काठमाडौं । सशस्त्र प्रहरीका बर्खास्त अतिरिक्त महानिरीक्षक (एआईजी) वंशीराज दाहालले आफूलाई सेवाबाट हटाउने सरकारको निर्णयविरुद्ध प्रधानमन्त्री तथा मन्त्रिपरिषद्को कार्यालयमा पुनरावेदन दिएका छन् । गृहमन्त्री सुधन गुरुङको निर्णयबाट असोज २३ गते बर्खास्त भएका दाहालले निर्णय पुनर्विचार गर्न माग गर्दै निवेदन दिएका हुन् । बिचौलिया इनम सापकोटासँगको सम्पर्क र संवेदनशील सूचना चुहाएको आरोपमा सरकारले उनलाई निलम्बनपछि बर्खास्त गरेको थियो । चार वर्षे पदावधि असोज २७ गते सकिनुअघि नै कारबाहीमा परेका दाहालले पदावधि थपको प्रक्रिया अघि बढिरहेका बेला सेवाबाट बाहिरिनुपरेको थियो । गृहमन्त्रीको निर्णयविरुद्ध ३५ दिनभित्र मन्त्रिपरिषद्मा पुनरावेदन गर्न सकिने कानुनी व्यवस्थाअनुसार उनले निवेदन दिएका हुन् ।
बर्खास्त भएका एआईजी वंशीराज दाहालले दिए पुनरावेदन

Read Complete Original Article
Published originally on केन्द्रबिन्दु






