दोस्रो प्रेम सम्बन्धको आरोपपछि 'एन्भिडिआ'का प्रमुख कार्यकारी अधिकृत जेन्सन वाङले दिए पदबाट राजीनामा

<figure> <img alt="एन्भिडिआका सबैभन्दा ठूला लगानीकर्ता जेन्सन वाङ " src="https://ichef.bbci.co.uk/ace/standard/raw/cpsprodpb/0f6f/live/a95547d0-dea3-11f1-b441-2b33b063138f.jpg"/> Reuters </figure><p>चीनका लागि जासुसी गरेको आरोप लागेकी एक जना महिलासँगको प्रेम सम्बन्धका कारण विवादमा तानिएका प्रविधि कम्पनी एन्भिडिआका प्रमुख कार्यकारी अधिकृत जेन्सन वाङले पदबाट राजीनामा दिएका छन्।</p><p>एआई चिप बनाउने विश्वकै ठूलो कम्पनीका सबैभन्दा ठूला लगानीकर्ता समेत रहेका वाङ कम्पनीको सञ्चालक समितिबाट पनि बाहिरिने भएका छन्।</p><p>आफ्ना प्रमुख कार्यकारी अधिकृतलाई पदबाट हटाउने वा नहटाउने विषयमा कम्पनीको सञ्चालक समितिले छलफल गरिरहेको समयमा वाङले राजीनामा दिएका हुन्। उनको विवाहेतर दोस्रो सम्बन्धको समाचार बाहिरिएपछि उनी थप दबावमा थिए।</p><ul> <li><a href="https://www.bbc.com/nepali/articles/cwly4n5r566go?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">चिनियाँ जासुससँग आफ्ना सीईओको &#039;सम्बन्ध&#039;बारे छानबिन गर्न एन्भिडियाले रोज्यो ठूलो कानुनी फर्म</a></li><li><a href="https://www.bbc.com/nepali/articles/cxdd81dm5290o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">सन्दिग्ध चिनियाँ जासुससँग &#039;सम्बन्ध&#039; रहेको विषयमा एन्भिडिआद्वारा सीईओमाथि &#039;छानबिन सुरु&#039;</a></li> </ul><p>आफ्नै कम्पनीमा कार्यरत एक जना कार्यकारीसँग पनि वाङको प्रेम सम्बन्ध रहेको समाचार &#039;न्यू योर्क टाइम्स&#039;ले प्रकाशित गरेको थियो।</p><p>उक्त समाचारसँगै एन्भिडिआको शेअर मूल्य साढे सात प्रतिशतले घटेको थियो।</p><p>वाङले एक महिलासँग सम्बन्ध रहेको स्वीकार गरेका थिए। अर्को कम्पनीसँग सम्बन्धित एलिस वाङ नाम गरेकी ती महिलाले बेइजिङका लागि जासुसी गर्ने गरेको आरोप लागेको थियो।</p><p>वाङले सम्बन्ध स्वीकार गरेकी महिलाबारे एन्भिडिआ र अमेरिकी सङ्घीय अनुसन्धान ब्यूरो एफबीआईले छुट्टाछुट्टै अनुसन्धान गरिरहेका छन्।</p><p>बेइजिङले जासुसीसम्बन्धी आरोपलाई चीनमा हुने प्रविधि बिक्रीमा पुनः प्रतिबन्ध लगाउने बहानाका रूपमा प्रयोग नगर्न अमेरिकालाई चेतावनी दिएको छ।</p><p>बीबीसीकी बेइजिङ संवाददाता लोरा बिकरका अनुसार यो प्रकरणका कारण चिनियाँ राष्ट्रपति सि जिन्पिङको निमन्त्रणामा आगामी साता हुन लागेको अमेरिकी राष्ट्रपति डोनल्ड ट्रम्पको चीन भ्रमण नबिथोलियोस् भन्ने विदेश मन्त्रालयले चाहेको छ।</p><h2>एन्भिडिआ कस्तो कम्पनी हो</h2><figure> <img alt="एन्भिडिआ" src="https://ichef.bbci.co.uk/ace/standard/raw/cpsprodpb/e195/live/593fd910-dea6-11f1-a701-fddedf244c16.jpg"/> Getty Images <figcaption>फाइल तस्बिर</figcaption> </figure><p>आर्टिफिशल इन्टेलिजन्श एआईको तीव्र विस्तारमा एन्भिडिआलाई सबैभन्दा महत्त्वपूर्ण कम्पनीमध्ये एक मानिन्छ।</p><p>एपलपछि एन्भिडिया विश्वको दोस्रो सबैभन्दा मूल्यवान् कम्पनी हो। एआईको विश्वव्यापी प्रतिस्पर्धामा अग्रस्थान हासिल गर्न चाहने अमेरिकी अधिकारीहरूका लागि एन्भिडियाले उत्पादन गर्ने चिप राष्ट्रिय सुरक्षासँग जोडिएको विषय बनेको छ।</p><p>एलिस वाङ सिङ्गापुरको मेगास्पिड नामक कम्पनीमा कार्यकारी पदमा थिइन्। उक्त कम्पनी एन्भिडियाको ग्राहकसमेत रहँदै आएको थियो।</p><p>मेगास्पिडले एन्भिडियाका चिपहरू अन्य माध्यमबाट चीन पुर्‍याउन सहयोग गरेको हुन सक्ने आशङ्का गरिएको थियो। तर एन्भिडियाले उक्त विषयमा अनुसन्धान गरिएको र आरोप निराधार रहेको पुष्टि भएको जनाएको छ।</p><h2>सन्दिग्ध जासुस को हुन्</h2><p>&#039;न्यू योर्क टाइम्स&#039;ले अमेरिकी गुप्तचर निकायहरूले एक चिनियाँ व्यवसायी महिलाको निगरानी गरिरहेको र उनले बेइजिङका तर्फबाट काम गरिरहेको निष्कर्ष निकालेको बताएको छ।</p><p>उक्त समाचारमा नाम उल्लेख नगरिएका स्रोतहरूलाई उद्धृत गरिएको छ।</p><p>निगरानीका क्रममा ती सन्दिग्ध जासुस र एक अमेरिकी नागरिकबीचको कुराकानी देखिएको भनिएको कुरा छ जसलाई पछि &quot;अन्मास्किङ&quot; भनिने प्रक्रियामार्फत् जेन्सन वाङका रूपमा पहिचान गरिएको थियो।</p><p>एलिस वाङले टिप्पणीको लागि उक्त पत्रिकाले गरेको अनुरोधको जबाफ दिएकी छैनन्। उनी सिङ्गापुरमा आधारित एक डेटा सेन्टर कम्पनी मेगास्पीडसँग सम्बद्ध छिन्।</p><ul> <li><a href="https://www.bbc.com/nepali/articles/c749zm08ex0o?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">भारतको जासुसी संस्था ‘रअ’ कसरी बन्यो, यसका गुप्तचर कसरी छानिन्छन्</a></li><li><a href="https://www.bbc.com/nepali/articles/cy8g0ydd3zgo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank"> इजरेली गुप्तचर निकाय मोसादका सफल र विफल गोप्य कार्वाहीहरू</a></li> </ul><p><strong>बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न </strong><a href="https://www.youtube.com/channel/UCa9wigEw31xDMh_nrscmL6g" rel="noreferrer" target="_blank"><strong>यहाँ </strong></a><strong>क्लिक गर्नुहोस्। तपाईँ </strong><a href="https://www.facebook.com/BBCnewsNepali" rel="noreferrer" target="_blank"><strong>फेसबुक</strong></a><strong>, </strong><a href="https://www.instagram.com/bbcnewsnepali/" rel="noreferrer" target="_blank"><strong>इन्स्टाग्राम </strong></a><strong>र </strong><a href="https://twitter.com/bbcnepali" rel="noreferrer" target="_blank"><strong>ट्विटर</strong></a><strong>मा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ। </strong></p><img src="https://a1.api.bbc.co.uk/hit.xiti/?s=598346&amp;p=nepali.articles.cm2l5n1z2yp5o.page&amp;x1=%5Burn%3Abbc%3Aoptimo%3Aasset%3Acm2l5n1z2yp5o%5D&amp;x4=%5Bne%5D&amp;x5=%5Bhttps%3A%2F%2Fwww.bbc.com%2Fnepali%2Farticles%2Fcm2l5n1z2yp5o%5D&amp;x7=%5Barticle%5D&amp;x8=%5Bsynd_nojs_ISAPI%5D&amp;x9=%5B%E0%A4%A6%E0%A5%8B%E0%A4%B8%E0%A5%8D%E0%A4%B0%E0%A5%8B+%E0%A4%AA%E0%A5%8D%E0%A4%B0%E0%A5%87%E0%A4%AE+%E0%A4%B8%E0%A4%AE%E0%A5%8D%E0%A4%AC%E0%A4%A8%E0%A5%8D%E0%A4%A7%E0%A4%95%E0%A5%8B+%E0%A4%86%E0%A4%B0%E0%A5%8B%E0%A4%AA%E0%A4%AA%E0%A4%9B%E0%A4%BF+%27%E0%A4%8F%E0%A4%A8%E0%A5%8D%E0%A4%AD%E0%A4%BF%E0%A4%A1%E0%A4%BF%E0%A4%86%27%E0%A4%95%E0%A4%BE+%E0%A4%AA%E0%A5%8D%E0%A4%B0%E0%A4%AE%E0%A5%81%E0%A4%96+%E0%A4%95%E0%A4%BE%E0%A4%B0%E0%A5%8D%E0%A4%AF%E0%A4%95%E0%A4%BE%E0%A4%B0%E0%A5%80+%E0%A4%85%E0%A4%A7%E0%A4%BF%E0%A4%95%E0%A5%83%E0%A4%A4+%E0%A4%9C%E0%A5%87%E0%A4%A8%E0%A5%8D%E0%A4%B8%E0%A4%A8+%E0%A4%B5%E0%A4%BE%E0%A4%99%E0%A4%B2%E0%A5%87+%E0%A4%A6%E0%A4%BF%E0%A4%8F+%E0%A4%AA%E0%A4%A6%E0%A4%AC%E0%A4%BE%E0%A4%9F+%E0%A4%B0%E0%A4%BE%E0%A4%9C%E0%A5%80%E0%A4%A8%E0%A4%BE%E0%A4%AE%E0%A4%BE%5D&amp;x11=%5B2026-11-12T14%3A37%3A02.379Z%5D&amp;x12=%5B2026-11-12T14%3A37%3A02.379Z%5D&amp;x19=%5Bnepalipatro.com.np%5D"/>