Tuesday, November 17, 2026||
MultiKhabarMultiKhabar

बिपी राजमार्ग चौडा बनाउन पौने चार अर्बको स्रोत–प्रस्ताव

Share:WhatsAppFacebookX (Twitter)Telegram
बिपी राजमार्ग चौडा बनाउन पौने चार अर्बको स्रोत–प्रस्ताव
Photo / Coverage: केन्द्रबिन्दु

काभ्रेपलाञ्चोक । बिपी राजमार्ग चौडा पारिने भएको छ । सदरमुकाम धुलिखेलदेखि नमोबुद्धको दाप्चा १ नं पुलसम्मको सडक थप चौडा पारिने भएको हो । सडक चौडा पार्दा १० मिटरसम्मको मुख्य कालोपत्रे सडक डिभिजन सडक कार्यालय, भक्तपुरले जनाएको छ । सडक चौडा पार्न रु तीन अर्ब ७९ करोड ७८ लाख ५५ हजार ५०० स्रोत प्रस्ताव गरिएको जनाइएको छ । हाल भने मुख्य कालोपत्रे भागको चौडाइ सामान्यता पाँच दशमलव ५ मिटर (इन्टरमिडियट : एक लेनभन्दा केही फराकिलो) रहेको छ । कार्यालयका अनुसार चौडा पारिने सडकको लम्बाइ २० दशमलव छ किलोमिटर रहेको छ । सडक चौडा पार्न विस्तृत परियोजना प्रतिवेदन (डिपीआर) तयार भइसकेको कार्यालय प्रमुख सिनियर डिभिजनल इञ्जिनियर सुमन योगेशले जानकारी दिए । उनले प्रारम्भिक बातावरणीय परीक्षण प्रतिवेदन तयार पार्ने काम अन्तिम चरमा पुगेको पनि बताए । डिपीआर अनुसार रु तीन अर्ब ७९ करोड ७८ लाख ५०० लाग्ने खर्चका लागि भौतिक पूर्वाधार तथा यातायात मन्त्रालयलाई स्रोत प्रस्ताव गरिएको योगेशको भनाइ छ । कूल खर्चानुमान अनुसार सडक फराकिलो बनाउन प्रतिकिलोटिर रु १८ करोड छ लाख लाग्ने भएको हो । “स्रोत सुनिश्चित भएपछि ठेक्का प्रक्रियामा गइनेछ, यसै वर्ष विस्तारको काम सुरु हुन्छ”, योगेशले भने । उनका अनुसार धुलिखेलदेखि भकुण्डेबँेशीसम्म सडक दायाँबाँयाका रुख कटान गर्नुपर्ने तथा मोड सुधारका लागि केही घरसमेत भत्काउनुपर्ने अवस्था रहेकाले काम सुरु गर्न ठेक्का प्रक्रियासँगै केही महिना लम्बिन सक्ने छ । काम सुरु गरिएको तीन वर्षभित्र सडक विस्तारको काम सम्पन्न हुने समय सीमा सम्झौतामा तोकिने छ । सडक दायाँबाँया १५ मिटरभित्र बनेका उक्त संरचना तथा जग्गाको मु–आब्जा वितरण भइसकेको योगेशले बताए । हाल विस्तार गर्ने भनिएको उल्लेखित दुरीको सडक धुलिखेल, पाँचखाल, पनौती तथा नमोबुद्ध नगरका सडकखण्डमा पर्दछ । उक्त राजमार्गअन्तर्गत काभ्रेपलाञ्चोकको रोशी क्षेत्र तथा सिन्धुलीको नेपालथोक क्षेत्रमा पछिल्ला केही बर्षदेखिको बाढी–पहिरोले क्षतिग्रस्त केही नयाँ पुनर्निमाण हुने खण्डलाई भने विस्तार गरेर नाला र ढलसहित ११ मिटर (मुख्य कालापत्रे भाग सात मिटर) बनाउने योजनासहितको काम बढाइएको कार्यालयले जनाएको हो । सडकखण्ड विस्तारपछि प्रतिघण्टा ३० बाट ६० किमी पुर्‍याइनेछ । जसका कारण ठूला सवारीसाधन आवागमनमा कुनै समस्या देखिने छैन । सडक विस्तारपछि नारायणगढ हुँदै लामो दूरी घुमेर काठमाडौँ आउनुपर्ने ठूला सवारीसाधन बिपी राजमार्ग हुँदै छोटो दूरीमै राजधानी भित्रिन सक्नेछन् । विस्तारका क्रममा सहज स्थानमा पर्खाल उठाएर र अप्ठ्यारा ठाउँमा भित्तो काटेर सडक चौडा गरिने कार्यालयले जनाएको छ । विसं २०८१ असोजको बाढीपहिरोले भकुण्डेबेँशीदेखि नेपालथोकसम्मको सडकखण्डमा व्यापक क्षति पुर्‍याएपछि त्यस क्षेत्रलाई दुई लेनमै पुनस्निर्माण गर्ने प्रक्रियाअघि बढाइएको थियो । सोही क्रममा सुरुवाती बिन्दु धुलिखेलदेखि भकुण्डेबेँशीसम्मको खण्डलाई पनि दुई लेन बनाउन माथिल्लो निकायबाट प्रस्ताव स्वीकृत भएको योगेशको भनाइ छ । धुलिखेलदेखि नेपालथोकसम्मको करिब ५२ किमी सडक दुई लेन बनेपछि नेपालथोकबाट मध्यपहाडी लोकमार्ग हुँदै खुर्कोटसम्म सहजै पुग्न सकिनेछ । नेपालथोकदेखि खुर्कोटसम्मको पुरानो बिपी राजमार्गलाई दुई लेन बनाउन भौगोलिक रुपमा कठिन भएकाले नेपालथोकमा सुनकोशी नदीमाथि दुई लेनको पक्की पुल निर्माणका लागि पनि ठेक्का लागिसकेको योगेशले जानकारी दिए । यस्तै विसं २०८१ असोजको बाढीपहिरोले राजमार्गअन्तर्गत भकुन्डेबोसीदेखि नेपालथोकसम्म करिब ३० किलोमिटर सडकमा क्षति पुर्‍याएको थियो । त्यसयता रोशी खोलामा अस्थायी रुपमा डाइभर्सन बनाइ आवागमन गराउँदै आइएको थियो । हाल क्षतिग्रस्त क्षेत्रमा स्थायी पुनस्निर्माणको काम तीव्ररुपमा भइरहेको कार्यालयले जनाएको छ । क्षग्रिस्त राजमार्गअन्तर्गत काभ्रेपलाञ्चोकतर्फ तीन र सिन्धुलीतर्फ एक गरी चार प्याकेज बनाएर ठेक्का सम्झौता गरी कामअघि बढाइएको थियो । जसमध्ये काभ्रेपलाञ्चोक तर्फका तीन सडकखण्डलाई रु सात अर्ब ५० करोड र सिन्धुलीको एक सडकखण्डलाई रु एक अर्बको स्रोत सहमति दिइएको हो । जापान सरकारको अनुदान सहयोगमा आर्थिक वर्ष २०५३र५४ बाट बिपी राजमार्ग (धुलिखेल–सिन्धुली–बर्दिवास १६० किमी सडक) निर्माण कार्य सुरु गरिएको थियो । खण्डखण्ड विभाजन गरी निर्माण सम्पन्न राजमार्गको विसं २०७२ असार १८ गते औपचारिक रुपमा जापान सरकारले नेपाल सरकारलाई हस्तान्तरण गरेको थियो ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
करिब २२ केजी सुन प्रकरणमा पक्राउ परेका ३ चिनियाँ कारागार चलान
Latest NewsJust now

करिब २२ केजी सुन प्रकरणमा पक्राउ परेका ३ चिनियाँ कारागार चलान

काठमाडौँ। काठमाडौँको बुढानीलकण्ठ नगरपालिका–२ स्थित माथिल्लो भंगालबाट २१ केजी ७५० ग्राम सुन सहित पक्राउ परेका ३ जना चिनियाँलाई कारागार चलान गरिएको छ। काठमाडौँ जिल्ला अदालतको आदेशले उनीहरूलाई पुर्पक्षका लागी कारागार पठाइएको... ...

रातोपाटी
पाँच पालिका भूमिहीन तथा अव्यवस्थित बसोबासी समस्यामुक्त घोषणा
Latest NewsJust now

पाँच पालिका भूमिहीन तथा अव्यवस्थित बसोबासी समस्यामुक्त घोषणा

काठमाडौं । भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधान गर्ने अभियानले थप उपलब्धि हासिल गरेको छ । भूमि समस्या समाधान समितिले सार्वजनिक गरेको सुचनामा देशका विभिन्न जिल्लाका पाँच स्थानीय तहलाई भूमिहीन दलित, भूमिहीन सुकुम्बासी तथा अव्यवस्थित बसोबासी समस्यामुक्त पालिका घोषणा गरिएको उल्लेख छ । सुचनाअनुसार समस्यामुक्त घोषणा हुने पालिकामा बागलुङको जैमिनी नगरपालिका, डोल्पाको […] ...

लोकपथ
मतदाता नामवलीबाट एक हजार २८९ जनाको नाम खारेजी
Latest NewsJust now

मतदाता नामवलीबाट एक हजार २८९ जनाको नाम खारेजी

जुम्ला, मङ्सिर १ गते । जिल्ला निर्वाचन कार्यालय, जुम्लाले मतदाता नामवलीमा दोहोरो नाम भएका एक हजार २८९ जनाको नाम मतदाता नामवलीबाट खारेज गरिएको छ । जिल्ला निर्वाचन कार्यालय जुम्लाका... ...

गोरखापत्र
बजेटको चार महिना : आम्दानीमा उत्साह, खर्चमा फेरिएन पुरानो प्रवृत्ति
Latest NewsJust now

बजेटको चार महिना : आम्दानीमा उत्साह, खर्चमा फेरिएन पुरानो प्रवृत्ति

काठमाडौँ । करिब दुई तिहाइ बहुमतसहित गठन भएको वालेन्द्र (बालेन) शाह नेतृत्वको सरकारले लक्ष्य अनुरुपको बजेट खर्च गर्न सकेको छैन । चालु आर्थिक वर्ष (२०८३/०८४) को पहिलो चार महिना (साउन–कात्तिक)... ...

रातोपाटी
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play