काठमाडौं । सङ्घीय सरकारका भौतिक पूर्वाधारमन्त्री सुनिल लम्सालले आगामी स्थानीय तह निर्वाचनमा मधेश प्रदेशका सबै स्थानीय तहमा राष्ट्रिय स्वतन्त्र पार्टी (रास्वपा)ले ‘क्लिन स्वीप’ गर्नुपर्ने बताएका छन् । रास्वपा जनकपुरधाम नगर कमिटीले बुधबार जनकपुरमा आयोजना गरेको भेटघाट तथा अन्तरक्रिया कार्यक्रममा बोल्दै मन्त्री लम्सालले मधेशमा पार्टीले ‘क्लिन स्वीप’ गर्ने लक्ष्य राख्नुपर्ने बताएका हुन् । उनले पार्टीका समर्थक तथा कार्यकर्तालाई कसैसँग डराउनुपर्ने अवस्था नरहेको उल्लेख गर्दै आगामी निर्वाचनमा रास्वपाको पक्षमा मतदान गर्न मतदातालाई आग्रह गरे ।उनका अनुसार विगत १० वर्षको बजेट एकमुष्ट जोड्दा पनि चालु आर्थिक वर्षको बजेट बढी रहेको छ । बजेटको तुलनात्मक हिसाब हेरेर मधेशका मतदाताले विगतमा कुन दललाई स्थानीय तहमा मत दिए र त्यसबाट के उपलब्धि भयो भन्ने समीक्षा गर्नुपर्ने उनको भनाइ थियो । लम्सालले विगतका सरकार र राजनीतिक दलले मधेशका लागि गरेको कामको मूल्यांकन गरेर मतदाताले निर्णय लिनुपर्ने बताए । रास्वपाले मधेशका लागि गरेको काम इतिहासमा अन्य कुनै सरकारले नगर्ने दाबीसमेत उनले गरे ।
मधेशका स्थानीय तह पनि रास्वपाले ‘क्लिन स्वीप’ गर्नुपर्छ -मन्त्री सुनिल लम्साल

Read Complete Original Article
Published originally on केन्द्रबिन्दु






