इन्गेजमेन्ट गरेको केही घण्टापछि टिकटकर अनु परियारको सम्बन्धमा विवाद

काठमाडौं । पाकिस्तानी युवक अब्दुल्लाहसँग इन्गेजमेन्ट गरेकी टिकटक स्टार अनु परियारको सम्बन्धमा नयाँ विवाद सार्वजनिक भएको छ। अब्दुल्लाह दुबईमा अर्की नेपाली युवतीसँग लामो समयदेखि सम्बन्धमा रहेको दाबी सार्वजनिक भएपछि अनुले उनीसँगको सम्बन्ध अन्त्य गर्ने बताएकी छन्। सामाजिक सञ्जालमा सार्वजनिक विवरणअनुसार अब्दुल्लाह दुबईमा रहेकी माया तामाङ नामकी नेपाली युवतीसँग केही वर्षदेखि लिभिङ टुगेदरमा बस्दै आएका थिए। अनु र अब्दुल्लाहको इन्गेजमेन्ट सार्वजनिक भएपछि ती युवतीले अब्दुल्लाह आफ्नो प्रेमी भएको दाबी गरेकी हुन्। यस विषयमा हिजो राति सामाजिक सञ्जाल प्रयोगकर्ता फिटमिनको टिकटक लाइभमा अनु परियार र माया तामाङसमेत जोडिएका थिए। लाइभकै क्रममा अनुले अब्दुल्लाहले आफूलाई धोका दिएको भन्दै अब उनीसँग सम्बन्धमा नरहने बताएकी थिइन्। उनले अब्दुल्लाहलाई दुबई नै पठाइदिने पनि बताएको विवरण सार्वजनिक भएको छ। अब्दुल्लाहसँग इन्गेजमेन्ट गरेपछि अनुले उनीसँग बनाएका भिडियो तथा इन्गेजमेन्टको भिडियोसमेत प्राइभेट गरेको बताइएको छ। लाइभका क्रममा विवाद चर्किएपछि अनु निराश देखिएकी थिइन्। अनु र अब्दुल्लाहको चिनजान टिकटक लाइभबाट भएको बताइएको थियो। अब्दुल्लाहले अनुलाई टिकटकमा गिफ्ट पठाउने क्रममा उनीहरूबीच चिनजान बढेको र पछि प्रेम सम्बन्धमा परिणत भएको दाबी गरिएको छ।