गर्दै केही ऐन तथा कानुनी व्यवस्थामार्फत यस्तो निर्वाचन प्रणाली लागू गरिएको बताउनुभयो । ‘केही ऐन तथा कानुनको व्यवस्था गरेर नेपालमा दलीय आधारमा निर्वाचन हुँदै आएको छ । ती कानुन संशोधन गर्न पनि सकिन्छ । त्यसैले कानुन संशोधन गरेर अब गैरदलीय स्थानीय तहको निर्वाचन प्रणाली लागू गर्नुपर्छ भन्ने मागसहित हामीले प्रमुख निर्वाचन आयुक्तसमक्ष ज्ञापनपत्र बुझाएका हौँ,’ उहाँले भन्नुभयो ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
१० करोड लगानीमा बागलुङमा खुल्यो सुविधा सम्पन्न होटल ‘आँगन’
Latest NewsJust now

१० करोड लगानीमा बागलुङमा खुल्यो सुविधा सम्पन्न होटल ‘आँगन’

बागलुङ । बागलुङ नगरपालिका–२ मा करिब १० करोड रुपैयाँको लगानीमा सुविधा सम्पन्न होटल ‘आँगन’ सञ्चालनमा आएको छ । उद्यमी दुर्गा कुँवरको लगानीमा निर्माण भएको होटलको उद्घाटन होटल व्यवसायी महासंघ नेपालका अध्यक्ष... ...

रातोपाटी
एमालेमा पार्टीलाई जानकारी नदिई विदेश गए स्पष्टीकरण सोधिने
Latest NewsJust now

एमालेमा पार्टीलाई जानकारी नदिई विदेश गए स्पष्टीकरण सोधिने

काठमाडौँ । नेकपा एमालेका अध्यक्ष केपी शर्मा ओलीले पार्टीका कुनै पनि नेताहरू विदेश भ्रमणमा जाँदा पार्टीलाई अनिवार्य जानकारी दिनुपर्ने बताएका छन् । दुई दिने राष्ट्रिय भेलाको बिहीबार समापन गर्दै अध्यक्ष... ...

रातोपाटी
अनुमतिपत्र नवीकरण नगर्ने २० र बक्यौता नतिर्ने ९ इन्टरनेट सेवा प्रदायकलाई १५ दिनको समय
Latest NewsJust now

अनुमतिपत्र नवीकरण नगर्ने २० र बक्यौता नतिर्ने ९ इन्टरनेट सेवा प्रदायकलाई १५ दिनको समय

काठमाडौँ । नेपाल दूरसञ्चार प्राधिकरणले अनुमतिपत्र नवीकरण नगरेका २० र लामो समयदेखि बक्यौता रकम नतिरेका नौ इन्टरनेट सेवा प्रदायकलाई १५ दिनभित्र आवश्यक प्रक्रिया पूरा गर्न निर्देशन दिएको छ । प्राधिकरणले तोकिएको... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play