पोखरामा पल्सर आरपिएमको रौनक

काठमाडौं । पोखरा रंगशालास्थित अन्नपूर्ण स्केट पार्कमा आयोजित कार्यक्रममा मोटरसाइकल स्टन्ट, क्यालिस्थेनिक्स प्रतियोगिता, बिएमएक्स, स्केटबोर्डिङ, ब्रेकिङ, ग्राफिटी तथा विभिन्न मनोरञ्जनात्मक गतिविधि प्रस्तुत गरिएको थियो । मौसम र कार्यक्रमस्थलसम्मको पहुँचमा केही चुनौती रहे पनि दर्शकको उल्लेखनीय उपस्थितिले पोखरामा पल्सर आरपिएमप्रतिको उत्साह प्रतिबिम्बित गरेको आयोजकले जनाएको छ । कार्यक्रममा पल्सर एन १६० मार्फत् प्रस्तुत रोमाञ्चक मोटरसाइकल स्टन्टले दर्शकको ध्यान आकर्षित गरेको थियो । त्यस्तै, फ्रिस्टाइल र स्ट्याटिक्स विधामा आयोजित क्यालिस्थेनिक्स प्रतियोगितामा खेलाडीहरूले आफ्नो शारीरिक क्षमता, सन्तुलन र कौशल प्रदर्शन गरेका थिए । अवार्ड विजेता खेलाडीको सहभागिताले प्रतियोगिता थप आकर्षक बनाएको थियो । कार्यक्रममा स्थानीय बिएमएक्स राइडर, स्केटबोर्डर, ब्रेकिङ कलाकार, ग्राफिटी आर्टिस्ट तथा आर्म रेस्लिङका सहभागीहरूले पनि आफ्नो प्रतिभा प्रस्तुत गरेका बताइएको छ । आयोजकका अनुसार डिजे जेन्टल-जीको प्रस्तुतिसँगै विभिन्न सहभागितामूलक गतिविधि, फुड तथा कफी स्टलले कार्यक्रमलाई थप जीवन्त बनाएको थियो । कार्यक्रमस्थलमा पल्सर एन १६० र एनएस २०० को प्रदर्शनका साथै टेस्ट राइडको व्यवस्था गरिएको थियो, जसले सहभागीहरूलाई दुवै मोटरसाइकलको अनुभव लिने अवसर प्रदान गरेको थियो । काठमाडौं र बुटवलमा सफल आयोजना भइसकेको पल्सर आरपिएमको पोखरा संस्करणले स्थानीय प्रतिभा र युवा समुदाय एउटै मञ्चमा जोड्दै नेपालमा स्ट्रिट कल्चर तथा एक्सन स्पोर्ट्स विकासमा योगदान पुर्‍याउने उद्देश्य थप बलियो बनाएको छ ।