दराज ११.११ अभियानमा महालक्ष्मी

काठमाडौं । महालक्ष्मी विकास बैंक र दराज नेपालले ११.११ अभियानका लागि सहकार्य गरेका छन् । ११.११ का रूपमा विश्वव्यापीरूपमा नै मनाइने अभियानमार्फत् महालक्ष्मी विकास बैंकले प्रदान गर्दै आएका डिजिटल बैंकिङ सुविधा अझ विस्तार गर्दै जाने नीतिअनुरूप दराजसँग सहकार्य गरिएको बैंकले जनाएको छ । सहकार्यअन्तर्गत कात्तिक २५ गतेसम्मका लागि लागू हुने गरी महालक्ष्मी विकास बैंकका डेबिट कार्ड तथा क्रेडिट कार्ड लिएका ग्राहकले दराज नेपालमार्फत् सामान खरिद गर्दा विशेष छुट प्राप्त गर्न सक्नेछन् । ग्राहकहरूले डेबिट कार्डबाट भुक्तानी गर्दा खरिद रकममा १५ प्रतिशत वा अधिकतम एक हजार पाँच सय रुपैयाँसम्म छुट तथा क्रेडिट कार्डबाट भुक्तानी गर्दा खरिद रकममा २० प्रतिशत वा अधिकतम दुर्ई हजार रुपैयाँसम्म छुट प्राप्त गर्न सक्ने बताइएको छ । छुटका लागि दराजबाट भौचर संकलन गर्नुपर्नेछ भने योजना अवधिभर सहभागी हुने ग्राहकलाई पहिलो प्राथमिकतामा राखी छुट प्रदान गरिने बैंकले जनाएको छ ।