Wednesday, November 18, 2026||
MultiKhabarMultiKhabar

अनेसासको आफ्नै भवन उद्घाटन

Share:WhatsAppFacebookX (Twitter)Telegram
अनेसासको आफ्नै भवन उद्घाटन
Photo / Coverage: हिमालय टाइम्स

अमेरिका । अन्तर्राष्ट्रिय नेपाली साहित्य समाज (अनेसास)को आफ्नै भवन निर्माण तथा खरिद गर्ने लामो समयदेखिको सपना साकार भएको छ । अमेरिकाको भर्जिनिया राज्यस्थित मनाससमा खरिद गरिएको अनेसासको भवनको नोभेम्बर १४, २०२६ मा विशेष समारोहबीच विधिवत् उद्घाटन गरिएको हो । अनेसासका संस्थापक अध्यक्ष होमनाथ सुवेदी, बोर्ड अफ ट्रष्टी (बीओटी)का सभापति पदम विश्वकर्मा, केन्द्रीय अध्यक्ष लालगोपाल सुवेदी तथा भवन खरिदका लागि ऋणको ग्यारेन्टी प्रदान गर्ने बीओटी सचिव नारायण अधिकारी र कोषाध्यक्ष नेत्रबन्धु पोखरेलले संयुक्तरूपमा रिबन काटेर भवनको उद्घाटन गर्नुभएको थियो । अनेसासको संस्थागत इतिहासमा महत्त्वपूर्ण उपलब्धिका रूपमा लिइएको भवन खरिदले संस्थाका आगामी गतिविधिलाई थप व्यवस्थित र प्रभावकारी बनाउने अपेक्षा गरिएको छ । कार्यक्रममा भवन खरिद समितिका संयोजक पुरु सुवेदीले भवन खरिद तथा ऋण व्यवस्थापन प्रक्रियाबारे जानकारी गराउनुभएको थियो । समारोहमा बोल्ने वक्ताहरूले अनेसासको आफ्नै भवन प्राप्ति भौतिक संरचनाको उपलब्धिमा मात्र सीमित नरही प्रवासमा नेपाली भाषा, साहित्य र संस्कृतिको संरक्षण तथा प्रवर्द्धनका लागि महत्त्वपूर्ण आधार बन्ने विश्वास व्यक्त गरे । उनीहरूले यस भवनलाई साहित्यिक गतिविधि, सिर्जना, विमर्श र नेपाली भाषा-संस्कृतिसँग सम्बन्धित कार्यक्रम सञ्चालन गर्ने साझा केन्द्रका रूपमा विकास गर्नुपर्नेमा जोड दिएका थिए । कार्यक्रममा संस्थाका पदाधिकारी, ट्रष्टी, आजीवन सदस्य, विभिन्न अमेरिकी राज्यबाट आएका साहित्यकार, समाजसेवी तथा नेपाली समुदायका प्रतिनिधिहरूको उल्लेख्य उपस्थिति थियो । सो अवसरमा सदस्यहरूबाट आर्थिक सहयोग जुट्ने तथा नयाँ आजीवन र ट्रष्टी सदस्यता थपिने क्रमसमेत जारी रहेको आयोजकले जनाएको छ । भवन उद्घाटन समारोहसँगै महाकवि लक्ष्मीप्रसाद देवकोटाको जन्मजयन्ती पनि साहित्यिक कार्यक्रमसहित मनाइएको थियो । देवकोटाको साहित्यिक योगदानको स्मरण गर्दै नेपाली भाषा र साहित्यको उन्नयनमा प्रवासी नेपाली समुदायको भूमिकाबारे चर्चा गरिएको थियो ।अनेसासको आफ्नै भवन प्राप्तिलाई प्रवासमा नेपाली भाषा, साहित्य र सांस्कृतिक पहिचानको संस्थागत संरक्षणका दिशामा ऐतिहासिक उपलब्धिका रूपमा हेरिएको छ । यसले भावी पुस्तामा नेपाली भाषा, साहित्य र संस्कृतिप्रतिको आकर्षण तथा अपनत्व अभिवृद्धि गर्न महत्त्वपूर्ण भूमिका खेल्ने अपेक्षा गरिएको छ ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
पश्चिमी वायुको आंशिक प्रभाव कायमै, आज यी दुई प्रदेशमा हल्का वर्षाको सम्भावना
Latest NewsJust now

पश्चिमी वायुको आंशिक प्रभाव कायमै, आज यी दुई प्रदेशमा हल्का वर्षाको सम्भावना

काठमाडौँ । हाल नेपालमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ । जसको प्रभावले कोशी, बागमती र गण्डकी प्रदेशको हिमाली र पहाडी भूभागमा साधरणतया बादल लागेको छ... ...

रातोपाटी
पहाडी तथा हिमाली क्षेत्रमा आंशिक बदली
Latest NewsJust now

पहाडी तथा हिमाली क्षेत्रमा आंशिक बदली

काठमाडौँ, मङ्सिर २ गते । हाल मुलुकमा पश्चिमी वायुको आंशिक प्रभाव रहेको तथा त्यसका प्रभावले कोशी, बागमती र गण्डकी प्रदेशका हिमाली तथा पहाडी भूभागमा साधारणतया बादल लागेको छ भने लुम्ब... ...

गोरखापत्र
आज कति छ काठमाडौँ उपत्यकाको न्यूनतम तापक्रम
Latest NewsJust now

आज कति छ काठमाडौँ उपत्यकाको न्यूनतम तापक्रम

काठमाडौँ उपत्यकाको प्रारम्भिक न्यूनतम तापक्रम मापन गरिएको छ।  नेपाल मौसम विज्ञान विभागको मौसम पूर्वानुमान महाशाखाले नेपालखबरलाई दिएको जानकारीअनुसार आज (बुधबार) बिहान ५:४५ बजे मापन गर्दा काठमाडौँ उपत्यकाको न्यूनतम तापक्रम ९.८ डिग्री सेल्सियस देखिएको छ। हिजो मंगलबार यो बेला ८.८ डिग्री सेल्सियस देखिएको थियो। यसपछि अन्तिम मा... ...

नेपालखबर
एमालेको राष्ट्रिय भेला : विरासतको भारी, भविष्यको चुनौती
Latest NewsJust now

एमालेको राष्ट्रिय भेला : विरासतको भारी, भविष्यको चुनौती

नेपाल कम्युनिष्ट पार्टी (एमाले) अहिले आफ्नो राजनीतिक इतिहासकै एउटा कठिन मोडमा उभिएको छ । बाहिरबाट हेर्दा देशको प्रमुख राजनीतिक शक्तिमध्ये एक देखिए पनि पार्टीभित्र विकसितहुँदै गएको असन्तुष्टि, नेतृत्वप्रतिको अविश्वास, गुटगत प्रतिस्पर्धा र संगठनात्मक कमजोरीले एमालेको आन्तरिक अवस्था सहज छैन भन्ने संकेत गरिरहेका छन् । यही अवस्थामा मंसिर २ र ३ (आज र भोलि) गते काठमाडौंमा हुनलागेको राष्ट्रिय भेलालाई सामान्य राजनीतिक ...

हिमालय टाइम्स
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play