Wednesday, November 18, 2026||
MultiKhabarMultiKhabar

कीर्तिमान छाडेर अन्तर्राष्ट्रिय फुटबलबाट बिदा भए गोल मेसिन लुकाकू

Share:WhatsAppFacebookX (Twitter)Telegram
कीर्तिमान छाडेर अन्तर्राष्ट्रिय फुटबलबाट बिदा भए गोल मेसिन लुकाकू
Photo / Coverage: हिमालय टाइम्स

ब्रुसेल । बेल्जियमका स्टार स्ट्राइकर रोमेलु लुकाकूले अन्तर्राष्ट्रिय फुटबलबाट सन्न्यास लिनुभएको छ । ३३ वर्षको उमेरमा उहाँले बेल्जियमको राष्ट्रिय टोलीबाट आफ्नो १६ वर्ष लामो यात्रालाई पूर्णविराम लगाउने निर्णय गर्नुभएको हो । लुकाकूले सामाजिक सञ्जाल इन्स्टाग्राममार्फत् अन्तर्राष्ट्रिय फुटबलबाट सन्न्यास लिएको घोषणा गर्नुभएको छ । बेल्जियमको फुटबल इतिहासमा सर्वाधिक गोल गर्ने खेलाडीका रूपमा आफ्नो नाम लेखाउनुभएका लुकाकूले राष्ट्रिय टोलीका लागि १३५ खेल खेल्दै कीर्तिमानी ९४ गोल गर्नुभएको छ । उहाँ पुरुष अन्तर्राष्ट्रिय फुटबलमा सर्वाधिक गोल गर्ने खेलाडीको सूचीमा पाँचौँ स्थानमा हुनुहुन्छ । सानै उमेरदेखि राष्ट्रिय टोलीमा प्रवेश गर्नुभएका लुकाकूले डेढ दशकभन्दा लामो समय बेल्जियमको आक्रमण सम्हाल्नुभयो । यस अवधिमा उहाँले व्यक्तिगत कीर्तिमानमात्र बनाउनुभएन, बेल्जियमको फुटबललाई विश्वस्तरमा स्थापित गराउन पनि महत्त्वपूर्ण भूमिका निर्वाह गर्नुभयो । उहाँले सामाजिक सञ्जालमा भावुक सन्देश लेख्दै राष्ट्रिय टोलीसँगको यात्रामा आफूले जीवनका विभिन्न अनुभूति सँगालेको बताउनुभएको छ । खेलका क्रममा खुसी, दुःख, गर्व र निराशालगायत हरेक भावना अनुभव गरेको उल्लेख गर्दै उहाँले आफ्ना सहकर्मी खेलाडी, प्रशिक्षक तथा बेल्जियमका समर्थकप्रति आभार व्यक्त गर्नुभयो । लुकाकूले बेल्जियमका लागि १६ वर्षको उमेरमै अन्तर्राष्ट्रिय फुटबलमा डेब्यु गर्नुभएको थियो । त्यसपछि उहाँले राष्ट्रिय टोलीको जर्सीमा चारवटा फिफा विश्वकप र तीनवटा युरोपेली च्याम्पियनसिप (युरोकप) खेल्ने अवसर पाउनुभयो । उहाँ बेल्जियमको चर्चित ‘गोल्डेन जेनेरेसन’ का एक महत्त्वपूर्ण सदस्य हुनुहुन्थ्यो । केभिन डी ब्रुएना, इडेन हजार्ड, जान भर्टोङ्गेन र थिबो कोर्टुवाजस्ता खेलाडी सम्मिलित उक्त पुस्ताले बेल्जियमलाई अन्तर्राष्ट्रिय फुटबलको बलियो टोलीका रूपमा स्थापित गरेको थियो । लुकाकूले सन् २०१० को मार्चमा क्रोएसियाविरुद्ध खेल्दै बेल्जियमको राष्ट्रिय टोलीबाट डेब्यु गर्नुभएको थियो । उक्त खेलमा बेल्जियम १–० ले पराजित भएको थियो । त्यतिबेला उहाँको उमेर १६ वर्ष नौ महिना १८ दिनमात्र थियो । यससँगै उहाँ बेल्जियमको इतिहासमा राष्ट्रिय टोलीबाट डेब्यु गर्ने तेस्रो कान्छा खेलाडी बन्नुभएको थियो । डेब्यु गरेको केही महिनापछि नै उहाँले राष्ट्रिय टोलीका लागि पहिलो गोल गर्नुभयो । सन् २०१० नोभेम्बर १७ मा रुसविरुद्धको खेलमा गोल गर्दै उहाँले अन्तर्राष्ट्रिय गोलको खाता खोल्नुभएको थियो । उक्त खेल बेल्जियमले २-० ले जितेको थियो । त्यसपछि लुकाकूले पछाडि फर्केर हेर्नुपरेन । राष्ट्रिय टोलीका लागि निरन्तर गोल गर्दै उहाँले बेल्जियमको सर्वाधिक गोलकर्ताको कीर्तिमान आफ्नो नाममा लेखाउनुभयो । ९४ गोलको यो उपलब्धिले उहाँलाई बेल्जियमको फुटबल इतिहासमा विशेष स्थान दिलाएको हो । राष्ट्रिय टोलीमा लुकाकूको सहयात्रा व्यक्तिगत प्रदर्शनका हिसाबले मात्र होइन, सहकर्मी खेलाडीसँगको तालमेलका दृष्टिले पनि उल्लेखनीय रह्यो । बेल्जियमको जर्सीमा उहाँले सबैभन्दा बढी समय डिफेन्डर जान भर्टोङ्गेनसँग मैदानमा बिताउनुभयो । दुवैले सँगै ६ हजार ११० मिनेट खेल्नुभएको छ । यो बेल्जियमको राष्ट्रिय टोलीमा लुकाकूले कुनै एक खेलाडीसँग बिताएको सबैभन्दा लामो समय हो । अन्तर्राष्ट्रिय फुटबलबाट सन्न्यास लिए पनि लुकाकूले व्यावसायिक क्लब फुटबललाई भने निरन्तरता दिनुहुनेछ । उहाँ हाल टर्कीको फेनरबाहचेबाट व्यावसायिक फुटबल खेलिरहनुभएको छ । यसअघि उहाँ इटालियन क्लब नेपोलीमा आबद्ध हुनुहुन्थ्यो । राष्ट्रिय टोलीबाट बिदा हुने उहाँको निर्णयसँगै बेल्जियमले आफ्नो इतिहासकै सफल स्ट्राइकरमध्ये एक खेलाडीलाई गुमाएको छ । १३५ खेलमा ९४ गोलको कीर्तिमान बनाउनुभएका लुकाकूको स्थान अब राष्ट्रिय टोलीमा कसले लिन्छ भन्ने प्रश्न पनि बेल्जियमका लागि चुनौती बनेको छ । लुकाकूका लागि भने राष्ट्रिय टोलीको यात्रा अब सम्झनामा सीमित हुनेछ । तर, बेल्जियमको जर्सीमा उहाँले गरेका गोल, विश्वकप र युरोकपका प्रतिस्पर्धामा देखाएको प्रदर्शन तथा बनाएको कीर्तिमानले उहाँलाई बेल्जियमको फुटबल इतिहासमा लामो समयसम्म सम्झाइरहनेछ । एजेन्सी

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
पश्चिमी वायुको आंशिक प्रभाव कायमै, आज यी दुई प्रदेशमा हल्का वर्षाको सम्भावना
Latest NewsJust now

पश्चिमी वायुको आंशिक प्रभाव कायमै, आज यी दुई प्रदेशमा हल्का वर्षाको सम्भावना

काठमाडौँ । हाल नेपालमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ । जसको प्रभावले कोशी, बागमती र गण्डकी प्रदेशको हिमाली र पहाडी भूभागमा साधरणतया बादल लागेको छ... ...

रातोपाटी
पहाडी तथा हिमाली क्षेत्रमा आंशिक बदली
Latest NewsJust now

पहाडी तथा हिमाली क्षेत्रमा आंशिक बदली

काठमाडौँ, मङ्सिर २ गते । हाल मुलुकमा पश्चिमी वायुको आंशिक प्रभाव रहेको तथा त्यसका प्रभावले कोशी, बागमती र गण्डकी प्रदेशका हिमाली तथा पहाडी भूभागमा साधारणतया बादल लागेको छ भने लुम्ब... ...

गोरखापत्र
आज कति छ काठमाडौँ उपत्यकाको न्यूनतम तापक्रम
Latest NewsJust now

आज कति छ काठमाडौँ उपत्यकाको न्यूनतम तापक्रम

काठमाडौँ उपत्यकाको प्रारम्भिक न्यूनतम तापक्रम मापन गरिएको छ।  नेपाल मौसम विज्ञान विभागको मौसम पूर्वानुमान महाशाखाले नेपालखबरलाई दिएको जानकारीअनुसार आज (बुधबार) बिहान ५:४५ बजे मापन गर्दा काठमाडौँ उपत्यकाको न्यूनतम तापक्रम ९.८ डिग्री सेल्सियस देखिएको छ। हिजो मंगलबार यो बेला ८.८ डिग्री सेल्सियस देखिएको थियो। यसपछि अन्तिम मा... ...

नेपालखबर
एमालेको राष्ट्रिय भेला : विरासतको भारी, भविष्यको चुनौती
Latest NewsJust now

एमालेको राष्ट्रिय भेला : विरासतको भारी, भविष्यको चुनौती

नेपाल कम्युनिष्ट पार्टी (एमाले) अहिले आफ्नो राजनीतिक इतिहासकै एउटा कठिन मोडमा उभिएको छ । बाहिरबाट हेर्दा देशको प्रमुख राजनीतिक शक्तिमध्ये एक देखिए पनि पार्टीभित्र विकसितहुँदै गएको असन्तुष्टि, नेतृत्वप्रतिको अविश्वास, गुटगत प्रतिस्पर्धा र संगठनात्मक कमजोरीले एमालेको आन्तरिक अवस्था सहज छैन भन्ने संकेत गरिरहेका छन् । यही अवस्थामा मंसिर २ र ३ (आज र भोलि) गते काठमाडौंमा हुनलागेको राष्ट्रिय भेलालाई सामान्य राजनीतिक ...

हिमालय टाइम्स
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play