काठमाडौं । बाह्रखरी मिडियाले आयोजना गरेको ‘डिगो १२खरी कथा प्रतियोगिता, २०८३’ को प्रथम पुरस्कार कथाकार चेतनाथ आचार्यले प्राप्त गर्नुभएको छ । उहाँको ‘भोटेकोशीको सुसाहट’ शीर्षकको कथाले दुई लाख रुपैयाँसहित प्रथम पुरस्कार जितेको हो । प्रतियोगितामा ‘सपनाको अर्को रंग’ कथाका मधुर भट्टराईले एक लाख रुपैयाँसहित द्वितीय र ‘अस्तित्वको अल्गोरिदम’ कथाकी सरस्वती सरसले ६० हजार रुपैयाँसहित तृतीय पुरस्कार प्राप्त गर्नुभएको छ । आइतबार काठमाडौंमा आयोजित समारोहमा प्रतिनिधिसभाका सभामुख डोलप्रसाद (डीपी) अर्यालले विजेता कथाकारहरूलाई पुरस्कार प्रदान गर्नुभएको थियो । सोही अवसरमा प्रतियोगिताका उत्कृष्ट २५ कथाको सँगालो ‘बाह्रखरी उत्कृष्ट कथा, २०८३’ पनि सार्वजनिक गरिएको थियो । यस वर्ष प्रतियोगितामा नेपालसहित विश्वका विभिन्न मुलुकबाट प्राप्त एक हजार २२९ कथामध्ये उत्कृष्ट २५ कथा छनोट गरिएको थियो । उत्कृष्ट २५ मा परेका प्रथम, द्वितीय र तृतीयबाहेकका २२ कथाकारलाई जनही सात हजार रुपैयाँ प्रदान गरिएको छ । उत्कृष्ट २५ कथाको सँगालो फाइनप्रिन्टले प्रकाशन गरेको हो । आख्यानकार नयनराज पाण्डेले सम्पादन गरेको कृतिमा विभिन्न पुस्ताका कथाकारका कथा समेटिएका छन् । प्रतियोगिताको निर्णायक समितिमा अग्रज कथाकार भुवन ढुंगाना संयोजक तथा समालोचक डा.ज्ञानु अधिकारी र लेखक एवं चलचित्रकर्मी खगेन्द्र लामिछाने सदस्य हुनुहन्थ्यो । बाह्रखरी मिडियाले कथा लेखन र साहित्यिक सिर्जनालाई प्रोत्साहन गर्ने उद्देश्यले विगत आठ वर्षदेखि निरन्तर यो प्रतियोगिता आयोजना गर्दै आएको छ ।
‘भोटेकोशीको सुसाहट’लाई बाह्रखरी कथा प्रतियोगिताको प्रथम पुरस्कार

Read Complete Original Article
Published originally on हिमालय टाइम्स






