Thursday, November 19, 2026||
MultiKhabarMultiKhabar

विपद्को पूर्वसूचना दिने ‘सेल ब्रोडकास्टिङ’ प्रणाली परीक्षण गरिँदै

Share:WhatsAppFacebookX (Twitter)Telegram
विपद्को पूर्वसूचना दिने ‘सेल ब्रोडकास्टिङ’ प्रणाली परीक्षण गरिँदै
Photo / Coverage: केन्द्रबिन्दु

काठमाडौं । विपद्का समयमा नागरिकलाई मोबाइल फोनमार्फत तत्काल पूर्वसूचना उपलब्ध गराउने उद्देश्यले `सेल ब्रोडकास्टिङ प्रणाली´ (सीबीएस) को परीक्षण गरिने भएको छ । सूचना तथा सञ्चार मन्त्रालय, गृह मन्त्रालय, नेपाल दूरसञ्चार प्राधिकरण, राष्ट्रिय विपद् जोखिम न्यूनीकरण तथा व्यवस्थापन प्राधिकरण र नेपाल टेलिकमको समन्वयमा भोलि मङ्सिर ४ गते काठमाडौँको बलम्बु क्षेत्रमा उक्त प्रणालीको सीमित प्राविधिक परीक्षण गर्न लागिएको दूरसञ्चार प्राधिकरणका प्रवक्ता मिनप्रसाद अर्यालले जानकारी दिनुभयो । परीक्षणका क्रममा तोकिएको क्षेत्रमा रहेका परीक्षण उपकरणहरूमा मोबाइल नेटवर्कमार्फत पूर्वसूचना सन्देश पठाइनेछ । उक्त सन्देश परीक्षणका लागि तोकिएका मोबाइल उपकरणमा मात्र प्राप्त हुने जनाइएको छ । यस परीक्षणको मुख्य उद्देश्य विपद्का समयमा मोबाइल फोनमार्फत पूर्वसूचना सन्देश प्रवाह गर्ने प्रणालीको प्राविधिक कार्यक्षमता तथा सन्देश प्राप्त हुने अवस्थाको परीक्षण गर्नु रहेको छ । सेल ब्रोडकास्टिङ प्रणाली निश्चित भौगोलिक क्षेत्रभित्र रहेका मोबाइल फोनमा एकैपटक आपत्कालीन सूचना तथा चेतावनी सन्देश पठाउन सकिने प्रविधि हो । यस प्रणालीमार्फत सिमकार्ड वा इन्टरनेट सेवा नभए पनि मोबाइल नेटवर्कको पहुँचमा रहेका उपकरणमा सन्देश प्राप्त हुन सक्छ । सामान्य म्यासेज भन्दा फरक यस प्रविधिले नेटवर्कमा अत्यधिक चाप भएका अवस्थामा समेत छोटो समयमा धेरै मोबाइल उपकरणमा सूचना पुर्‍याउन सक्छ । साथै, विपद्को जोखिम रहेको निश्चित क्षेत्रमा मात्र सन्देश पठाउन सकिने भएकाले आवश्यकताअनुसार लक्षित समुदायलाई सचेत गराउन सकिनेछ । प्रारम्भिक परीक्षण सफल भएमा उक्त प्रणालीलाई चरणबद्ध रूपमा विस्तार गर्दै विपदको उच्च जोखिम रहेका क्षेत्रहरूमा कार्यान्वयन गर्ने योजना रहेको छ ।यस प्रणालीको कार्यान्वयनले बाढी, पहिरोलगायत प्राकृतिक विपद्को जोखिम रहेका क्षेत्रका नागरिकलाई समयमै सचेत गराउन तथा सम्भावित जोखिमबाट जोगिन आवश्यक पूर्वतयारी र सुरक्षात्मक उपाय अपनाउन सहयोग पुग्ने अपेक्षा गरिएको छ । नेपालमा विपद् पूर्वसूचना प्रणालीलाई थप प्रभावकारी बनाउने तथा दूरसञ्चार प्रविधिको उपयोगमार्फत नागरिकको सुरक्षा सुनिश्चित गर्ने दिशामा यो परीक्षणलाई महत्त्वपूर्ण कदमका रूपमा लिइएको छ ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
आफू रास्वपा प्रवेश गरेको भन्दै गरिएको भ्रामक प्रचारप्रति झलनाथ खनालको आपत्ति
Latest NewsJust now

आफू रास्वपा प्रवेश गरेको भन्दै गरिएको भ्रामक प्रचारप्रति झलनाथ खनालको आपत्ति

• पूर्वप्रधानमन्त्री झलनाथ खनालले आफू रास्वपा प्रवेश गरेको खबरलाई भ्रामक र प्रपोगन्डा भन्दै अस्वीकार गरेका छन्। • उनले सामाजिक सञ्जालमा फैलाइएका तस्बिरहरू एआई प्रयोग गरेर बनाइएको र आफ्नो राजनीतिक छविमा भ्रम फैलाउने उद्देश्यले गरिएको आरोप लगाए। • खनालले सरकारलाई डिजिटल प्रविधिको अनियन्त्रित प्रयोग र साइबर अपराध नियन्त्रण गर्न आग्रह गर्दै यसमा गम्भीरता अपनाउन भनेका छन्। ...

नेपालबहस
लुम्बिनीमा जग्गा वर्गीकरणमा ढिलाइ हुदाँ नागरिकलाई सास्ती
Latest NewsJust now

लुम्बिनीमा जग्गा वर्गीकरणमा ढिलाइ हुदाँ नागरिकलाई सास्ती

• रुपन्देहीको लुम्बिनी सांस्कृतिक नगरपालिकामा जग्गाको वर्गीकरणमा ढिलाइ हुँदा एक वर्षदेखि कित्ताकाट र जग्गा किनबेच प्रभावित भएको छ। • स्थानीयले विवाह, ऋण भुक्तानी र अन्य आवश्यकताका लागि जग्गा बेच्न नपाउँदा सास्ती भोगिरहेका छन्, र नगरपालिकाले प्रक्रिया पूरा गर्न ढिलाइ गरिरहेको छ। • नगरपालिकाका प्रमुख प्रशासकीय अधिकृतले वर्गीकरणको काममा भएको ढिलाइको समस्या जानकार रहेको र प्रक्रिया अघि बढिरहेको बताएका छन्। ...

नेपालबहस
६ प्रदेशमा सीप तथा रोजगार मेला आयोजना गरिँदै
Latest NewsJust now

६ प्रदेशमा सीप तथा रोजगार मेला आयोजना गरिँदै

रोजगार खोजकर्ता र रोजगारदाताबीच प्रत्यक्ष सम्पर्क स्थापित गरी रोजगारीका अवसर सिर्जना गर्ने उद्देश्यले मेला आयोजना गर्न लागिएको हो । ...

कान्तिपुर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play