काठमाडौं । एसिसी पुरुष एसिया कप राइजिङ स्टार्स प्रतियोगितामा सहभागी हुन नेपाली राष्ट्रिय क्रिकेट टोली मंगलबार कतार प्रस्थान गरेको छ । प्रतियोगितामा नेपालले सन्दीप लामिछानेको कप्तानीमा प्रतिस्पर्धा गर्नेछ । क्यानले केही दिनअघि लामिछानेको कप्तानीमा १५ सदस्यीय टोली घोषणा गरेको थियो । टोलीमा कप्तान लामिछानेसहित लोकेश बम, बसिर अहमद, अर्जुन कुमाल, नन्दन यादव, पवन सर्राफ, ललित राजवंशी, कुशल भुर्तेल, सोमपाल कामी, दीपक डुम्रे, सन्दीप जोरा, अभिषेक गौतम, इशान पाण्डे, राशिद खान र देव खनाल हुनुहुन्छ । नोभेम्बर १९ देखि २९ सम्म कतारको दोहामा आयोजना हुने प्रतियोगितामा आठ टोली सहभागी हुनेछन् । ५० ओभरको प्रतियोगितामा नेपालले समूह चरणमा भारत ‘ए’, पाकिस्तान शाहिन्स र युएईसँग प्रतिस्पर्धा गर्नेछ । नेपालले नोभेम्बर २० मा भारत ‘ए’ विरुद्ध खेल्दै प्रतियोगिताको सुरुवात गर्नेछ । त्यसपछि नोभेम्बर २२ मा युएई र नोभेम्बर २४ मा पाकिस्तान शाहिन्ससँग खेल्ने तालिका छ । समूहका शीर्ष दुई टोली सेमिफाइनलमा प्रवेश गर्नेछन् । सेमिफाइनल नोभेम्बर २६ र २७ तथा फाइनल नोभेम्बर २९ मा हुनेछ । प्रतियोगिताका खेल वेस्ट इन्ड पार्क इन्टरनेसनल क्रिकेट स्टेडियम र दोहा युनिभर्सिटी अफ साइन्स एण्ड टेक्नोलोजी मैदानमा सञ्चालन हुनेछन् ।
एसिया कप राइजिङ स्टार्स खेल्न नेपाली टोली कतार प्रस्थान

Read Complete Original Article
Published originally on हिमालय टाइम्स






